ភ្នំពេញ៖ លោក ខៀវ កាញារីទ្ធិ រដ្ឋមន្រ្តីក្រសួងព័ត៌មាន បានដាក់ផែនការដល់ប្រពន្ធ័ផ្សព្វផ្សាយរបស់រដ្ឋទាំងអស់ ត្រូវពង្រឹងគុណភាពឲ្យកាន់តែខ្លំាង ដើម្បីទទួលបានការគំាទ្រពីសាធារណៈជនជៀសជាងការប្រើប្រាស់ធនធានរបស់រដ្ឋឥតប្រយោជន៍។
ថ្លែងក្នុងកិច្ចប្រជុំផ្សព្វផ្សាយផែនការការងារកាលពីថ្ងៃទី១៣ ខែធ្នូ ២០១៣ លោកខៀវ កាញារីទ្ធិ មានបានមានប្រសាសន៍ថា នៅឆ្នាំ២០១៤ខាងមុខនេះ ក្រសួងនឹង ធ្វើការកែទម្រង់ ជាច្រើនលើប្រពន្ធ័ផ្សព្វផ្សាយរបស់រដ្ឋ ក្នុងនោះផ្តោតសំខាន់លើវិស័យព័ត៌មាន។ ការកែទម្រង់លើវិស័យព័ត៌មាននេះ ខណៈដែលប្រពន្ធ័ផ្សព្វផ្សាយរបស់រដ្ឋមួយចំនួនដូចជាទូរទស្សន៍ជាតិកម្ពុជាបាន រងការរិះគន់ពីសាធារណៈជនជា ដើម។
លោករដ្ឋមន្រ្តីក្រសួងព័ត៌មានបញ្ជាក់ថា ចាប់ពីពេលនេះតទៅយើងចង់បានព័ត៌មានដែរខ្លីហើយចំខ្លឹមសារដែលធានា បាននូវគុណភាព មានគុណតម្លៃ និងផ្សាយបានលឿនសំដៅទាញយកការចាប់អារម្មណ៍ពីសាធារណៈជនមកវិញ ព្រោះវិស័យព័ត័មាននេះមានសារៈសំខាន់បំផុតក្នុងការផ្តល់អត្ថប្រយោជន៍ត្រលប់ ទៅវិញសម្រាប់ប្រជាពលរដ្ឋ។
លោកបន្ថែមទៀតថា នេះជាការសម្រេចមួយតាមការចង់បានរបស់របស់ពលរដ្ឋ ដូច្នេះ ប្រសិនបើយើងមិនកែទម្រង់ទេ នោះ ការប្រើប្រាស់ធនធានរបស់រដ្ឋនឹងឥតប្រយោជន៍ ដោយគ្មានអ្នកមើល និងអ្នកសា្តប់ ខណៈ ដែរបច្ចុប្បន្ននេះប្រពន្ធ័ផ្សព្វផ្សាយ ព័ត៌មាននៅកម្ពុជាកាន់តែសម្បូបែប ហើយមានការប្រ កួតប្រជែង។ «ឥឡូវយើងមានព័ត៌មានសម្បូបែបទូរទស្សន៍ វិទ្យច្រើន ប៉ុន្តែអ្នកយកព័ត៌មានយើងពិសេសអ្នកយកព័ត៌មានទូរទស្សន៍ ជាតិតែងតែបានទទួលការទាមទារឱ្យថតវែង និងច្រើនដែលនេះ ជាកត្តាមួយដែលធ្វើឱ្យគេមានការធុញទ្រាន់ដូច្នេះ យកអ្វីដែលគេចង់ដឹង»
លោកបានបញ្ជាក់ទៀតថា ក្រសួងនឹងមានផែនការបណ្តុះបណ្តាលម ន្រ្តីយកព័ត៌មានរបស់ រដ្ឋបន្ថែមទៀត ដើម្បីឲ្យពួកគេកាន់តែមានជំនាញ និងវិជ្ជាជីវៈច្បាស់លាស់សំដៅធានាឲ្យស្ថាបន័នេះគ្មានការរិះគន់ពីសារធារណៈជនទៀតឡើយ។
ជាងនេះទៅទៀតក្នុងគម្រោងពង្រឹងគុណភាពព័ត៌មាននេះ លោក រដ្ឋមន្រ្តីបានសម្រេចមិនបញ្ជូនក្រុមព័ត៌មានរបស់ទូរទស្សជាតិកម្ពុជាទៅយកព័ត៌មានរបស់គណៈបក្សសង្គ្រោះជាតិទៀតទេ លើកលែងតែមានការធានាសុវត្ថិភាពច្បាស់លាស់ពីខាងគណៈបក្សសង្គ្រោះជាតិ។
នេះជាការសម្រេចមួយបន្ទាប់ពីមន្រ្តីយកព័ត៌មានរបស់ទូរទស្សន៍ជាតិកម្ពុជាម្នាក់ឈ្មោះលោក សេង ចាន់ បានរងការវាយដំពីក្រុមសន្តិសុខរបស់ គណៈសង្គ្រោះជាតិ កាលពីថ្ងៃទី១០ ធ្នូ នៃទិវាសិទ្ធិមនុស្សអន្តរជាតិកន្លងទៅ។
សូមបញ្ជាក់ថា ប្រពន្ធ័ផ្សព្វផ្សាយដែលចំណុះឲ្យក្រសួងព័ត៌មាន មានដូចជា ទូរស្សន៍ជាតិកម្ពុជា , វិទ្យុជាតិកម្ពុជា AM 918 ,វិទ្យុជាតិFM96 វិទ្យុ វត្ត ភ្នំ FM105.70 ទស្សនាវត្តីកម្ពុជា និង ទីភ្នាក់ងារសារព័ត៌មានកម្ពុជា(AKP)ព្រមទាំងបណ្តាលស្ថានីយ៍វិទ្យុ ទូរទស្សន៍នៅតាមបណ្តាលខេត្តជាច្រើនទៀត៕ ដោយ៖ សេរីមករា