ភ្នំពេញ៖ លោក ប៉ា សុជាតិវង្ស អភិបាលរាជធានីភ្នំពេញ នារសៀលថ្ងៃទី៧ ខែសីហា ឆ្នាំ២០១៣ នេះ បានចុះ
ត្រួតពិនិត្យ ស្ថានីយ៍បូបទឹក បឹងត្របែក ត្រៀមលក្ខណៈ ទុកជាមុន ដើម្បីបង្កាជំនន់ទឹកភ្លៀង ក៏ដូចជាគ្រោះទឹក
ជំនន់ ដែលអាច និងកើតមាន នារដូវរស្សាខាងមុខនេះ ។
លោកអភិបាលបន្តថា មករាជធានីភ្នំពេញកន្លងមក បានទទួលការគំរាមកំហែងពីជំនន់ទឹកភ្លៀង ក៏ដូចជា
គ្រោះធម្មជាតិ ដូច្នេះការចុះត្រួតពិនិត្យ ស្ថានីយ៍បូមទឹក នាពេលនេះ គឺដើម្បីត្រៀមបម្រុង លក្ខណៈសម្បត្តិទុក
ជាមុន ជួយដល់ប្រជាពលរដ្ឋ ដែលរងនូវការលិចលង់ ដោយជំនន់ទឹកភ្លៀង ក៏ដូនជាជន់លិច ពីតំបន់ផ្សេងៗ។
លោកបន្តទៀតថា យើងមានស្ថានីយ៍បូមទឹកនៅក្នុងរាជធានីភ្នំពេញ មានទាំងអស់ចំនួន១០ នៅជុំវិញខ្សែ
ក្រវ៉ាត់ក្រុង ប៉ុន្តែសមត្ថភាព ក្នុងការបូមទឹកនោះ គឺពុំគ្រប់គ្រាន់ទេ ស្ថានីយ៍ទាំងនោះមានលទ្ធភាព បូមទឹកបាន
ត្រឹមតែ៨ ម៉ែត្រគីប ក្នុងមួយវិនាទី គឺមិនអាចបូបបានតាមស្តង់ដា រហូតដល់១៥ម៉ែត្រគីប ក្នុងមួយវិនាទីនោះទេ
ដូច្នេះនៅពេលមានភ្លៀងធំម្តងៗ តំបន់ខ្លះអាច លិចលង់ពី៣ ម៉ោង ទៅ៥ ម៉ោង ។
ក្នុងឱកាសនោះលោកអភិបាល បានធ្វើការអំពាវនាវ ដល់ប្រជាពលរដ្ឋចាប់ពីពេលនេះ តទៅសូមឈប់
រំលោភបំពាន ដីមាត់បឹងធ្វើជាកន្លែងស្នាក់នៅ ហើយអ្នកដែលបាន យកដីមាត់បឹង មាត់អាងស្តុបទឹក អាជ្ញា
ធរ និងខិតខំ រកដំណោះស្រាយឲ្យបានល្អប្រសើរ ដើម្បីរួមគ្នាថែករក្សា ហេដ្ឋរចនាសម្ព័ន្ធរាជធានីភ្នំពេញ។
ឯអាជ្ញាធរមូលដ្ឋានវិញត្រូវសហការគ្នាជាមួយប្រជាពលរដ្ឋ ធ្វើការត្រួតពិនិត្យអណ្តូង លូមុខផ្ទះ ហើយនៅ
ពេលមានភ្លៀង ធ្លាក់ត្រូវពិនិត្យមើលទឹក ដែលហូរចូលប្រអប់លូ ដើម្បីរួមគ្នាបញ្ឈប់ ការលិចលង់ទីក្រុង ៕
ដោយ៖ ស.ស្អាត