(MC): គណបក្សប្រឆាំង និងសង្គមស៊ីវិលបានប្រារព្ធទិវាសិទ្ធិមនុស្ស១០ធ្នូ ខួបទី ៦៥ ដោ​យគ្មានការរំខាន ពីសមត្ថកិច្ច
រដ្ឋាភិបាល រឺក្រុមណាមួយនោះទេ។ចាបពីម៉ោង៨និង១៥ នាទីព្រឹកថ្ងៃនេះ ក្បួនដង្ហែ មហាបាតុកម្មអហិង្សារបស់គ ណបក្ស សង្គ្រោះ ជាតិ បានចេញពីគោលដៅបីកន្លែងខុសៗគ្នា ឆ្ពោះមកកាន់ទីលានប្រជាធិបតេយ្យ ដោយផ្លូវជាតិលេខ ១និងលេខ២ ដឹកនាំក្បួន ដោយ លោក សម រង្ស៊ី ចេញពីទីស្នា​ក់ការគណបក្សសង្គ្រោះជាតិ សង្កាត់ចាក់អង្រែលើ ឆ្ពោះមកកាន់ទីលានប្រជាធិ បតេយ្យក្បែរវត្តភ្នំ ក្បួនមួយទៀតដឹកនាំ ដោយ លោក កឹម សុខា ចេញពីផ្លូវជាតិលេខ៣និងលេខ៤  ចំណែក ផ្លូវជាតិ លេខ ៥ និងលេខ៦ដឹកនាំ ដោយលោកស្រី មួរ សុខហួរ  ដោ​យ​ធ្វើដំណើរព្រមៗគ្នា មកកាន់តីលានប្រជាធិបតេយ្យ។

ថ្លែងនៅទីលានប្រជាធិបតេយ្យ ឯកឧត្តម សំ រង្ស៊ី បានលើកឡើងថា គណបក្សសង្គ្រោះជាតិ នៅតែប្រកាន់គោលជំហស្វែងរក យុត្តិធម៌ជូនម្ចាស់ឆ្នោត។លោក សម រង្ស៊ី បានលើកយកគំរូវីរភាពរបស់អតីតប្រធានាធិបតីស្បែកខ្មៅរបស់អាព្រិកខាងត្បូងគឺ​លោក និលសុន មែនឌិលឡាប្រាប់បាតុករថា គណបក្សរបស់លោក នឹងយកគំរូមេដឹកនាំនោះ ធ្វើការទាមទារអោយមាន​យុត្តិធម៌ តាមរយៈធម៌អហិង្សា។

ក្រោយពីថ្លែងជាមួយក្រុមបាតុកររួច លោក សម រង្ស៊ី បានដឹក​នាំក្បួនដង្ហែ ទៅចូលរួមទិវា សិទ្ធិមនុស្ស របស់អង្គការសង្គម​ស៊ីវិល​​​​​នៅ​វត្តភ្នំទៀត ។ ស្របពេ​លជាមួយគ្នានេះ ប្រមុខរដ្ឋាភិបាល សម្តេចអគ្គមហាសេនាបតីតេជោ ហ៊ុន សែន ក៏បា​ន​
ប្រារព្ធ​​ទិវាសិទ្ទិមនុស្ស១០ធ្នូនៅមជ្ឈមណ្ឌលពិព័រណ៍កោះពេជ្រ  ខណៈអភិបាលរាជធានី​ភ្នំពេញ ឯកឧត្តម ប៉ា សុជាតិវង្ស ប្រារព្ធទិវាសិទ្ធិមនុស្សនៅ ពហុកីឡាដ្ឋានជាតិអូឡាំពិក។ដោយឡែកក្បួនដង្ហែមួយទៀតឆ្ពោះទៅកាន់រដ្ឋសភា របស់​សង្គម​ស៊ីវិល ដែលមានព្រះសង្ឃចូលរួមផងនោះ ក៏បានទៅដល់រដ្ឋសភាដោយសុវត្ថិភាពផងដែរ។

គណក្សសង្គ្រោះជាតិបានធ្វើមហាបាតុកម្ម ៣លើកមកហើយ នៅទីលានប្រជាធិបតេយ្យ លើកទី៤នេះ គណបក្ស​នឹងរៀបចំ​បាតុ​កម្មធំមួយទៀត នៅ អង្គរ ឃ្យុងយូ ខេត្តសៀ​ម​រាប។មន្ត្រីនគរបាលរាជធានីភ្នំពេញ បានបញ្ជាក់ថា ការដង្ហែក្បួន ការជួបជុំ របស់គណបក្សសង្គ្រោះជាតិនៅទីលានប្រជាធិបតេយ្យ និងការជួបជុំគ្នារបស់សង្គមស៊ីវិលនៅវត្តភ្នំ គ្មានបញ្ហាអ្វី​កើតឡើង​នោះ​ទេ៕ ដោយ ៖ រតនា