ភ្នំពេញ៖ និស្សិតសកលវិទ្យាល័យកម្ពុជា១២០ រូបទទួលការបណ្តុះបណ្តាលពីមន្ត្រីកាកបាទ ក្រហមកម្ពុជា ដើម្បីចូលរួមសកម្មភាពសប្បុរសធម៌ក្នុងសង្គម និងវិធីសាស្រ្តសង្គ្រោះបឋម និង ការប្រយុទ្ឋប្រឆំាងពីមេរោគអេដស៍ ។ ការងារសប្បុរសធម៌ និងមនុស្សធម៌ត្រូវបានគេមើលឃើញថាបាននិងកំពុងដើរតួរនាទីសំខាន់សម្រាប់ជីវិតរស់នៅរបស់មនុស្សជាតិ និង ការអភិវឌ្ឍន៍សង្គម។ នៅថ្ងៃទី ២៨ ខែ វិច្ឆិការ និស្សិតសកលវិទ្យាល័យកម្ពុជា ប្រមាណ១២០រូបបានទទួលការបណ្តុះបណ្តាលពីមន្ត្រីជាន់ខ្ពស់កាកបាទក្រហមកម្ពុជា។
.jpg)
លោក ស្រី បោស ម៉ាសីស សកលវិទ្យាធិការងទទួលប្រតិបត្តិសកលវិទ្យាល័យកម្ពុជា បានបញ្ជក់ថា ចាប់តាំងពីការបង្កើតក្លឹបកាកបាទក្រហម ប្រចាំសកលវិទ្យាល័យរួចមក សកលវិទ្យាល័យបានគៀងគរនិស្សិតជាច្រើន ចូលរួម ក្នុងសកម្មភាព សប្បុរសធម៌របស់កាកបាទក្រហម។ មកទល់ឆ្នាំ ២០១៣ នេះសមាជិកសកម្មរបស់ក្លឹបកាកបាទក្រហមប្រចាំសកលវិទ្យាល័យមានការកើនឡើង ជាលំដាប់ ពោលគឺប្រមាណជាង១០០នាក់ និងបន្តបង្កើនការជ្រើសរើស សមាជិកបន្ថែមទៀតផងដែរ ។លោកស្រី បោ ម៉ាលីស បានបញ្ជាក់ថា ការងារកាកបាទក្រហមមានសារៈសំខាន់ ណាស់សម្រាប់សកម្មភាពរស់នៅរបស់មនុស្ស ហើយការងារទាំងនោះវាក៍បាន បង្ហាញពីការងារសហការសមគ្គីគ្នាផងដែរ រវាងនិសិ្សត និងនិស្សិត ។វគ្គបណ្តុះបណ្តាលដ៍មានសារៈសំខាន់ដែល បណ្តុះបណ្តាលដោយមន្ត្រីកាកបាទក្រហមកម្ពុជា បានអនុវត្ត មេរៀនជាច្រើន ដូចជា ប្រវត្តិចលនា កាកបាទក្រហម អឌ្ឍចន្ទក្រហមអន្តរជាតិ, សមាភាពរបស់ចលនា,លក្ខណៈទាំង ១០ យ៉ាង នៃការទទួលស្គាល់សមាជិក គោលការណ៍គ្រិះទាំង៧ មូលដ្ឋានច្បាប់មនុស្សធម៌អន្តរជាតិចំណាត់ថ្នាក់នៃជម្លោះប្រដាប់អាវុធ ភាពអាចអនុវត្តន៍នៃច្បាប់មនុស្សធម៌អន្តរជាតិ វិធានការផ្តន្ទាទោសអំពើល្មើស និងឧក្រិដ្ឋកម្មសង្រ្គាម, បដិរូប កាកបាទក្រហម អឌ្ឃន៍ចន្ទក្រហម គ្រីស្តាល់ក្រហមកាកបាទក្រហមកម្ពុជា, វិជ្ឃការ វិសហមជ្ឃការ យុទ្ឋសាស្រ្តឆ្នាំ២០១១ ២០២០ ប្រសាសន៍សម្តេចតេជោ ស្តីពីយុទ្ឋសាស្ត្ររបស់កាកបាទក្រហមកម្ពុជា វិធីសាស្រ្តសង្គ្រោះបឋមនិងការប្រយុទ្ឋប្រឆំាងពីមេរោគអេដស៍។កញ្ញា ស៊ីម ស្រីនិច និស្សិតសកលវិទ្យាល័យកម្ពុជា បានឲ្យដឹងថា វគ្គសិក្សានេះនឹងធ្វើឲ្យប្ធូនបានដឹងអំពី ការសាមគ្គី គ្នាតាមរយៈការងារស្នាក់ចិត្ត ក្នុងការជួយដល់សង្គម អ្នកដែលកំពុងការលំបាកពិសេសចូលរួម ចំណែកកាត់ បន្ថយ ភាពក្រីក្ររបស់ប្រជាពលរដ្ឋជាមួយរាជរដ្ឋាភិបាលកម្ពុជា៕ ដោយ៖ អភិរក្ស