ភ្នំពេញ៖ ក្រុមអ្នកជំនាញចាប់ផ្តើមបើកកិច្ចស្រាវជ្រាវពីដំណោះស្រាយធ្វើ​ឲ្យពលករចំណាក់ស្រុក​កាន់​​​​​​​តែ​មានស្ថាន​ ភាពល្អប្រសើរ សម្រាប់ដាក់ជូនអ្នកតាក់តែងគោលនយោបាយដើម្បីទាញយក​ប្រយោ​ជន៍​អភិវឌ្ឍសេដ្ឋកិច្ចជាតិ។​​នេះជាគម្រោងមួយដែលមានរយៈពេល៣ឆ្នាំ គឺចាប់ពីដើមខែធ្នូ ឆ្នាំ២០១៣នេះដល់ចុងខែធ្នូ ឆ្នាំ ២០១៦ ក្រោមកិច្ច​ ​សហការរវាងក្រសួងមហាផ្ទៃ និងវិទ្យាស្ថានបណ្តុះបណ្តាល និងស្រាវជ្រាវដើម្បិអភិ វឌ្ឍន៍កម្ពុជាហៅកាត់ថា ​​(CDRI)​​។ គម្រោងនេះបានធ្វើឡើងខណៈដែលពលករចំណាក់ស្រុកកម្ពុជា ភាគច្រើនមានលក្ខណៈមិនស្របច្បា​ប់​ ដែលងាយជួបបញ្ហាប្រឈមជាច្រើន ពិសេសមិនអាចទាញ យកផលប្រយោជន៍ សម្រាប់ អភិវឌ្ឍខ្លួននៅពេល​ត្រ​​លប់​មកវិញ។

ក្នុងសិក្ខាទំនាក់ទំនងរវាងគោលនយោបាយសាធារណៈទេសន្តរប្រវេសន៍ និងការអភិវឌ្ឍកម្ពុជានៅ ព្រឹកថ្ងៃទី២៦ ខែ​វិច្ឆិកានេះលោកឡារី ស្តេ្រង នាយកCDRI មានប្រសាសន៍ថា ទោះបីជាការធ្វើចំណាក់ ស្រុកពួកគេគិតថា ទទួល​បាន​ផលប្រយោជន៍ច្រើនក៏ដោយ ប៉ុន្តែបញ្ហាប្រឈមក៏ដើរទន្ទឹងគ្នាដែរ ក្នុង នោះងាយប្រឈមដូចជា៖ ការជួញដូរ​មនុស្ស, ការកេងប្រវញ្ច័ផ្លូវភេទ, និងពលកម្មជាដើម។

លោកបញ្ជាក់ថា បញ្ហានេះពុំមែនតែសម្រាប់កម្ពុជាប៉ុណ្ណោះទេ គឺទាំងនៅក្នុងតំបន់ និងពិភពលោក ដែលទាមទារ​ឲ្យ​មាន​ការចូលរួមដោះស្រាយ។ លោកបន្តទៀតថា តាមរយៈនៃការស្រាវជ្រាវនេះ នឹង​កំណត់​​ពីបញ្ហាប្រឈមនានា​របស់​ពលទេសន្តរប្រវេសសន៍ដែលកំពុងបំរើការងារនៅក្រៅប្រទេស និង​រក​ឲ្យឃើញពីភាពខ្វះ​ចន្លោះនៃគោលន​យោបាយ​កន្លងមក នឹងធ្វើការបង្ហាញពីដំណោះស្រាយគំាពារ សម្រាប់ដាក់ជូនអ្នកតាក់តែងគោលបាយ​ដើម្បីធ្វើឲ្យ​ស្ថាន​នេះ​កាន់តែប្រសើរជាងមុន។ ក្រៅពីនេះ លោកអះ​អាងថាវាក៏ជួយជំរុញឲ្យប្រទេសដែល​ទទួលយក​ពលករពី​កម្ពុជាធ្វើយ៉ាងណា​ផ្តល់​ជំនាញ សមស្របជូនពួកគេ​ដើម្បីឲ្យការនិវត្តន៍មកវិញ​អាចមានសមត្ថភាពគ្រប់គ្រាន់​ក្នុងការ​ចូល​រួម​អភិវឌ្ឍសង្គមជាតិ ពិសេសជួយជំរុញកំណើនសេដ្ឋកិច្ចជាតិ។

លោក ងី ចន្ទ័ផល រដ្ឋលេខាក្រសួងមហាផ្ទៃបានទទួលស្គាល់ថា ការដោះស្រាយលើបញ្ហានេះ​ គឺ​តម្រូវឲ្យមានការ​អនុវត្ត​គោលនយោបាយច្បាប់ជាតិ, ច្បាប់តំបន់ និងច្បាប់អន្តរជាតិ ដើម្បីធានាឲ្យការ គ្រប់គ្រង​ពលករមាន​ប្រសិទ្ធិ​ភាព ប៉ុន្តែពេលនេះកម្ពុជាក៏កំពុងធ្វើដំណើរល្អឆ្ពោះទៅមុខក្នុងការឆ្លើយតប លើបញ្ហានេះដែរ។លោករដ្ឋលេ​ខា​ក្រសួង​​មហាផ្ទៃរូបនេះ បានអះអាងថា​ រាជរដ្ឋាភិបាលបានត្រៀមធ្វើគោលនយោ​បាយ​ជនចំណាក់ស្រុក ដើម្បីឲ្យ​មាន​ការផ្សាភ្ជាប់ជាមួយនឹងការអភិវឌ្ឍ ដែលអាចបង្កើន​ជីឌីភី (GDP ) នៃសេដ្ឋកិច្ចកម្ពុជា។

បើយោងតាមរបាយការណ៍ពីអង្គការខារ៉ាមកម្ពុជាបានបង្ហាញឱ្យដឹងដែរថា ប្រជាពលរដ្ឋ​កម្ពុជា​បាន​ធ្វើ​​ចំណាក់​​​​ស្រុក​ទៅប្រទេសថៃមានចំនួនជាង៤សែននាក់ ប្រទេសម៉ាឡេស៊ីជាង៥ម៉ឺននាក់ និង​ទៅ​​​​​​​ប្រទេស​​​​​កូរ៉េជាង២​ម៉ឺននាក់ ប៉ុន្តែ​ការធ្វើចំណាក់ស្រុកមិនស្របច្បាប់បានផ្តល់ផលអវិជ្ជាមានជាច្រើន នឹង​​មិនបានផ្ញើរប្រាក់កាស​មកជួយក្រុមគ្រួសារ​នៅឯស្រុកកំណើតបានច្រើនទៀតផង៕ ដោយ ៖​មករា