ភ្នំពេញ៖ មន្រ្ដីសហជីព បានឲ្យដឹងថា កម្មករ-កម្មការនីរោងចក្រកាត់ដេរនៅកម្ពុជា នៅតែជួបបញ្ហាប្រឈមច្រើន និងគ្មានដំណោះស្រាយជូនពួកគេឡើយ។ប្រធានសហជីពសេរីកម្មករ នៃព្រះរាណាចក្រកម្ពុជា លោក ជា មុន្នីបាន
ឲ្យដឹង ថា បញ្ហាប្រឈមទាំងនោះរួមមាន សុខភាព និងសុវត្ថិភាព គឺសំដៅស្ថានភាពរស់នៅ ដែលទាក់ទងនឹងការ ទទួលបានប្រាក់បៀរវត្សន៍ទាប ការធ្វើការច្រើនម៉ោង ការកេងចំនេញផលប្រយោជន៍របស់កម្មករជាពិសេសស្រ្តី
មានផ្ទៃពោះ ការធ្វើការនៅក្នុងបរិយាកាសមិនល្អ ការ រស់នៅ កន្លែងមិនមានផាកសុខភាព និងការប្រឈមនឹងការ បណ្តេញចេញដោយមូលហេតុផ្សេងៗជាដើម។
.jpg)
មេដឹកនាំសហជីពសេរីកម្មករ លោក ជា មុន្នី បានលើកជាអនុសាសន៍ ទៅកាន់រាជរដ្ឋាភិបាល និយោជក និងភាគី ពាក់ព័ន្ធនានា ចូលរួមឲ្យបានទាំងអស់គ្នា តាមរយះពង្រឹងហេដ្ឋារចនាសម្ព័ន្ធ គ្រប់គ្រង និងជាពិសេសយកចិត្តទុក ដាក់ ទៅលើសុខុមាលភាពរបស់កម្មករ-កម្មការិនី។ គួរបញ្ជាក់ ថា ក្រុមកម្មករកាត់ដេរ មេដឹកនាំសហជីព និងអ្នក ជំនាញធ្វើការជាមួយកម្មករកាត់ដេរបានជួបពិភាក្សាគ្នា នៅក្នុងវេទិកាលើកទី៣ ស្តីពីសុខភាព សុវត្ថិភាព និងសន្តិ សុខរបស់កម្មករកាត់ដេរ ដែលបានរៀបចំឡើង កាលពីថ្ងៃអាទិត្យទី១០ ខែវិច្ឆិកាម្សិលមិញនេះ។
នៅក្នុងវេទិកានោះ បានលើកឡើងនូវបញ្ហាប្រឈមរបស់កម្មករដ៍គួរអោយព្រួយបារម្ភមួយចំនួន មានជាអាទិ៍ៈ ការផ្តល់ប្រាក់ឈ្នួលអប្បរមាទាបផ្ទុយពីច្បាប់កំណត់ ការបង្ខំកម្មករអោយធ្វើការបន្ថែមម៉ោងលើសច្បាប់កំណត់ ការប្រើប្រាស់កិច្ចសន្យាខ្លីដែលនាំអោយកម្មករបាត់បង់អត្ថប្រយោជន៍ជាច្រើន ជាពិសេសស្ត្រីមានផ្ទៃពោះ ការរំលោភសិទ្ធិសេរីភាពសហជីព ការបញ្ឈប់ពីការងារដោយគ្មានមូលហេតុសមរម្យ និងការរំលោភលើវិធានសុខភាព សុវត្ថិភាព និងអនាម័យនៅកន្លែងការងារ ៕ ដោយ៖ រតនា