ភ្នំពេញ៖ យ៉ាងហោណាស់ប្រជាពលរដ្ឋកម្ពុជាចំនួន១១នាក់ បានស្លាប់ដោយសារជម្ងឺផ្តាសាយ H5N1 រយៈពេល១០ខែ ក្នុងឆ្នាំ២០១៣នេះ។ នេះបើយោងតាម របាយការណ៍ របស់នាយកដ្ឋានជំងឺឆ្លង នៃក្រសួងសុខាភិបាល។របាយការណ៍នោះ បានឲ្យដឹងបន្ដ ថា ជម្ងឺផ្តាសាយH5N1 បានកើតមានឡើងចំនួន២២ករណីក្នុងឆ្នាំ២០១៣នេះ ហើយ នៅក្នុងចំណោម ២២ករណី មាន១១ករណីបានស្លាប់ និង១១ករណីនៅមានជីវិត។បើតាមមន្រ្ដី នាយកដ្ឋានជំងឺឆ្លង នៃក្រសួងសុខាភិបាល បានឲ្យដឹង ថា ជម្ងឺផ្តាសាយបក្សី បានឆ្លងរីករាលដាល យ៉ាងឆាប់រហ័ស នៅក្នុងឆ្នាំ ២០១៣នេះភាគច្រើនកើតមាននៅតាមបណ្តាខេត្ត នៅតាមព្រំដែន ដោយសារការបរិភោគ សាច់បក្សីដែល ឈឺឬងាប់ និងការដឹកសត្វ បក្សីឆ្លងពីតំបន់មួយ ទៅតំបន់មួយទៀត។គួរបញ្ជាក់ ថា ជម្ងឺផ្តាសាយ H5N1បានផ្ទុះឡើង ក្នុងប្រទេសកម្ពុជា ចាប់តាំងពីឆ្នាំ២០០៥មកម្លេះ ហើយរហូតមកទល់នឹងពេលនេះ ជំងឺផ្តាសាយបក្សី បានកើតឡើងចំនួន៤៣ករណី ក្នុងនោះមានអ្នកស្លាប់ចំនួន៣០ករណី៕
ដោយ៖ រតនា