ភ្នំពេញ: កិច្ចប្រជុំរដ្ឋសភានៅ ព្រឹកថ្ងៃទី៨ ខែឧសភា ឆ្នាំ២០១៣ បានលើកយកសេចចក្តីព្រាងច្បាប់ស្តី
ពីសហគមន៍កសិកម្មមកប្រជុំពិភាក្សានិងអនុម័ត ។ សេចក្តីព្រាងច្បាប់សហគមន៍កសិកម្មមាន៩ជំពូក
និង១១៤មាត្រា ដែលដាក់ជូនអង្គប្រជុំរដ្ឋសភានាព្រឹកនេះជាសេចក្តីព្រាងច្បាប់លើកទី២ ។
រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ លោក ច័ន្ទ សារុន បានលើកឡើងថាសេចក្តីព្រាងច្បាប់
នេះនឹងផ្តល់នូវអត្ថប្រយោជន៍ដល់ប្រជាកសិករក្នុងការអភិវឌ្ឍវិស័យកសិកម្មដែលរួមមានការជំរុញកំណើនសហគ្រាសកសិកម្មធុនតូច និងមធ្យមនៅជនបទការពារផលប្រយោជន៍របស់ប្រជាកសិករ លើកកម្ពស់អំ
ណាចទីផ្សាររបស់កសិករតាមរយៈការធ្វើទីផ្សាររួមគ្នាបង្កើនប្រាក់ចំណូលបង្កើតកាលានុវត្តភាពការងារនិង
កាត់បន្ថយភាពក្រីក្ររបស់ប្រជាកសិករក៏ដូចជាចំណាកស្រុករបស់ប្រជាពលរដ្ឋផងដែរ។
សេចក្តីព្រាងច្បាប់ដែលរដ្ឋសភាលើកយកមកពិភាក្សានាព្រឹកនេះក៏ដើម្បីលើកកម្ពស់សេដ្ឋកិច្ចសង្គមកិច្ចនិង
វប្បធម៌របស់ប្រជាកសិករជំរុញបង្កើនផលិតកម្មកសិកម្មជាពិសេសផលិតកម្មស្រូវនិងការបង្កើនការនាំចេញ
អង្ករដើម្បីរួមចំណែកជំរុញកំណើនសេដ្ឋកិច្ចជាតិ និងជំរុញការអនុវត្តគោលនយោបាយវិមជ្ឈការនិងវិសហ
មជ្ឈការរបស់រាជរដ្ឋាភិបាលតាមរយៈការផ្តល់អំណាចទៅឲ្យអាជ្ញាធរថ្នាក់ក្រោមជាតិនិងប្រជាកសិករក្នុងការ
ដឹកនាំនិងគ្រប់គ្រងសហគមន៍កសិកម្មរបស់ខ្លួន៕
ដោយ៖សស្អាត