ភ្នំពេញៈ រដ្ឋមន្រ្តីក្រសួងអប់រំយុវជន និងកីឡាមានផែនការគ្រោងបង្កើតឲ្យមានមូលនិធិសមធម៌នៅតាមសាលារៀនរបស់រដ្ឋ ដើម្បីជួយជំរុញការលើកកម្ពស់ជីវភាពលោកគ្រូ-អ្នកគ្រូ ខណៈដែលប្រាក់បៀវត្ស របស់ពួកគាត់ នៅមាន កម្រិតតិច តួច នៅ ឡើយ។ក្នុងវេទិកាសាធារណៈដែលបានរៀបចំឡើងរួមគ្នារវាងក្រសួងអប់រំយុវជន និងកីឡា និងសា លារាជធានីភ្នំពេញនៅព្រឹកថ្ងៃទី២៧ ខែមីនា លោក ហង់ ជួនណារ៉ុន រដ្ឋមន្រ្តីក្រសួងអប់រំយុវជន និង កីឡាមានប្រសាសន៍ថា គម្រោងបង្កើតឲ្យមានមូលនិធិសមធម៌នៅតាមសាលារៀននេះ មានគោល ដៅសំខាន់ក្នុងការបន្ថយការយកលុយគ្រប់រូបភាពពីសិស្សនៅក្នុងអំឡុងម៉ោងសិក្សារបស់រដ្ឋ។
លោកបញ្ជាក់ថា មូលនិធិនេះគឺធ្វើឡើងមិនបង្ខិតបង្ខំឡើយ តាមរយៈការបង់វិភាគទានដោយការស្មគ្រ័ចិត្តរបស់អាណាព្យាបាលសិស្ស ដើម្បីប្រមូលយកថវិកាទាំងនោះទៅបែងចែកជូនដល់លោកគ្រូ អ្នកគ្រូក្នុងការដោះស្រាយជីវភាពប្រចាំថ្ងៃ ខណៈដែលប្រាក់បៀវត្សរបស់ពួកគាត់នៅពុំទាន់ឆ្លើយ តបទៅនឹងសេចក្តីត្រូវ របស់សង្គមនាពេលបច្ចុប្បន្ននោះ។
លោករដ្ឋមន្រ្តីអះអាងថា លោកគ្រូអ្នកគ្រួ នឹងបង្រៀនសិស្សានុសិស្សប្រកបដោយកិត្តិយសនិងសេចក្តីថ្លៃថ្នូ ហើយនឹងធានាបានគុណភាព ខ្ពស់ក្នុងការអប់រំ ដែលជំរុញឲ្យពួកគេកាន់តែមានសក្តានុពលដើម្បីចូលរួមអភិវឌ្ឍប្រទេសជាតិកាន់តែរីកចម្រើន។ លោកបញ្ជាក់ថា គម្រោងដ៏ល្អនេះមិនទាន់សម្រេចយ៉ាងណានៅឡើយទេ គឺកំពុងដាក់ឲ្យមានការពិភាក្សាគ្នារវាងលោកគ្រូ អ្នកគ្រូ និងអាណាព្យាបាលសិស្សានុសិស្ស ដើម្បីប្រមូលយក មតិយោបល់គ្រប់បញ្ហាមកធ្វើការថ្លឹងថ្លែងជាមុនសិន។
លោកប៉ាង ថាត ប្រជាពលរដ្ឋរស់នៅក្នុងខណ្ឌឬស្សីកែវ រាជធានីភ្នំពេញបានគាំទ្រចំពោះផែនការ នេះ ប៉ុន្តែលោកថាគម្រោងនេះនឹងមិនអាចធ្វើទៅរួចឡើយ ខណៈដែលសិស្សានុសិស្សដែលរៀន នៅក្នុងសាលារដ្ឋភាគច្រើនឪពុកម្តាយមានជីវភាពក្រីក្រ និងមធ្យម ចំណែកគ្រួសារដែរមានលទ្ធ ភាពខ្ពស់គេបានបញ្ជូនកូនទៅរៀននៅសាលាឯកជនអស់ហើយ។លោក ប៉ា សុជាតិវង្សអភិបាលរាជធានីភ្នំពេញបានបញ្ជាក់ថា លោកគ្រូអ្នកគ្រូជាកម្លាំងចលករដ៏សំខាន់ក្នុងការជំរុញការលើកកម្ពស់គុណភាពអប់រំក្នុងប្រទេសកម្ពុជាឲ្យកាន់តែប្រសើរ។
ជាមួយគ្នានេះក៏ ត្រូវផ្តោតជាសំខាន់លើការផ្សារភ្ជាប់គ្នាជាប្រពន្ធ័រវាង លោកគ្រូ អ្នកគ្រូ អាជ្ញាធរមូលដ្ឋាន និងអាណា ព្យាបាលសិស្សានុសិស្ស ដើម្បីឲ្យមានភាពស៊ីគ្នាក្នុងដោះស្រាយនូវបញ្ហាប្រឈមនានា។សូមបញ្ជាក់ថា បច្ចុប្បន្ននេះប្រាក់បៀវត្សរបស់លោកគ្រូអ្នកគ្រូជាមធ្យមមានចំនួនជាង៤០ម៉ឺនរៀលក្នុងមួយខែតិចបំផុតជាង៣០ម៉ឺនរៀលក្នុងមួយខែ និងច្រើនបំផុតជាង៨០ម៉ឺនរៀលក្នុងមួយខែ៕ ដោយ៖ ភីន រ៉ា