ភ្នំពេញ ៖ សិក្ខាសាលាថ្នាក់ជាតិសម្រាប់រៀបចំផែនការសកម្មភាពកាត់បន្ថយហានិភ័យគ្រោះមហន្តរាយ២០១៤-២០១៨ បានបើកធ្វើនៅសណ្ឋាគារកាំបូឌីយ៉ាណាព្រឹកថ្ងៃទី៣០ ខែតុលា ឆ្នាំ២០១៣នេះក្រោមវត្តមានលោកបណ្ឌិត ញឹម វណ្ណដា ទេសរដ្ឋមន្ត្រី និងជាអនុប្រធានគណៈកម្មាធិការជាតិគ្រប់គ្រងគ្រោះមហន្តរាយ។
បើយោងតាមសេចក្តីប្រកាសព័ត៌មានបានឱ្យដឹងថា សិក្ខាសាលានេះនឹងបង្កនូវឱកាសសម្រាប់អ្នកពាក់ព័ន្ធទាំងអស់រួមមាន ស្ថាប័នរាជរដ្ឋាភិបាល ភ្នាក់ងារអង្គការសហប្រជាជាតិ អង្គការក្រៅរដ្ឋាភិបាល ភ្នាក់ងារអ្នកផ្តល់ជំនួយ និងវិស័យឯកជនដើម្បីសិក្សាកំណត់អាទិភាព និងប្រមូលព័ត៌មានសម្រាប់រៀបចំបង្ហើយនូវផែនការសកម្មភាពសម្រាប់ កាត់បន្ថយហានិភ័យគ្រោះមហន្តរាយក្នុងគោលបំណងរៀបចំពង្រាងចុងក្រោយ កំណត់អំពីគោលដៅ ផ្នែកសំខាន់ៗ កម្មវិធីអាទិភាព យន្តការអនុវត្តន៍
និងតម្លៃប៉ាន់ស្មាននៃផែនការសកម្មភាពជាតិសម្រាប់កាត់បន្ថយហានិភ័យ គ្រោះមហន្តរាយ២០១៤-២០១៨ ។
សេចក្តីប្រកាសដដែលបានបញ្ជាក់ថា សិក្ខាសាលានេះនឹងត្រូវធ្វើរយៈពេល១ថ្ងៃពេញ ដោយប្រើវិធីសាស្រ្តដែលមាន លក្ខណៈ ចូលរួមមានជា ការវិភាគ ការបំផុសគំនិត ក្រុមពិភាក្សា ពិនិត្យមើលពង្រាងឯកសារជាដើម។ ចំណុចមួយទៀតដើម្បីបង្កើននូវភាព ម្ចាស់ដល់ស្ថាប័នជាតិ ជាពិសេសគណៈកម្មាធិការជាតិគ្រប់គ្រងគ្រោះមហន្តរាយ និងក្រសួងដែលជាសមាជិករបស់គណៈ កម្មា ធិការនេះ៕ ដោយ៖ មករា