ភ្នំពេញ៖ ឆ្ពោះទៅរកភាពជោគជ័យនាពេល អនាគត។ សំណង់អគាធំៗខ្ពស់ៗបានកំពុងឈរយ៉ាងស្កឹមស្កៃកណ្ដាលទីក្រុង ដែលនេះជាការបង្ហាញនូវការអភិវឌ្ឍន៍យ៉ាងជឿនលឿនក្នុងការឆ្លុះបញ្ចាំង នូវការអភិវឌ្ឍន៍ប្រទេសជាតិយ៉ាងសស្រាក់សស្រាំរបស់រាជរដ្ឋាភិ បាល។ ដូចនេះហើយបានធ្វើឱ្យវិស័យស្ថាបត្យកម្មកាន់តែសំខាន់ក្នុង ការអភិវឌ្ឍន៍ប្រទេសជាតិ ។ បច្ចេកទេសនៃសំណង់ផ្ទះជាកត្ដាសំខាន់ដែលជួយ ទប់ស្កាត់នូវបញ្ហាទាំងឡាយបន្ទាប់ពីការ សាងសង់បានបញ្ចប់។ កត្ដាសំខាន់ៗទាំងនោះជាបញ្ហាមួយដែល ស្ថាបត្យករត្រូវគិតគូរមុននឹងមានការរៀបចំ ប្លង់ក្នុងការសាងសង់ផ្ទះ។
លោក លីនឆាវ ណេង កូនប្រុសអគ្គនាយកក្រុមហ៊ុនណេងស៊ូ និងរ៉ានឈុន កម្ពុជា បាន ឲ្យដឹងថា ការរចនា និងការជ្រើសរើសម៉ូតផ្ទះជាកត្ដារួមផ្សំមួយដែលជួយលើកសោភ័ណភាព ផ្ទះជាការទាក់ទាញភ្នែកអ្នកដទៃ និង ដើម្បីបង្ហាញពីភាពថ្លៃថ្នូរក្នុងការរស់នៅ។ លោកអ្នកអាចជ្រើសរើសតាមម៉ូតផ្ទះជាច្រើនប្រភេទតាមតម្រូវការ និងចំណង់ចំណូលចិត្ដ ដូចជាផ្ទះដែលមានម៉ូតក្បូរ លក្ខណៈបែបអឺរ៉ុប ឬក៏ជាលក្ខណៈផ្ទះកាត់តាឡុកជាដើម ។ ការគិតគូរទៅលើ កត្ដាទាំងអស់នេះគឺមានផលប្រយោជន៍ក្នុងការរស់នៅ ។
លោក Laurence Suhanto តំណាងក្រុមហ៊ុន Indogress បានឲ្យដឹងថា ដោយកម្ពុជា មានបុរី ផ្ទះល្វែង វីឡា អគារខ្ពស់ៗ សណ្ឋាគារ បានកកើតឡើងយ៉ាងច្រើន ជាពិសេសនៅក្នុងរាជធានីភ្នំពេញតែម្តង ដែលជាហេតុធ្វើឲ្យក្រុមហ៊ុនសម្រេចនាំចូលសម្រាប់ សំណងដើម្បីធ្វើការផ្គត់ផ្គង់រាល់តម្រូវការ សំណង់ ដែលកំពុងតែមានការប្រកួត ប្រជែង និងកើនឡើងជាលំដាប់ ក្នុង ការទាក់ទាញអតិថិជនរបស់ខ្លួន ។
ចំពោះក្រុមហ៊ុនបាននាំចូលនូវឧបករណ៍បំពាក់នៅតាមអគារដែលទំនើប និងជួយកាត់បន្ថយការបំពុលបរិស្ថាន ហើយរាល់ សម្ភារៈទាំងអស់នេះបាននាំចូលពីប្រទេសឥណ្ឌូនេស៊ី ដែល ផលិតដោយ គ្រឿងចក្រមកពីប្រទេស អ៊ីតាលី ក្រោមបច្ចេកវិទ្យាដ៏ទំនើបផងដែរ ៕
ដោយ៖ អភិរក្ស