ភ្នំពេញ៖ មន្ត្រីរាជរដ្ឋាភិបាល និងប្រជាពលរដ្ឋបានសម្តែងការអបអរសាទនូវទិវា ដ៏នក្ខត្តឬក្ស ខួ​ប​លើកទី៩​នៃ​ការ​ឡើង​គ្រងរាជ្យ ថ្វាយចំពោះព្រះករុណា ព្រះបាទ សម្តេចព្រះបរ​មនាថ នរោត្តម​ សីហមុនី ព្រះមហាក្សត្រ​នៃ​ព្រះរាជា​ណចក្រកម្ពុជា សូមអោយព្រះអង្គគង់ជាម្ល​ប់​ដ៏ត្រជាក់សម្រាប់ប្រជារាស្ត្រទូទាំងប្រទេស។ដើម្បីជាការ​ដឹងគុណប​ការៈ​​ចំពោះព្រះមហាក្សត្រដែលព្រះអង្គឡើងគ្រងរាជ្យ ជារៀ​ង​​​​រា​ល់​ឆ្នាំ ក៏ដូចជាខួបលើកទី៩នេះដែរ ថ្នាក់ដឹកនាំ​​រដ្ឋា​ភិបាល តាំងពីនាយករដ្ឋមន្ត្រី រហូ​​តដល់ប្រជារាស្ត្រសាមញ្ញ ថ្នាក់ដឹកនាំសាសនានីមួយៗក្នុងព្រះរាជាណាចក្រកម្ពុជា  និងប្រ​ធានអង្គភាពស្ថាប័នរដ្ឋាភិបាល និងក្រៅរដ្ឋាភិបាលនានាបានសម្តែងទឹកចិត្តគោរពស្រលាញ់​ចំពោះ​ព្រះមហា​ក្សត្រ និងចាត់ទុកព្រះអង្គថា ទ្រង់ជាម្លប់ដ៏ត្រជាក់ស​ម្រាប់ប្រ​ជាជន មិនថា ប្រជារាស្ត្រមានពណ៌សម្បុរ សាសនា​ផ្សេងគ្នានោះទេ។

ជាក់ស្តែងកាលពីថ្ងៃទី២៥ខែតុលា សម្តេចអគ្គមហាសេនាបតីតេជោ ហ៊ុន សែន នា​យ​ករដ្ឋមន្ត្រី​នៃព្រះរាជណាច​ក្រ​កម្ពុជា លោក ឧបនាយករដ្ឋមន្ត្រី ស ខេង និង លោកឧបនា​យ​ក​រ​ដ្ឋមន្ត្រី សុខ អាន​ បានផ្ញើលិខិតថ្វាយព្រះពរ​ព្រះមហា​​​ក្សត្រដែលមានខ្លឹមសារ​ប្រហា​ក់​ប្រហែលគ្នាថា នៅក្នុងឱកាសដ៏មហាជ័យមង្គល បវរថ្លៃថ្លា ពោរពេញ​ដោយ​​​​ក្តី​អភិរម្យ សោ​​មនស្សរីករាយនៃព្រះរាជ្យពិធីខួបលើកទី៩នៃការគ្រងក្នុងព្រះបរមសិរីរាជសម្បត្តិ របស់​ព្រះករុណា​​​​ជាអម្ចាស់ ជីវិតលើត្បូង ព្រះមហាក្សត្រនៃព្រះ​រាជណា​ច​ក្រកម្ពុជា​ដែ​លនឹងប្រព្រឹត្តទៅនៅថ្ងៃទី ២៩ ខែ តុលាឆ្នាំ២០១៣នេះ ទូ​លព្រះ​ប​ង្គំជា​ខ្ញុំ និងភរិយា​តំាងនាមសមាជិក សមាជិកា នៃរាជរដ្ឋាភិបាលកម្ពុជា ព្រមទំាង​មន្ត្រី​រាជការ កងកំលាំងប្រដាប់អាវុធ ទូទំាងប្រទេស សូមព្រះបរមរាជាអនុញ្ញាត​អភិវន្ទ លំអោនកាយវាចាចិត្ត ក្រាបបង្គំ​សម្តែង​ថ្វាយ នូវមនោសញ្ចេនា ដ៏រំភើប រីករាយឥតឧបមា និងសូមចូលរួមថ្វាយ នូវសព្វសាធុការពរជ័យ  បរវសួស្តី សិរីមង្គល វិបុលសុខ មហា​ប្រ​សើរ​គ្រ​ប់យ៉ាង​ ចំពោះព្រះករុណាថ្លៃវិសេស និងសូមព្រះអង្គទ្រង់ប្រកបដោយព្រះ រាជ​សុ​ភាពបរិបូរណ៍ ​ព្រះកាយពលមាំមួនខ្លាំងក្លា ព្រះបញ្ញាណាណភ្លឺថ្លាត្រចះត្រចង់  ព្រះជ​ន្មា​យុយឺនយូរជា​ង​រយ​​​ព្រះ​វស្សា  ដើម្បីបន្តព្រះរាជបេសកកម្ម ដ៏ឧត្តុងឧត្តមថ្លៃថ្លាជាប្រវត្តិសាស្ត្រ ពីព្រះករុណាវីរៈក្សត្រ​ ព្រះវរៈមាតិ​ឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ដើម្បីភាពសុខដុមរមនា​ សម្បូរសប្បាយ ចំរុងចំរើន ថ្កុំថ្កើន​រុងរឿ​ង រប​ស់មា​តុភូមិ​កម្ពុជា ជាទីស្នេហា ជាយូអង្វែងតរៀងទៅ ។ការថ្វាយព្រះពរ​នេះមិនមែនមានតែថ្នាក់​ដឹកនាំ​ជាន់​ខ្ពស់នោះទេ សូម្បីព្រះសង្ឃដែលមានឋា​ន​ន្តរសក្តិធម្មតា លោកយាយ លោកតា ឧបាសក ឧបាសិកា អាចារ្យវត្ត ក៏បានផ្តាំផ្ញើការថ្វាយព្រះពរផងដែរ។គួរបញ្ជាក់ថា ព្រះករុណា ព្រះបរមនាថ នរោត្តម សីហមុនី​បានឡើងគ្រងរាជ្យ​នៅ​ថ្ងៃទី២៩ខែតុលា ឆ្នាំ២០០៤ បន្ទាប់ពីសម្តេចឱ ព្រះបាទសម្តេច នរោត្តម សីហនុ បានដាក់រាជ្យ ដោយសារ​​​​ព្រះអង្គ​​​​មាន​​​ព្រះរាជសុខភាពមិនសូវមាំមួន និងត្រូវអោយគ្រូពេទ្យចិនពិនិត្យជាញឹកញាប់ក្នុងទីក្រុងប៉េកាំ នៃ​សាធារណ​រដ្ឋ​ចិនប្រជាមានិត្យ៕ដោយ៖ រតនា