ភ្នំពេញ៖ រដ្ឋមន្រ្តីក្រសួងសង្គមកិច្ចអតីតៈយុទ្ធជន និងយុវនីតិសម្បទារំឮកសារជាថ្មីដល់ក្រសួងស្ថាបន័ រដ្ឋទាំងអស់ត្រូវគោរពអត្រាចូលបំរើការងាររបស់ជនពិការឲ្យបាន២% ដើម្បីបញ្ជៀសកុំឲ្យរងការផាកពិ ន័យនៅឆ្នាំ២០១៤ខាងមុខនេះ។តាមគម្រោងការផាកពិន័យនឹងត្រូវអនុវត្តឡើងនៅក្នុងឆ្នាំ២០១៤ខាងមុខនេះ ចំពោះរដ្ឋមន្រ្តីក្រ សួងស្ថាបន័ណាដែលខកខានពុំបានជ្រើសរើស ជនពិការឲ្យចូលបំរើការងារក្នុងអង្គភាពរបស់ខ្លួន តាមការកំណត់របស់រាជរដ្ឋាភិបាលក្នុងរង្វង់២ភាគរយ នៃចំនួនមន្រ្តីរាជការសរុប ។
ថ្លែងក្នុងឱកាសបើកពិធីអប់អរសាទរទិវាមនុស្សគ ថ្លងអន្តរជាតិឆ្នាំ២០១៣ ដែលប្រារព្វធ្វើឡើងនៅព្រឹក ថ្ងៃទី២២ ខែតុលានេះ លោក វង សូត រដ្ឋមន្រ្តីក្រសួងសង្គមកិច្ចអតីតៈយុទ្ធជន និងយុវនីតិសម្បទាបាន បន្តអំពាវនាវដល់ក្រសួងស្ថាបន័រដ្ឋនិងឯកជនត្រូវគោរពអត្រាចូលបំរើការងាររបស់ជនពិការគឺ២ភាគរយសម្រាប់ក្រសួងស្ថាបន័រដ្ឋ និង១ភាគរយសម្រាប់វិស័យសម្រាប់វិស័យឯកជន នៃចំនួនបុគ្គលិកសរុប ។
ការអំពាវនាវរបស់លោករដ្ឋមន្រ្តីធ្វើឡើង ក្នុងខណៈដែលការអនុវត្តអាត្រាជនពិការចូលបំរើការ ងារតាមក្រសួងស្ថាបន័រដ្ឋពុំទាន់គ្រប់តាមផែនការនៅឡើយ ដែលជាបញ្ហាប្រឈមមួយប៉ៈពាល់ដល់ សិទ្ធិទទួលបានការងារធ្វើដូចគ្នាៗរបស់បងប្អូនជនពិការ ដោយរាជរដ្ឋាភិបាលបាននឹងកំពុងលើក កម្ពស់ជាអាទិភាព។ឯឧ.រដ្ឋមន្រ្តីបញ្ជាក់ថា ការជំរុញឲ្យជនការមានការងារធ្វើក្នុងសង្គម គឺជាបំណងប្រាថ្នាដ៏សំខាន់របស់ រាជរដ្ឋាភិបាលដើម្បីលើក កម្ពស់ជីវភាពបងប្អូនជនពិការឲ្យកាន់តែមានស្ថានភាពប្រសើរឡើងក្នុង សង្គមកម្ពុជា ។
លោក ឯម ចន្ទ័មករា អគ្គលេខាធិការ នៃក្រុមប្រឹក្សាសកម្មភាពជនពិការមានប្រសាសន៍ថា ការអនុវត្ត អាត្រាជនពិការចូលបំរើការងារតាមក្រសួងស្ថាបន័រដ្ឋទាំង៣២នៅក្នុងឆ្នាំ២០១១-២០១២ កន្លងទៅនេះ មានជនពិការចូលបំរើការងារចំនួន១.៦០៣នាក់ ក្នុងនោះពិការធ្ងន់ធ្ងរចំនួន១៣៥នាក់ ដែលក្នុងម្នាក់គិតស្មើនឹង២នាក់ ។ លោកបន្តថា ទន្និន័យនេះស្មើនឹង០,៧៨%នៃចំនួនមន្រ្តីរាជការសរុប១១៨.២៩៨នាក់ ដូច្នេះនៅខ្វះ១.២២ភាគរយទៀតដែលត្រូវបំពេញបន្ថែមនៅក្នុងឆ្នាំ២០១៣នេះ។
សូមបញ្ជាក់ថា យន្តការនៃការផាក់ពិន័យនឹងត្រូវអនុវត្តឡើងយ៉ាងតឹងរឹងបំផុត ហើយការផាកពិន័យ នេះពុំមែនការជាការផាកពិន័យស្ថាបន័នោះទេ គឺសំដៅទៅលើប្រាក់ខែរបស់រដ្ឋមន្រ្តីទៅតាមចំនួន ដែលខ្វះចន្លោះ។ ដោយឡែកប្រាក់ផាក់ពិន័យដែល ទទួលបាននឹងត្រូវបញ្ជូលទៅក្នុង មូលនិធិជន ពិការដើម្បីប្រើប្រាស់សម្រាប់ជួយដល់ជនពិការដែលគ្មានលទ្ធភាព ។តាមជំរឿនប្រជារាស្រ្តនៅឆ្នាំ២០០៨កន្លងទៅនេះ កម្ពុជាមានជនពិការចំនួន១៩២.៥៣៨ស្មើនឹង១.៤៤ ភាគរយនៃចំនួនប្រជាជនសរុប ៕ ដោយ៖ សស្អាត