ភ្នំពេញ៖ មន្រ្តីជាន់ខ្ពស់ក្រសួងព័ត៌មាន បានថ្លែងឲ្យដឹងអំពីគម្រោងពង្រឹកកិច្ចសហប្រតិបត្តិការ​និងពង្រីងធន​ធាន​មន្រ្តី​ក្រោមឱវាទ តាមរយៈការចុះអនុសារណៈយោគយល់គ្នា​រវាងក្រសួង​ព័ត៌មាន ជាមួយ វិទ្យាស្ថាន IT លំដាប់​អន្តរ​ជាតិធំជាងគេនៅប្រទេសចិន (UNITRA Shanghai Asia-Pacific Training Center on Economy and Information) និង​ក្រុម​ហ៊ុន ខ្មែរហូលឌិងគ្រុប ក្នុងការជួយ​បណ្តុះបណ្តាល លើកផ្នែកព័ត៌មានវិទ្យា (IT) រយៈពេលខ្លី និង វែង ដល់មន្រ្តីផ្នែក​ព័ត៌មានវិទ្យា នៃក្រសួងព័ត៌មាន នៅ UNITRA ទីក្រុងសៀងហៃ ប្រទេសចិន។

លោក ជា ច័ន្ទបរិបូរណ៍ រដ្ឋលេខាធិការ ក្រសួងព័ត៌មាន បានមានប្រសាសន៍ឲ្យដឹង នៅ​ព្រឹកថ្ងៃអង្គារ៍ ទី០១ ខែមេសា​នេះថា ក្រោមគំនិតផ្តួចផ្តើម និងការយកចិត្តទុកដាក់របស់លោក រដ្ឋមន្រ្តី ក្រសួងព័ត៌មាន គ្រោងនឹងចុះ MOU ជាមួយ វិទ្យាស្ថាន IT លំដាប់អន្តរជាតិធំជាង​គេនៅប្រទេសចិន (UNITRA Shanghai Asia-Pacific Training Center on Economy and Information) និងក្រុមហ៊ុន ខ្មែរហូលឌិងគ្រុប ក្នុងការជួយ​បណ្តុះបណ្តាល ផ្នែកIT រយៈពេលខ្លី និង វែង ដល់មន្រ្តី​ព័ត៌​មានវិទ្យា នៃក្រសួងព័ត៌មាន នៅ UNITRA ទីក្រុងសៀងហៃ ប្រទេសចិន ដើម្បីដើរឲ្យទាន់សម័យកាល នៃការ​ប្រើ​ប្រាស់ប្រព័ន្ធ អាយធី ដែលពិភពលោកកំពុងតែ​ពេញនិយម៕

ដោយ៖ ស.ស្អាត ​