ភ្នំពេញ៖ កម្ពុជាបាន​អនុវត្តផែនការនាំអង្ករចេញបានជិត៤សែនតោន ក្នុងឆ្នាំ២០១៣ ដែល​បរិមាណ​នេះ​គឺមាន​ការ​កើនឡើង ១៨៤.១៦ ភាគរយ ​បើ​ធៀបធៀប​ទៅនឹង​ការនាំចេញ​ ​នៅក្នុង​ឆ្នាំ២០១២ ដែលមាន​ចំនួន​តែ ២០៥,៧១៧ តោន​​​​​​​ប៉ុណ្ណោះ។យោងតាម​របាយការណ៍រ​បស់ លេខាធិការដ្ឋាន​ច្រកចេញចូល​តែមួយ សម្រាប់​បំពេញបែបបទ​នាំចេញ​អង្ករ នៃ​ក្រុមការងារ​ផ្នែក​ស្រូវ-អង្ករ​នៃ​វេទិកា​រាជរដ្ឋាភិបាល-ផ្នែក​ឯកជន បាន​បង្ហាញថា ក្នុង​ឆ្នាំ២០១៣ ប្រ​​ទេ​ស​កម្ពុជា​ បាន​នាំអង្ករចេញ​ទៅ​  កា​ន់ទីផ្សារ​អន្តរជាតិ​បានចំនួន ៦៦ប្រទេស ​ក្នុងនោះ​ប្រទេស​ដែ​ល​​ទិញ​អង្ករ​ពី​កម្ពុជា​ច្រើនជាងគេ​គឺ ប្រទេស​បារាំង ប៉ូឡូញ និង​ម៉ាឡេស៊ី ដែល​ប្រទេស​ទាំងបី​នេះ ​ទិញ​អង្ករ​ពី​កម្ពុជា​ក្នុង​ចំនួន​ប្រហាក់ប្រ​ហែលគ្នា​គឺ​ជាង ៥ ម៉ឺន​តោន​ដូចគ្នា ចំណែកឯ​ប្រទេស​ហូ​ឡង់ ថៃ ចិន ក៏​ជា​ប្រទេស​ដែល​បាន​ទិញ​អង្ករ​កម្ពុជា​ច្រើន​ផង​​ដែរ ​គឺ​ក្នុង​ចំនួន​ជាង២ម៉ឺន​តោន។ចំពោះ​ប្រភេទ​អង្ករ​ ដែល​បាន​នាំចេញ​ច្រើន​ជាងគេ ទៅកាន់​ទីផ្សារ​អន្តរជាតិ​ទាំង​នោះ គឺ​ប្រភេទ​អង្ករ​ ច​ម្រុះ ដោយ​នាំចេញ​បាន​ក្នុង​បរិមាណ ១៩៤,​០០៣ តោន។ ចំណែកអង្ករ​ផ្កាម្លិះ​ ជា​ប្រភេទ​អង្ករ​ក្រអូប​ដ៏​ល្បីឈ្មោះ ​របស់​កម្ពុជា​នោះ ក៏បាន​នាំចេញ​ក្នុង​បរិមាណ​ដ៏​ច្រើន​ផងដែរ​គឺ ១៥៦,៧៧០ តោន និង​មាន​ប្រភេទ​អង្ករផ្សេងៗទៀត ក៏ត្រូវ​បាន​នាំចេញ​ ដូចជា អង្ករ​នាង​ម្លិះ អង្ករ​សូ​ម៉ាលី អង្ករ​សែន​ក្រអូប ឬ នាងខុន និង​អង្ករ​ផ្កា​ខ្ញី ជាដើម។

របាយការណ៍​ខាងលើនេះ​ បាន​បង្ហាញថា មាន​ក្រុមហ៊ុន​​មកពីប្រទេសជាច្រើនលើពិភ​ព​លោ​ក​​​ សរុប​ចំនួនជាង ៨៤ បានធ្វើ​ការនាំចេញ​អង្ករ​ពី​កម្ពុជា​ទៅ​លក់​នៅលើ​ទីផ្សារ​អន្តរជាតិ ក្នុងនោះ​ក្រុមហ៊ុន​ដែល​បាន​នាំចេញ​អង្ករ​ច្រើន​​​ជាង​​គេ គឺ​ក្រុមហ៊ុន khmer Food Co.Ltd ក្រុមហ៊ុន Amrurice (Cambodia Co.Ltd និង​ក្រុមហ៊ុន Golden Rice Cambodia Co. Ltd ។គួរបញ្ជាក់ថា ប្រទេសកម្ពុជាដែលមានវិស័យកសិកម្មជាខឿនសេដ្ឋកិច្ចមួយដ៏ធំនោះ រដ្ឋាភិបាលកម្ពុជា ប្តេជ្ញា នឹងបង្កើនការនាំអង្ករចេញឱ្យបានជាង១លាននៅឆ្នាំ២០១៥៕  ដោយ៖ រតនា