ពង្រឹងភាពសុខដុមរមនានៃទំនាក់ទំនងវិជ្ជាជីវៈ តាមរយៈការជម្រុញអនុម័តច្បាប់ស្តីពីសហជីពការធ្វើបច្ចុប្បន្នកម្មច្បាប់ស្តីពីការងារ ការពង្រឹងគោរពវិន័យការងារ និងក្រមសីលធម៌វិជ្ជាជីវៈ ការពង្រឹងនិងសម្របសម្រួល
ស្ថាប័នអនុវត្តយន្តការទប់សា្កត់ និងការដោះសា្រយវិវាទការងារ ក៏ដូចជាយន្តការទប់សា្កត់ និងដោះសា្រយបាតុកម្ម ។
ថ្លែងក្នុងពិធី សមាជ សហជីពជាតិកម្ពុជាអាណត្តិទី៣ ឯ/ឧបណ្ឌិត អ៊ិត សំហេង បន្តថា ការបង្កើតយន្តការសម្រាប់ធ្វើការសិក្សាជាទៀងទាត់ និងជាយថាហេតុ លើកអនុសាសន៍ សម្រាប់ការពិនិត្យកំណត់ប្រាក់ឈ្នួល អប្បបរមា ស្របតាមសា្ថនភាពសេដ្ឋកិច្ចជាតិតាមវិស័យ និងតាមតំបន់ ព្រមទាំងការបង្កើតយន្តការធានារ៉ាប់រងផលប្រយោជន៍របស់កម្មករនិយោជិត នៅពេលរោងចក្រក្ស័យធន និងផ្តល់ផលប្រយោជន៏ដល់ភាគីទាំងសងខាង ។
.jpg)
ឯ/ឧបណ្ឌិត ក៏បានជម្រុញឲ្យបន្តអភិវឌ្ឍន៍វិស័យការងារ និងបណ្តុះបណ្តាលវិជ្ជាជីវៈ ដែលតម្រង់ទិស ឲ្យប្រជាជនមានការងារធ្វើ មានមុខរបរ សមរម្យ ត្រឹមត្រូវនឹងថ្លៃថ្នូរ ការការពារសិទ្ធិ និងផលប្រយោជន៍ស្របច្បាប់របស់និយោជក និងកម្មករនិយោជិត ព្រមទាំងការកសាង និងលើកកម្ពស់សមត្ថភាពបច្ចេកទេស និងវិជ្ជាជីវៈឲ្យរីកចម្រើនស្របតាមបទដា្ឋនអន្តរជាតិ និងបន្តពង្រឹងការអនុវត្តសេរីភាពសហជីព និងអង្គការវិជ្ជាជីវៈ ប្រឆាំងការរើសអើងចំពោះសហជីព និងអង្គការវិជ្ជាជីវៈ ជម្រុញការកសាងច្បាប់ស្តីពីសហជីព និងច្បាប់ស្តីពីការបង្កើតតុលាការការងារ ។
ឯ/ឧ ក៏បានអំពាវនាវដល់កម្មករនិយោជិត និងនិយោជក ឲ្យពង្រីកសុខដុមនីយកម្មក្នុងទំនាក់ទំនងវិជ្ជាជីវៈ ព្រមទាំងពង្រឹងប្រព័ន្ធសុខភាព និងសុវត្ថិភាពការងារនៅតាមសហគ្រាស និងគ្រឹះសា្ថននានាឲ្យបានល្អប្រសើរ ។ ហើយឯកឧត្តម ក៏បានបន្តជម្រុញការដំឡើងប្រាក់ឈ្នួល ការផ្តល់ប្រាក់ឧបត្ថម្ភ និងប្រាក់អត្ថប្រយោជន៍នានាដល់កម្មករនិយោជិត និងបន្តយកចិត្តទុកដាក់ទប់សា្កត់ការប្រើប្រាស់ពលកម្មកុមារក្រោមអាយុកំណត់នៅតាមសហគ្រាស ។
ឯ/ឧបានបញ្ជក់ថា យើងត្រូវធ្វើការកែទម្រង់និងអនុវត្ត ច្បាប់ស្តីពីរបបសន្តិសុខសង្គមសម្រាប់ប្រជាជនទាំឡាយដែលស្ថិតនៅ ក្រោមច្បាប់ស្តីពីការងារ ហើយត្រូវពង្រីក របបធានារ៉ាប់រង ហានិភ័យការងារឲ្យបានគ្របដណ្តប់ទូទាំងប្រទេសការដាកឲ្យដំណើរការរបប ប្រាក់សោធននិវត្តន៍សម្រាប់កម្មករនោយោជិកក្នុងវិស័យឯកជនឲ្យ មានរបបប្រាក់សោធននិវត្តន៍ ដូចមន្ត្រីរាជការដែរចាប់ពីឆ្នាំ២០១៥ ៕ ដោយ៖ អភិរក្ស