ភ្នំពេញ: អនុប្រធានមន្ទីរវប្បធម៌និងវិចិត្រសិល្បៈរាជធានីភ្នំពេញទើបឡើងថ្មីសន្យាបន្តស​ហ​ការជា​មួយ​មន្ត្រីសាធារណៈទាំងអស់អោយបានល្អ ដើម្បីធ្វើអោយកិច្ចការខ្វះខាតផ្នែកវប្បធម៌មា​ន​ការ​​រីកចម្រើន​ស្រប​តាមយុទ្ធសាស្ត្រចតុកោណដំណាក់កាលទី៣រប​ស់​​​រា​ជរដ្ឋា​​ភិបាល ។

ថ្លែងបន្ទាប់ពិធីប្រកាសតែងតាំងជាអនុប្រធានមន្ទីរវប្បធម៌និងវិចិត្រសិល្បៈថ្មីនៅរាជធានីភ្នំពេញនាព្រឹក​​​​
​ថ្ងៃ​​ទី១០ខែតុលានេះ លោក ស វុទ្ធី បានប្តេជ្ញាថា នឹងខិតខំពង្រឹ​ងសាមគ្គីភាពផ្ទៃក្នុងមន្ទីរអោយបានរឹងមាំ ​ដោយពង្រីកការទំនាក់ទំនងសហការល្អជាមួ​យបណ្តាមន្ទីរនានាជុំវិញរាជធានី ស្ថាប័ន​មាន​សមត្ថកិច្ច​ និង​​អាជ្ញាធរគ្រប់លំដាប់ថ្នាក់អោយបានល្អប្រសើរ សំដៅរួមចំណែកក្នុងកម្មវិធី​នយោបាយយុទ្ធសាស្ត្រ​​​​
​ច​​តុកោណ​ដំណា​ក់កាលទី៣ របស់រាជរដ្ឋាភិបាលអោយបានជោគជ័យ។ជាងនេះទៅទៀតលោក​នឹង​ខិតខំ​​​រួមសហការជាមួយលោកប្រធានមន្ទីរ អនុប្រធានមន្ទីរនិងមន្ត្រីរាជការក្នុងមន្ទីរទាំ​ង​មូលដោយយកចិត្តទុក​​ដា​ក់​អនុវត្តផែនការរបស់សាលារាជធានីភ្នំពេញ ក៏ដូចជាផែ​ន​ការ​​ទិសដៅរបស់ក្រសួង​អោយទទួលបាន​​ជោគ​​ជ័យផងដែរ ។​

លោកជំទាវ ម៉ក វណ្ណស៊ីថា អភិបាលរងរាជធានីភ្នំពេញបានផ្តាំផ្ញើចំពោះអនុប្រធានម​ន្ទីរថ្មីថាត្រូវតែមាន​​ ទំនាក់ទំនងល្អជាមួយមន្ត្រីថ្នាក់លើនិងថ្នាក់ក្រោមអោយបានជិតស្និទ្ធិ ប្រយោជន៍អនុវត្តផែនការ​ដែល​​ 
ខ្វះ​ខាត​និងចន្លោះប្រហោងមួយចំនួនក្នុងវិស័យវប្បធម៌អោយមានប្រសិទ្ធិភាព។​ 

គួរបញ្ជាក់ថា មន្ទីរវប្បធម៌​និងវិចិត្រសិល្បៈរាជធានីភ្នំពេញមានការិយាល័យសំខាន់ៗចំនួ​ន​៧គឺការិយាល័​យ​​ រដ្ឋ​បាលបុគ្គលិកផែន​ការ​គណនេយ្យ ការិយាល័យអភិវឌ្ឍន៍វប្បធម៌ ការិយាល័យបេតិកភណ្ឌ ការិយាល័​យ​​ សិល្បៈសូនរូប​និង​វិចិត្រ​កម្ម ការិយាល័យសល្បៈនិងទស្សនីយភាព ការិយាល័យភាពយន្ត​និងផ្សព្វផ្សាយ​​ វប្បធម៌  និង​ការិយាល័យសារៈមន្ទីរ ៕ ដោយ៖ រតនា  ​