ភ្នំពេញ៖ ក្រោយពេលបណ្តេញក្រុមបាតុករនិងរុះរើសំណង់ផ្សេងៗចេញអស់ពីនៅទីលានប្រជាធិបតេយ្យកាលពី ថ្ងៃទី៤មករារួចមកគេឃើញមានកម្លាំងសមត្ថកិច្ចជាច្រើនបានដាក់ពង្រាយជុំវិញ និងមានកម្ថាំងកង រាជអាវុធហត្ថ រាជធានីភ្នំពេញជាច្រើនសិបនាក់បានប្រមូលផ្តុំគ្នា ដើម្បីត្រៀមកម្លាំងសម្រាប់ល្បាតចុះជួយអន្តរាគមន៍រក្សា សន្តិ សុខនៅក្នុងរាជធានីភ្នំពេញ នៅពេលមានហេតុការណ៍កើតឡើងណាមួយជាយថាហេតុ។
.jpg)
នៅព្រឹកថ្ងៃទី៥មករានេះកម្លាំងកងរាជអាវុធហត្ថ ដែលដឹកនាំដោយលោក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេសនិង ជាមេបញ្ជាការកងរាជអាវុធហត្ថរាជធានីភ្នំពេញបានធ្វើការប្រមូលផ្តុំកម្លាំងនៅលើទីលានប្រជាធិបតេយ្យដើម្បីសាកល្បងនិងត្រួតពិនិត្យកម្លាំង ជាក់ស្តែងលើការទទួលខុសត្រូវរបស់ខ្លួនក្នុងមុខនាទី និងជាការបង្ហាញនូវការអនុវត្តបទបញ្ជា នានារបស់ថ្នាក់លើក្នុងការទប់ស្កាត់ភាពអាណាធិបតេយ្យ ដែលកើតឡើងក្នុងអំឡុងពេលប៉ុន្មានថ្ងៃកន្លងមកនេះ ដើម្បីធានាឡើងវិញនូវសណ្តាប់ធ្នាប់ សន្តិសុខសាធារណៈ និងរបៀប រៀបរយរបស់សង្គម។
.jpg)
លោក រ័ត្ន ស្រ៊ាង មានប្រសាសន៍នៅក្នុងពេលនោះថា ការប្រមូលផ្តុំនេះមិនមានហេតុការណ៍អ្វីកើតឡើងនៅឡើយទេ គឺជាការសាកល្បងកម្លាំងបន្ទាប់ពីផ្តល់ផែនការ និងការណែនាំនានាទៅតាមបណ្តាអង្គភាពថាតើមានការយកចិត្តទុកដាក់ទទួលខុសត្រូវលើការងារដែរឬទេ?។
ជាមួយគ្នានោះលោកបានកោតសរសើរចំពោះកម្លាំងទាំងអស់ដែលបានប្រឹងប្រែងបំពេញការងារ របស់ខ្លួនបាន យ៉ាងល្អ ពិសេសបានសហការគ្នាល្អបោសសំអាតបានជោគនៅ ទីលានប្រជាធិបតេយ្យដោយប្រើប្រាស់ពេលវេលាត្រឹមតែ៤ម៉ោងមិនប្រឈមនឹង ការប៉ះទង្គិចគ្នាថែមទៀត។
លោកមេបញ្ជាការបានជម្រុញឲ្យកម្លាំងទាំងអស់យកចិត្តទុកដាក់បន្ថែមលើការការពារសន្តិសុខ សណ្តាប់ធ្នាប់ និងជួយសម្រួលដល់ការធ្វើចរាចរណ៍កុំឲ្យមានការកកស្ទះនៅតាមដងផ្លូវតទៅទៀតបញ្ជៀសឲ្យបាននូវការធុញទ្រាន់របស់មហាជនក៏ដូចជាប្រជាពលរដ្ឋ។
ក្នុងនោះ លោកក៏បានបញ្ជាឲ្យកម្លាំងទាំងអស់ចាប់ផ្តើមចុះល្បាតនៅគ្រប់ច្រកល្ហក និងតាមបណ្តាផ្លូវនានាក្នុងរាជ ធានីភ្នំពេញពិសេសបញ្ជៀសឲ្យបាននូវការកកស្ទះចរាចរ ដើម្បីសម្រួលដល់ការធ្វើ ដំណើររបស់ប្រជាពលរដ្ឋភ្ញៀវ ទេសចរណ៍ជាតិ និងអន្តរជាតិដែលគេបានមកទស្សនាទីក្រុង ដែលជាបេះដូងសេដ្ឋកិច្ច វប្បធម៌របស់យើង ដ៏ល្អ មួយនេះ។
ចំណែកទិដ្ឋភាពនៅលើសួនច្បារខាងកើតស្ពាននាគវិញ ក៏មានកម្លាំងសន្តិសុខរបស់សាលារាជធានី ភ្នំពេញប្រដាប់ដោយដំបង និងពាក់មួកសុវត្ថិភាព បានចេញបោសសំអាតនៅតាមសួនច្បារនោះដែរ។
ប៉ុន្តែអ្វីដែលជាការកត់សម្គាល់និងមហាជនមានការិះគន់នោះ គឺគេឃើញកម្លាំងសន្តិសុខទាំងនេះបានបោសសំអាតទាំងមហាជន ដែលឈមើលហេតុការណ៍និងថតរូបតាមទូរស័ព្ទអំពីសកម្មភាពរបស់ពួកគាត់ក្នុងការចុះប្រតិបត្តិការនោះដែរ។មិនដឹងថានេះជាបញ្ជារបស់ថ្នាក់លើដែរឬក៏អត់?។
ស្របពេលជាមួយគ្នានេះ នៅទីស្នាក់ការគណបក្សសង្រ្គោះជាតិក្នុងសង្កាត់ចាក់អង្រែលើ ខណ្ឌមានជ័យឯណោះវិញ មេដឹកនាំគណបក្សមានលោក សម រង្ស៊ី និងលោក កឹម សុខា បានរៀបចំពិធីសូត្រមន្តបង្សុកុល និងរាប់បាត្រឧទ្ទិសកុសលជូនវិញ្ញាណក្ខន្ធក្រុមអ្នកតវ៉ា៤នាក់ដែលបានស្លាប់បាត់ជីវិតក្នុងហេតុការណ៍ប៉ះទង្គិចគ្នាជាមួយកងកម្លាំងសមត្ថកិច្ច នៅលើផ្លូវវេងស្រេងមុខសួនឧស្សាហកម្មកាណាឌីយ៉ា កាលពីថ្ងៃទី០៣ ខែមករា កន្លងទៅ៕ ដោយ៖ សស្អាត