ភ្នំពេញ៖ ដើម្បីកាត់បន្ថយគ្រោះថ្នាក់ដែលកើតឡើងពីការបើកបរក្រោមឥទ្ធិពលគ្រឿងស្រវឹងនៅក្នុង​ប្រទេស​ កម្ពុជា នាពេលបច្ចុប្បន្ន និងទៅថ្ងៃខាងមុខនោះ អង្គការសុខភាពពិភពលោក បានស្នើដល់រាជរដ្ឋាភិបាលកម្ពុជា  បង្កើនការគាំទ្រពីការពង្រឹងច្បាប់ ការចុះប្រតិបត្តិការរឹតបណ្តឹង ច្បាប់ដ៏តឹងរឹងបំផុត​ជាប្រចាំ​តាមរយៈច្បាប់​ ចរាចរណ៍​​ផ្លូវគោគថ្មី ហើយនិងចេញបញ្ញតិត្រួតពិនិត្យ នូវការផ្សព្វផ្សាយគ្រឿងស្រវឹង ។ 

លោកវេជ្ជបណ្ឌិត ភីធឺ វ៉ាន់ម៉ារឹន តំណាងអង្គការសុខភាពពិភពលោក ប្រចាំប្រទេសកម្ពុជាបានលើក​ឡើង​យ៉ាង​​ ដូច្នេះ នៅក្នុងពិធីប្រកាសបើកយុទ្ធនាការផ្សព្វផ្សាយក្រោមប្រធានបទ «បើពិសារគ្រឿងស្រវឹង កុំបើកបរ» ដើម្បី​ ​សង្រ្គោះជីវិតប្រជាជនពីពីគ្រោះថ្នាក់ចរាចរណ៍។ ដែលរៀបចំដោយគណៈកម្ម​ការជាតិសុវត្ថិភាព​ចរាចរណ៍​​ ផ្លូវគោក សហការជាមួយអង្គការសុខភពពិភពលោកនៅរាជធានីភ្នំពេញកាលពីពេលថ្មីៗនេះ ។​

លោក​តំណាង​ អង្គការ​​សុខភាពពិភពលោក បានបង្ហាញពីរបាយការបស់ខ្លួនស្តីពីស្ថានភាព សុវត្ថិភាព​​ចរាចរណ៍​​​ផ្លូវគោគ​សកល​​ក្នុងឆ្នាំ២០១៣នេះថា យ៉ាងហោចណាស់មានមនុស្សប្រមាណ ១,២៤​លាន​នាក់​បាន​​បាត់បង់​ជីវិតដោយ​គ្រោះថ្នាក់ចរាចរណ៍ ហើយជាង៩០%នៃ ងញនកស្លាប់គឺកើត​ឡើងនៅក្នុង​ប្ទេសមាន​ប្រាក់​​ចំណូលទាប និង​មធ្យម ។ លោកថា គ្រោះថ្នាក់ចរាចរណ៍គឺជាមូលហេតុ​ចំបងនៃការស្លាប់​ចំពោះយុវជនវ័យ​​ក្មេង​អាយុពី១៥​ដល់២៩ឆ្នាំ ដោយ​សារការបើកបរក្រោមឥទ្ធិពលគ្រឿងស្រវឹង​និងជាកត្តាហានិភ័យ​ក្នុង​ការ​​បង្ករនូវគ្រោះ ថ្នាក់ នៅក្នុងប្រទេសទាំងនោះ ។​

អង្គការសុខភាពពិភពលោក បានមើលឃើញថា កន្លងមកនៅក្នុងប្រទេសកម្ពុជា គ្រោះថ្នាក់ ចរាចរណ៍​គឺ​ជា​​បញ្ហា​សុខភាពសាធារណៈដែលកំពុងតែកើតឡើងគួរឲ្យព្រួយបារម្មណ៍ ហើយ ទាមទារឲ្យមាន​កិច្ច​សហ​​ប្រតិបត្តិការ និងការសម្របសម្រួលនៅក្នុងចំណោមក្រសួង ស្ថាប័នរដ្ឋាភិបាលដែលពាក់ព័ន្ធ ដៃគូរអភិវឌ្ឍន៍​​ហើយនិងសង្គមស៊ីវិល ដើម្បីឆ្លើយតបទៅនិងបញ្ហាដែល ស្ថិតក្នុងស្ថានភាពដ៏ភ័យខ្លាចនេះ ។​

អង្គការនេះបានកត់សម្គាល់ទៀតថា ការបើកបរក្រោមឥទ្ធិពលគ្រឿងស្រវឹង គឺជាឥរិយាបទប្រកប​ដោយគ្រោះ​​ថ្នាក់ ហើយជាកត្តាបង្ករទី២ បន្ទាប់ពីការបើកបរលើសល្បឿនកំណត់ ដែលបានសម្លាប់​ជីវិត្តមនុស្ស​ចំនួន​២៥៤​​នាក់ស្មើនិង១៣%នៃការស្លាប់ទាំងអស់ដោយគ្រោះថ្នាក់ចរាចរណ៍ ។​

លោក វេជ្ជបណ្ឌិត ភីធឺ វ៉ាន់ម៉ារឹន ប៉ាន់ប្រមាណថា មនមនុស្ស៦៣%នៃអ្នកបើកបរដែលបង្ករឲ្យ មានគ្រោះថ្នាក់​​ចរាចរណ៍បានពិសារគ្រឿងស្រវឹងមានអាយុពី២០ដល់៣៤ឆ្នាំ ។ បន្ថែមពីលើ​សោកនាដ្ឋកម្ម​នេះបានធ្វើឲ្យ​បាត់​​បង់​ចំ​ណូលសេដ្ឋកិច្ចយ៉ាងច្រើនរបស់ជនរងគ្រោះ ក្រុមគ្រួសារ និងសង្គមជាតិទាំងមូល ហើយបន្ស​ល់ទុកនូវ​​ជន​រ​ងគ្រោះដែលកំពុងសំរាកព្យាបាល នៅក្នុងមន្ទីរពេទ្យបង្កើន​នូវបន្ទុកដ៏ធ្ងន់ធ្ងរ​ថែមទៀតដល់ប្រព័ន្ធ​​សុខាភិបាល​​​​​​​​​ដែលមានថវិកាកំណត ។​

លើសពីនេះទៅទៀតលោកបានមើលឃើញថាក្រុមអ្នកផលិតគ្រឿងស្រវឹងបានចំណាយលុយរាប់លានដុល្លារ​ក្នុង១ឆ្នាំ ដើម្បីអូសទាញអតិថិជន ពិសេសយុវជនជំទង់វ័យក្មេង តាមរយៈការផ្សព្វផ្សាយពាណិជ្ជកម្ម​ដ៏ហួស​​ហេតុ តាមប្រព័ន្ទឃោសនាក្នុងស្រុក និងព្រឹត្តិការណ៍សង្គមនានា។ល ។​ 

រាល់ការផ្សព្វផ្សាយ​ទាំងនោះបាន​ជម្រុញ​​​​​ឲ្យយុវជនមានការជឿកជាក់ពីភាពគ្មានគ្រោះថ្នាក់របស់គ្រឿងស្រវឹង​ បង្កើនសាមគ្គីភាព មិត្តភាព និងជាបុរសពិត ដោយមិនបាននិយាយពីផលបច្ច័យអវិជ្ជមាន និងមហន្តរាយ​នៃ​​ការប្រើប្រាស់គ្រឿងស្រវឹងនោះឡើយ ។​

សូបញ្ជាក់ថាគ្រោះថ្នាក់ចរាចរណ៍រយៈពេល៩ខែដើមឆ្នាំ២០១៣មានការថយចុះ៣%បើប្រៀបធៀបទៅនឹងរយៈ​ពេលដូចគ្នានិងឆ្នាំមុន ប៉ុន្តែអ្នកស្លាប់មានចំនួនស្មើគ្នាគឺ១៥១៩នាក់ ឯចំនួនអ្នរបួសថយចុះ៥% ក្នុងនោះ​អ្នរង​​គ្រោះដល់ស្លាប់ និង អ្នករងរបួសដែលប្រើប្រាស់គ្រឿងស្រវឹង មានមានចំនួន១៣% អ្នកបើក​ម៉ូតូស្រវឹងមាន​​៨០%និងអ្នកបើកបរយានជំនិះគ្រប់ប្រភេទមានអាយុចាប់ពី២០-៣៤ឆ្នាំមាន៦៣%  ៕​  ដោយ៖ សស្អាត