ប្រទេសប៉ាគីសស្ថាន៖ យោងតាមរបាយការណ៍មួយបានអោយដឹងកាលពីថ្ងៃម្សិលមិញថា មនុស្សយ៉ាង ហោចណាស់ ៩នាក់ រួមបញ្ចូលទាំងកូនក្មេង ៣នាក់ផងដែរគឺបានស្លាប់យ៉ាងអាណោចអាធម៌នៅក្នុងការ
បំផ្ទុះគ្រាប់បែកនៅក្នុងផ្ទះមួយកន្លែងនៃតំបន់កុលសម្ព័ន្ធ Khyberដែលស្ថិតនៅភាគពាយ័ព្យនៃប្រទេសប៉ា
គីស្ថាន។ សាក្សីម្នាក់បានអះអាងថា ហេតុការណ៍បំផ្ទុះគ្រាប់បែកខាងលើនេះគឺបានផ្ទុះឡើងនៅក្នុងផ្ទះរ
បស់លោក Hakim Khan មេដឹកនាំកុលសម្ព័ន្ធ LeI ដែលជាតំបន់ដាច់ស្រយាលមួយស្ថិតនៅតាមជ្រលងភ្នំ
Tirah។ គួរបញ្ជាក់ផងដែរថា តំបន់ជ្រលងភ្នំខាងលើនេះគឺជាតំបន់ជម្លោះដ៏ក្តៅគគុកមួយរវាងពួកសកម្មប្រ
យុទ្ធនិងកងកំលាំងយោធារបស់ប្រទេសប៉ាគីស្ថាន។ មន្រ្តីប៉ូលីសម្នាក់បានមានប្រសាសន៍ថា តំបន់ខាងលើ
នេះគឺជាកន្លែងចែកចាយអាវុធដ៏សំខាន់មួយដែលគ្រប់គ្រងដោយពួកសកម្មប្រយុទ្ធ Lashkar-e-Islam (LeI)។ រហូតមកដល់ពេលនេះមន្រ្តីប៉ូលីសគឺមិនទាន់បានដឹងថា អ្នកណាជាអ្នកបំផ្ទុះគ្រាប់បែកខាងលើនេះនៅ
ឡើយទេ។ មន្រ្តីប៉ូលីសបានមានប្រសាសន៍បន្តទៀតថា ពួកសកម្មប្រយុទ្ធ ៣នាក់គឺត្រួវបានគេជឿថា បាន
ស្លាប់នៅក្នុងការបំផ្ទុះគ្រាប់បែកខាងលើនេះ។ ដោយ៖ តុលា