ភ្នំពេញ៖ ក្រុមនិស្សិតផ្នែកវិទ្យាសាស្រ្តកសិកម្មនៅព្រឹកថ្ងៃសុក្រទី១១តុលានេះបានមកជួបជុំគ្នានាំមកនូវរបបគំហើញដែលខ្លួនបានសិក្សាស្រាវជ្រាវក្នុងអំឡុងពេលសិក្សាមកបង្ហាញនិងចែករំលែកបទពិសោធន៍ដល់គ្នាទៅវិញទៅមកក្នុងសន្នសីទវិទ្យាសាស្រ្តមួយដែលបានរៀបចំដោយសាលកលវិទ្យាល័យភូមិន្ទកសិកម្មចំការដូង។
លោកស្រីសាស្រ្តាចារ្យបណ្ឌិតសេងមុំសាកលវិទ្យាធិការរងនៃសាកលវិទ្យាល័យភូមិន្ទកសិកម្ម(សវផក) បានឲ្យដឹងថាជារៀងរាល់ឆ្នាំយើងតែងតែរៀបចំឲ្យមានការជួបជុំគ្នារវាងនិស្សិតផ្នែកវិទ្យាសាស្រ្ត តាមរយៈសិក្ខាសាលាស្រាវជ្រាវដើម្បីអភិវឌ្ឍន៍កសិកម្មដែលជាផ្នែកនៃគម្រោងវេទិការស្រាវជ្រាវនេះយ៉ាងតិច៣ទៅ៤ដងក្នុង១ឆ្នាំ។ហើយឆ្នាំនេះមិនខុសពីឆ្នាំកន្លងទៅដែរគឺបានទទួលគម្រោងនៃគម្រោងវេទិការស្រាវជ្រាវដើម្បីអភិវឌ្ឍន៍វគ្គ២ដែលមានវិទ្យាស្ថានស្រាវជ្រាវនិងបណ្តុះបណ្តាលកម្ពុជាហៅកាត់ថាCDRI និងទទួលបានជំនួយឧបត្ថម្ភពីInternational Development Rseaech Center(IDRC) នៃប្រទេសកាណាដា។
លោកស្រីសាស្រ្តាចារ្យបន្តថាវេទិការនេះធ្វើឡើងក្នុងគោលបំណងដើម្បីអភិវឌ្ឍន៍ធនធានមនុស្សជាពិសេសសមត្ថភាពក្នុងការស្រាវជ្រាវនិងទំនាក់ទំនងបែបវិទ្យាសាស្រ្តដែលមានប្រធានបទ«សក្តានុពលរបស់អ្នកស្រាវជ្រាវវ័យក្មេងក្នុងការអភិវឌ្ឍន៍កសិកម្មនិងជនបទ»និងជាការផ្តល់ឱកាសឲ្យអ្នកស្រាវជ្រាវវ័យក្មេងអាចធ្វើការចែករំលែកបទពិសោធន៍ដល់សាធារណៈជនបង្កើនសមត្ថភាពទំនាក់ទំនងបែបវិទ្យាសាស្រ្តដល់អ្នកស្រាវជ្រាវផ្ទាល់និងនិស្សិតជំនាន់ក្រោយផ្សព្វផ្សាយស្នាដៃស្រាវជ្រាវដល់អ្នកសិក្សានិងស្រាវជ្រាវនិងអាចជាប្រយោជន៍ដល់ការរៀបចំផែនការ។
លោកស្រីសាកលវិទ្យាធិការរងបានបញ្ជាក់ថាប្រធានបទសំខាន់ៗដែលក្រុមអ្នកស្រាវជ្រាវវ័យក្មេងលើកយកមកធ្វើបទបង្ហាញនាព្រឹកនេះមានចំនួន២៥ប្រធានបទក្នុងនោះផ្តោតសំខាន់ទៅលើវិទ្យាសាស្រ្តកសិកម្មវិទ្យាសាស្រ្តសត្វវិជ្ជសាស្រ្តសត្វអភិវឌ្ឍន៍ជនបទព្រៃឈើជលផលនិងការរៀបចំដែនដីរដ្ឋបាលដែនដីជាដើម។និស្សិតដែលត្រូវចូលរួមធ្វើបទបង្ហាញមកពីសាកលវិទ្យាល័យភូមិន្ទកសិកម្មសាកលវិទ្យាល័យភូមិន្ទកសិកម្មសាកលវិទ្យាល័យស្វាយរៀងនិងសាកលវិទ្យាល័យមានជ័យកំពុងចាមធនធានមនុស្សនិងស្ថាប័នស្រាវជ្រាវនិងអភិវឌ្ឍន៍ផ្សេងៗទៀត។
លោកស្រីមានសង្ឃឹមថាវេទិការនេះនឹងក្លាយទៅជាសកម្មភាពដែលអនុវត្តន៍ប្រាកដដោយលេខគុណ ដោយស្ថាប័នបណ្តុះបណ្តាលជាទៀងទាត់និងមានការចូលរួមយ៉ាងសកម្មពីនិស្សិតសាស្រ្តាចារ្យនិងអ្នកស្រាវជ្រាវដើម្បីលើកកម្ពស់គុណភាពអប់រំស្រាវជ្រាវវិទ្យាសាស្រ្តជាប្រយោជន៍សម្រាប់សាធារណៈជននិងសង្គមកម្ពុជា។
លោកសាស្រ្តាចារ្យបណ្ឌិតង៉ោប៊ុនថានសាកលវិទ្យាធិការនៃសាកលវិទ្យាល័យភូមិន្ទកសិកម្មបានថ្លែងនៅក្ក្នុងកាសបើកសិក្ខាសាលានោះថាការសិក្សាស្រាវជ្រាវពិតជាមានសារសំខាន់ណាស់សម្រាប់ក្រុមអ្នកស្រាវជ្រាវវ័យក្មេងដែលអាចនិយាយបានថាជាក្រុមអ្នកវិទ្យាសាស្រ្តក្នុងការរុករករបបគំហើញថ្មីៗយកមកធ្វើការបង្ហាញឬរៀបចំធ្វើសន្និសីទវិទ្យាសាស្រ្តផ្សេងៗនិងបំពេញសមត្ថភាពរបស់ខ្លួនក្នុងការចូលរួមចំណែកអភិវឌ្ឍន៍វិស័យកសិកម្មនៅប្រទេសកម្ពុជានិងបន្សល់ទុកនូវស្នាដៃដល់អ្នកស្រាវជ្រាវជំនាន់ក្រោយៗទៀតតាមរយៈការចងក្រងធ្វើការបោះពុម្ពផ្សព្វផ្សាយដល់ប្រជាកសិករក្រុមហ៊ុនឯកជនដែលពាក់ព័ន្ធអាចយកទៅប្រើប្រាស់បំរើសេចក្តីត្រូវការរបស់មនុស្សជាតិលើផ្នែកម្ហូបអាហារនិងវិស័យកសិកម្ម។
លោកសាស្រ្តាចារ្យបញ្ជាក់ថាក្រៅពីសិក្សាស្រាវជ្រាវក្នុងស្រុកយើងមានកម្មវិធីសហប្រតិបត្តការអន្តរជាតិជាមួយបណ្តាប្រទេសដៃគូរជាច្រើនទៀតកន្លងមកបានបញ្ជូននិស្សិតកម្ពុជាឲ្យទៅដកស្រង់បទពិសោធន៍ពីគេនិងបានទទួលនិស្សិតបរទេសឲ្យមកស្នាក់នៅសិក្សារៀនសូត្រពីគ្នាទៅវិញទៅមកជាច្រើនវគ្គដែលមកដល់ពេលនេះយើងបានទទួលនិស្សិតមកពីប្រទេសម៉ាឡេស៊ីប្រទេសថៃនិងប្រទេសជប៉ុន។លោកសាស្រ្តាចារ្យបានបង្ហាញពីទស្សនវិស័យថានឹងពង្រីកទំនាក់ទំនងថ្នាក់ជាតិនិងអន្តរជាតិឲ្យបានកាន់តែទូលំទូលាយនិងជម្រុញសាកលវិទ្យាល័យភូមិន្ទកសិកម្មឲ្យទៅជាសាកលវិទ្យាល័យអន្តរជាតិសម្រាប់ការសិក្សាស្រាវជ្រាវវិទ្យាសាស្រ្ត៕ដោយ៖ សស្អាត