អាហ្កានីស្ថាន៖ កាលពីថ្ងៃអាទិត្យព្រឹកមិញនេះ ការបំផ្ទុះគ្រាប់បែកនៅក្នុងទីក្រុងកាប៊ុលបានឆក់យកជីវិត មនុស្សយ៉ាងហោចណាស់ ៤នាក់និងបានបណ្តាលអោយមនុស្សជាច្រើននាក់ទៀតរងរបួសជាទំងន់។ អ្នក នាំពាក្យរបស់ក្រសួងការពារបានមានប្រសាសន៍ថា នៅក្នុងចំណោមអ្នកខាងលើនេះគឺរួមមានមន្រ្តីប៉ូលីស ២នាក់និងជនស៊ីវិលចំនួន ២នាក់។ ពួកតាលីបង់បាននិយាយថា ពួកគេនឹងបន្តធ្វើការវាយប្រហារបន្តទៀត
នៅភាគអាគ្នេយ៍នៃទីក្រុងកាប៊ុល។ គួរបញ្ជាក់ផងដែរថា កាលពីថ្ងៃទី ១៧ខែមករា ការបំផ្ទុះគ្រាប់បែកក្នុងភោ
ជនីយដ្ឋានមួយកន្លែងបានឆក់យកជីវិតមនុស្សចំនួន ២១នាក់។ ភ្នាក់ងារសារព័ត៌មាន BBCបានរាយការណ៍
ថា នៅក្នុងដើមខែមករានេះ ពួកសកម្មប្រយុទ្ធតាលីបង់គឺមានទំនុកយ៉ាងខ្លាំងក្នុងការទទួលបានជ័យជំនះ លើកងកម្លាំងសន្តិសុខដែលដឹកនាំដោយអង្គការ Nato ព្រោះថា តំបន់ជាច្រើននៃប្រទេសនេះគឺកំពុងតែស្ថិត
នៅក្រោមការគ្រប់គ្រងរបស់ពួកគេ។ ដោយ៖ តុលា