ភ្នំពេញ៖ ការតាំងបង្ហាញផលិតផលបន្ថែ និងផ្លែឈើរបស់កម្ពុជា រយៈពេល៣ថ្ងៃ ចាប់ពីថ្ងៃទី ១១ ដល់ថ្ងៃទី១៣ តុលា ដែលមាន៥០ស្តង់ មកពី២៥ក្រុមហ៊ុនចូលរួមនោះ គឺជាការបង្ហាញពីការខិតខំប្រឹងប្រែងរបស់ក្រសួងពាណិជ្ជកម្ម ក្នុងការជំរុញ និងលើកកម្ពស់ផលិតផលបន្ថែ និង ផ្លែឈើខ្មែរ ដែលផលិតផលឡើងតាមស្តង់ដារបច្ចេកទេសត្រឹមត្រូវឱ្យមានលទ្ធភាពធ្វើចរាចរទូលំទូលាយ និងជ្រៀតចូលទីផ្សារក្នុងស្រុកបានច្រើន ដើម្បីភាពម្ចាស់ការ និងដើរតួនាទីជាអ្នកផលិត និងផ្គត់ផ្គង់បន្ថែ ផ្លែឈើខ្មែរឱ្យបានទូលំទូលាយ ដល់អតិថិជនគ្រប់មជ្ឈដា្ឋននៅទូទាំងប្រទេស។
នេះជាការលើកឡើងរបស់លោក ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម ក្នុងការតាំងបង្ហាញផលិតផលបន្លែ និងផ្លែឈើកម្ពុជា ជាលើកទី៣ នៅមជ្ឈមណ្ឌលពិព័រណ៍ និងសន្និបាតកោះពេជ្រថ្ងៃទី ១១ តុលានេះ។ លោករដ្ឋលេខាធិការក្រសួងពាណិជ្ជកម្មរូបនេះបន្តថា វិស័យពាណិជ្ជកម្មកម្ពុជាកំពុង កំពុងបានដើរតួនាទីដ៏សកម្មក្នុងការលើកស្ទុយជំរុញឱ្យមានកំណើនសេដ្ឋកិច្ច ជាក់ស្តែងតួលេខនៃការ នាំចេញ-នាំចូលមានកំណើតពីរខ្ទង់នៅឆ្នាំ ២០១១ គឺមានទឹកប្រាក់ចំនួន ១២,៣១៣ លានដុល្លារ អាមេរិក ដែលក្នុងនោះតួលេខទំនិញនាំចេញមាន ៥,៣៥០លានដុល្លារអាមេរិក និងតួលេខនាំចូលមាន ៦,៩៦៣ដុល្លារ។
លោករដ្ឋលេខាធិការបានបញ្ជាក់ថា ការតាំងផលិតផលបន្ថែ ផ្លែឈើនេះ គឺជាសារមួយជូនព័ត៌ មានដល់ភ្ញៀវគ្រប់លំដាប់ថ្នាក់ ជាពិសេសអ្នកប្រើប្រាស់ទូទៅគេបានដឹងថា «បន្ថែផ្លែឈើកម្ពុជា មានគុណភាពមានលក្ខណៈធម្មជាតិល្អជាងបន្ថែផ្លែឈើដែលនាំចូលពីបរទេស ដែលយើងមិនបានស្គាល់ ប្រវិត្តនៃផលិតកម្មត្រឹមត្រូវ ហើយកម្ពុជាក៏អាចមានលទ្ធភាពចាប់ផ្តើមដើរតួនាទីជាអ្នកផ្គត់ផ្គង់ដល់ ទីផ្សារផងដែរ ជាពិសេសអាចសមត្ថភាពផ្តត់ផ្គង់ដល់គ្រប់អង្គភាពសេវាកម្មផ្សេងៗដូចជា ផ្សារទំនើប សណ្ឋាគារ និងភោជនីយដ្ឋានធំកម្រិតអន្តរជាតិទៀត។
ទីប្រឹក្សាក្រសួងពាណិជ្ជកម្ម និងជាប្រធាននាយកដ្ឋានជំរុញពាណិជ្ជកម្ម លោក សឺន សូថា ប្រាប់ឱ្យដឹងថា ក្រសួងពាណិជ្ជកម្ម ពិតជាមានមោទនភាពណាស់ដែលបានបង្កើតឱ្យមាននូវការ តាំងបង្ហាញផលិតផលបន្ថែ ផ្លែឈើខ្មែរ ដ៏មានសារៈសំខាន់ដែលការតាំងនេះ ជាការដាក់តាំងលើកទី ៣ហើយ បន្ទាប់ពីបានធ្វើកាលពីឆ្នាំ២០១កន្លងមកនៅសៀមរាប។ តាំងបង្ហាញនេះដែរ បានមាន ចូលរួម និងគាំទ្រពីផលិតករ សេវាករ កសិករខ្មែរ ដែលជាម្ចាស់កសិដ្ឋានជាច្រើនមកពីរាជធានី ភ្នំពេញ កណ្តាល កំពង់ស្ពឺ ពោធិសាត់ បាត់ដំបង ក្រចេះ ប៉ៃលិន ព្រះសីហនុ សៀមរាប មណ្ឌលគីរី កំពង់ធំ មានចំនួន ២៥ក្រុមហ៊ុន និងកសិដ្ឋានដោយមានស្តង់សរុបចំនួន៥០ស្តង់។
គួរបញ្ជា្កក់ថា បច្ចុប្បន្ននេះ ដំណាំបន្ថែ ផ្លែឈើ ខ្មែរកំពុងរីកលូតលាស់ ហើយបានចាប់ផ្តើមធ្វើការផ្គត់ផ្គង់ទៅកាន់ទីផ្សារជាបណ្តើរៗហើយនៅទូទាំងប្រទេស ដើម្បីជួយទ្រទ្រង់កម្រិតជីវភាពរបស់ប្រជាជនខ្មែរ ក៏ដូចជាការជួយទប់ស្កាត់ធ្វើចំណាកស្រុក ផង និងចំណេះដឹងបច្ចេកទេសទាំងនោះដល់ពួកគេនៅតាមទីជនបទ។ ហើយជាទូទៅការដាំដុះបន្ថែ ផ្លែឈើ ជាការងារប្រចាំថ្ងៃ និងជាការងារទី២ បន្ទាប់ពីការងារធ្វើស្រែចំការ តាមលក្ខណៈប្រពៃណីរបស់ប្រជាពលរដ្ឋខ្មែរយើង៕ ដោយ៖ ឈឹម មករា