ភ្នំពេញ៖ នៅមុខសាលារាជធានីភ្នំពេញនាព្រឹកថ្ងៃទី១០ម្សិលមិញនេះមានការប៉ះទង្គិចគ្នាមួយប្រាវរវាង ក្រុមអាជ្ញាធររាជធានីភ្នំពេញនិងប្រជាពលរដ្ឋប្រជាជា១០០០នាក់មកពីសហគនមន៍ជាច្រើនក្នុងរាជធានី ភ្នំពេញ។
ការប៉ះទង្គិចគ្នានេះកើតឡើងបន្ទាប់ពីប្រជាពលរដ្ឋរស់នៅតាមសហគន៍ជាច្រើននៅក្នុងរាជធានីបានមកជួប ជុំគ្នាប្រារពពិធីសិទ្ធិលំនៅដ្ឋាននៅទីលានបរិវេណរូបសំណាកលោកយាយដូនពេញនិងបានដង្ហែរក្បួននាំ ញ្ញាតិទៅដាក់ជូនលោកអភិបាលរាជធានីផ្ទុយពីកិច្ចព្រមព្រៀងគ្នាក្នុងអង្គប្រជុំកាលពីថ្ងៃទី៩កន្លងទៅ។ក្រុម ប្រជាសហគមន៍ដែលភាគច្រើនគេឃើញអ្នកមកពីសហគមន៍បឹងកក់បូរីកីឡាថ្មគោលនិងសហគមន៍មួយ ចំនួនទៀតប្រមាណជា៥០សហគមន៍។
បន្ទាប់ពីប្រារពពិធីសិទ្ធិលំនៅដ្ឋាននៅក្នុងបរិវេណរូបសំណាកលោកយាយដូនពេញរួចមកគេឃើញពួក គាត់បានប្រកូកប្រកាសគ្នាដើម្បីដង្ហែរក្បួននាំញ្ញាតិទៅកាន់សាលារាជធានីភ្នំពេញតែត្រូវរារាំងដោយកម្លាំង សន្តិសុខនគរបាលនិងកម្លាំងកងរាជអាវុធហត្ថរាជធានីភ្នំពេញដែលដឹកនាំដោយលោករ័ត្នស្រ៊ាងមេបញ្ជា ការទើបតែតែងតាំងថ្មី។ក្រុមប្រជាសហគមន៍និងព្រះសង្ឃប្រមាណជាជាង២០អង្គបាននាំមុខសំរុកបុកទំ លុះរនាំងកម្លាំងអាជ្ញាធរដែលមានខែលនិងដំបងត្រង់ម្តុំខាងកើតរបងស្ថានទូតអាមេរិកតម្រង់ទិសសំដៅ ទៅកាន់សាលារាជធានីភ្នំពេញ។
លុះមកដល់មុខផ្កាយរណបជាប់នឹងរបងសាលារាជធានីភ្នំពេញក៏ត្រូវរាំរាំងសាជាថ្មីដោយកម្លាំងអាជ្ញាធរ រាជធានី ហើយក៏កើតមានការប៉ះទង្គិចគ្នាជាថ្មីម្តងទៀតដោយមានការរុញច្រានគ្នាទៅវិញទៅមកនិងមាន គុបទឹកសុទ្ធនិងដុំឥដ្ឋដាក់គ្នាផងដែរ។យ៉ាងណាក៏ដោយការប៉ះទង្គិចគ្នានេះមិនបណ្តាលឲ្យមានភាគីណា មួយមានគ្រោះថ្នាក់ធ្ងន់ធ្ងរនោះទេ។
ការប៉ះទង្គិចគ្នាបានបន្តដល់ម៉ោង១០និង៤៥នាទីទើបគេឃើញភាគីសាលារាជធានីភ្នំពេញមានលោកកើត ឆែនាយករដ្ឋបាលសាលារាជធានីភ្នំពេញអនុញ្ញាតិឲ្យតំណាងអ្នកភូមិមកពីសហគមន៍ចំនួន៦នាក់នាំញ្ញាតិ ដើម្បីដាក់ជូនលោកអភិបាលរាជធានីភ្នំពេញ។មួយសន្ទុះក្រោយមកលោកស្រី ជុំង៉ានអ្នកតំណាង សហគមន៍បានត្រលប់មកវិញហើយបានឲ្យអ្នកសារព័ត៌មានដឹងថាមន្រ្តីរដ្ឋបាលសាលារាជធានីភ្នំពេញបាន បោះត្រាទទួលញ្ញាតិរបស់អ្នកសហគមន៍ហើយនិងបានសន្យាថាឲ្យក្រុមការងាររបស់ខ្លួនបញ្ជូនញ្ញាតិនេះជា បន្ទាន់ទៅផែនការវិនិយោគដើម្បីចាត់ការ។
ជាមួយគ្នាអ្នកស្រីបានឲ្យដឹងទៀតថាលោកកើតឆែបានសន្យាថានឹងដោះស្រាយការងារនោះជាជំហានៗ ហើយលោកនឹងផ្តល់ព័ត៌មានឲ្យប្រជាពលរដ្ឋដឹងវិញក្នុងរយៈពេលមួយសប្តាហ៍យ៉ាងយូរចំពោះលទ្ធផលយ៉ា ងណាៗនោះយើងរង់ចាំការដោះស្រាយរបស់សាលារាជធានីភ្នំពេញ។សូមជម្រាបថានៅក្នុងញ្ញាតិទាមទារ សិទ្ធិលំនៅដ្ឋាននោះក៏បានបង្ហាញពីតួរលេខប្រជាជនចំនួនមួយពាន់លាននាក់នៅលើពិភពលោកកំពុងរង ការគំរាមកំហែងនិងរស់នៅក្នុងល័ក្ខខ័ណ្ឌដ៏លំបាកដោយសារតែការវិនិយោគលើផ្នែកហិរញ្ញវត្ថុដ៏ធំអចលន ទ្រព្យសង្គមសេដ្ឋកិច្ចការរើសអើងពូជសាសន៍សង្គ្រាមនិងគ្រោះធម្មជាតិជាដើម។
ដោយឡែកប្រជាពលរដ្ឋនៅរាជធានីភ្នំពេញច្រើនជាង១០ភាគរយត្រូវបានជម្លៀសចេញពីលំនៅដ្ឋានរបស់ ពួកគេក្នុងរយៈពេលពីទសវត្សរ៍ចុងក្រោយនេះ។មួយផ្នែកទៀតប្រជាពលរដ្ឋនៅតាមតំបន់ជនបទច្រើន ជាង៤០០,០០០នាក់ទទួលផលប៉ះពាក់ដោយសារវិវាទដីធ្លីចាប់តាំងពីឆ្នាំ២០០៣មកនិងដោយសារតម្លៃ ដីធ្លីឡើងថ្លៃធ្វើឲ្យប្រជាពលរដ្ឋចំនួន១៥០,០០០នាក់នៅភ្នំពេញគ្មានទីជម្រក។
គួរបញ្ជាក់ផងដែរថាការជួបជុំគ្នានោះ គឺក្រុមសកម្មជនដីធ្លីនិងសង្គមស៊ីវិលធ្វើឡើងដោយមិនមានការឯក ភាពពីអាជ្ញាធរសាលារាជធានីភ្នំពេញឡើយបើទោះបីអាជ្ញាធរតម្រូវឲ្យក្រុមសកម្មជនដីធ្លីនិងសង្គមស៊ីវិល ទាំងនោះប្រារព្ធទិវាសិទ្ធិលំនៅដ្ឋានពិភពលោកនៅទីស្នាក់ការអង្គការសមាគមដោយមិនអនុញ្ញាតឲ្យធ្វើនៅ វត្តភ្នំឬទីលានប្រជាធិបតេយ្យឡើយ៕ដោយ៖ ស.ស្អាត