ភ្នំពេញ៖ ព្រះមហាក្សត្រ សម្តេចព្រះបរមនាថ នរោត្តម សីហមុនី ទ្រង់ត្រាស់បង្គាប់ សម្រេចបង្កើតខេត្តត្បូងឃ្មុំ ដោយកាត់យកក្រុងចំនួន១ និងស្រុកចំនួន៦ ពីខេត្តកំពង់ចាម គឺក្រុងសួង ស្រុកត្បូងឃ្មុំ ស្រុកអូររាំងឪ ស្រុកក្រូចឆ្មារ ស្រុកពញាក្រែក និងស្រុកមេមត់។ ព្រះរាជក្រឹត្យ នេះ បានធ្វើឡើង តាមការទូលថ្វាយរបស់នាយករដ្ឋមន្ត្រី ។
.jpg)
ព្រះរាជក្រឹត្យរបស់ព្រះមហាក្សត្រ ស្តីពីការបង្កើតខេត្តថ្មីនេះ ចុះថ្ងៃទី៣១ ខែធ្នូ ឆ្នាំ២០១៣ ហើយបានផ្សព្វផ្សាយដល់អ្នកកាសែត នៅថ្ងៃទី៨ ខែមករា ឆ្នាំ២០១៤។ការបង្កើតខេត្តត្បូងឃ្មុំ បានធ្វើឡើង នៅប៉ុន្មានខែ មុនការបោះឆ្នោត អាណត្តិទី២ នៃការជ្រើសតាំងសមាជិកក្រុមប្រឹក្សាខេត្តរាជធានីក្រុងស្រុកខណ្ឌដែលនឹងធ្វើឡើង នៅថ្ងៃទី១៨ ខែឧសភា ឆ្នាំ២០១៤។ បូករួមទាំងខេត្តថ្មីនេះ កម្ពុជា នឹងមានខេត្តចំនួន២៤ រាជធានី១៕ ដោយ៖ស.ស្អាត