អ៊ីរ៉ាក់៖ កាលពីថ្ងៃពុធម្សិលមិញ ការបំផ្ទុះគ្រាប់បែកក្នុងឡានចំនួន ៦គ្រឿងនៅក្នុងទីក្រុងបាដាត ប្រទេស
អ៊ីរ៉ាក់បានឆក់យកជីវិតមនុស្សយ៉ាងហោចណាស់ ៣៣នាក់។ មន្រ្តីប៉ូលីសបានអះអាងថា ការបំផ្ទុះគ្រាប់
បែកក្នុងឡាន ចំនូន ២គ្រឿងគឺបានផ្ទុះឡើងនៅក្នុងតំបន់អភិវឌ្ឍន៍បៃតងស្ថិតនៅក្បែរក្រសួងការបរទេស ចំណែកការបំផ្ទុះគ្រាប់បែកមួយកន្លែងផ្សេងទៀតគឺបានផ្ទុះឡើងនៅក្នុងតំបន់​ Khilani ស្របពេលដែល ការបំផ្ទុះគ្រាប់បែកក្នុងឡានចំនួន ៣គ្រឿងផ្សេងទៀតគឺបានផ្ទុះឡើងនៅភាគអាគ្នេយ៍នៃទីក្រុងបាដាត។
គួរបញ្ជាក់ផងដែរថា បញ្ហាអំពើហឹង្សានៅក្នុងប្រទេសនេះគឺបានផ្ទុះឡើងតាំងតែពីឆ្នាំមុនមកម្លេះ រវាងពួក
សកម្មប្រយុទ្ធ al-Qaeda និងពួក Shia។ គួររំលឹកផងដែរថា កាលពីថ្ងៃអង្គារកន្លងមក ការបាញ់គ្រាប់រ៉ាកែត
ចំនួន ២ គ្រាប់នៅក្នុងតំបន់បៃតងបានឆក់យកជីវិតមនុស្សយ៉ាងហោចណាស់ ៧នាក់ ចំណែកការបំផ្ទុះ
គ្រាប់បែកកាលពីថ្ងៃច័ន្ទវិញបានឆក់យកជីវិតមនុស្សចំនួន ២៣នាក់។ ដោយ៖ តុលា