ភ្នំពេញ៖មានមនុស្សប្រមាណ៥០០នាក់មកពីពាសពេញពិភពលោកដែលធ្វើការពាក់ព័ន្ធវិស័យប្រេងបរិស្ថាននិងចង្ក្រានចម្អិនអាហារបានមកជួបជុំគ្នានៅក្នុងវេទិកាចង្ក្រានអនាម័យការពារបរិស្ថាន(The Clean Cooking Forum) ២០១៣នៅរាជធានីភ្នំពេញប្រទេសកម្ពុជា។
ជាទូទៅក្នុង១ថ្ងៃមានមនុស្សប្រមាណ៣ពាន់លាននាក់នៅលើពិភពលោកបានចម្អិនអាហារដោយប្រើអុសធ្យូងនិងវត្ថុដុតរឹងដទៃទៀត។បញ្ហាសុខភាពនិងបរិស្ថានដែលបណ្តាលមកពីវិធីចម្អិនអាហារមិនមានប្រសិទ្ធភាពនិងចីរភាពនេះបណ្តាលឱ្យមនុស្ស៤លាននាក់ស្លាប់ជារៀងរាល់ឆ្នាំជាពិសេសស្ត្រីនិងកុមារទទួលរងនូវផលប៉ះពាល់នេះខ្លាំងជាងគេ។
ដោយសារតែហេតុនេះទើបក្រុមអ្នកធ្វើការពាក់ព័ន្ធវិស័យប្រេងបរិស្ថាននិងចង្ក្រានចម្អិនអាហារនេះប្រមាណជា៥០០នាក់មកពីបណ្តាប្រទេសជាច្រើននៅលើពិភពលោកបានជួបជុំគ្នានៅក្នុងវេទិកាចង្ក្រានអនាម័យការពារបរិស្ថាន(The Clean Cooking Forum) ២០១៣ដែលប្រារព្ធធ្វើឡើងរយៈពេល៥ថ្ងៃនៅសណ្ឋាគារភ្នំពេញពីថ្ងៃទី១៨ដល់២២មីនា២០១៣។រួមមានមន្ត្រីរដ្ឋាភិបាលអង្គការក្រៅរដ្ឋាភិបាលពាណិជ្ជករអ្នកផលិតប្រេងចង្ក្រានចម្អិនអាហារអ្នកលក់រាយអ្នកអនុវត្តគម្រោងអ្នកជំនាញផ្នែកសេដ្ឋកិច្ចបរិស្ថាននិងសុខភាពពិភពលោកអ្នកវិនិយោគទុនអ្នកស្រាវជ្រាវតន្ត្រីករនិងចុងភៅ។
អ្វីដែលធ្វើឲ្យអ្នកទាំងនោះចូលរួមពិភាក្សានិងធ្វើការងាររួមគ្នានាពេលនេះគឺដើម្បីបង្កើតទីផ្សារពិភពលោកមួយសម្រាប់វត្ថុដុតនិងចង្ក្រានអនាម័យការពាររបរិស្ថាន(Clean Cook stoves)។
វេទិកានេះរៀបចំដោយសម្ព័ន្ធពិភពលោកចង្ក្រានអនាម័យមិនបំពុលបរិស្ថាន(GACC) ដែលជាអង្គការដៃគូសាធារណៈនិងឯកជនដឹកនាំដោយមូលនិធិអង្គការសហប្រជាជាតិដែលបង្កើតឡើងដោយអតីតរដ្ឋមន្ត្រីការបរទេសសហរដ្ឋអាមេរិកលោកស្រីហ៊ីលឡារីគ្លីនតុន។
ឆ្នាំនេះព្រះរាជាណាចក្រឪឲកម្ពុជាបានត្រូវគេជ្រើសរើសជាម្ចាស់ផ្ទះនៃវេទិកានេះដោយសារតែមានទីផ្សារចង្ក្រាននិងវត្ថុសម្រាប់ដុត៕
