West Belfast៖ សារព័ត៌មានក្នុងទីក្រុង West Belfast បានអោយដឹងថាគ្រោះថ្នាក់ចរាចរណ៍មួយបានកើត
ឡើងនៅតាមបណ្តោយផ្លូវជាតិ Falls ត្រង់ចំនុចប្រសព្វមហាវិថី Beechmount ដែលបានបណ្តាលអោយ
មនុស្ស ១០នាក់បានទទួលរងរបួសក្នុងហេតុការណ៍នោះ។ ប៉ូលីសចរាចរណ៍បានប្រាប់អោយដឹងថា
មានឡានយ៉ាងហោចណាស់ ៥គ្រឿងហើយក្នុងចំណោមឡានទាំង ៥គ្រឿងនោះមានឡាន ២គ្រឿង ជាឡានតាក់ស៊ី គឺបានទាក់ទិននឹងគ្រោះថ្នាក់ចរាចរណ៍នោះ។
មហាវិថី Beechmount ត្រូវបានស្ទះកកកុញយ៉ាងខ្លាំងនៅពេលដែលមានគ្រោះថ្នាក់កើតឡើងហើយប៉ូលីស បានប្រាប់ដល់អ្អ្នកជិះម៉ូតូអោយជិះចេញពីទីនោះភ្លាមៗដើម្បីបញ្ចៀសការស្ទះចរាចរណ៍ថែមទៀត។ គ្រោះថ្នាក់ចរាចរណ៍បានកើតឡើងប្រហែលជាម៉ោង ១០នឹង៣០នាទីកាលពីថ្ងៃសុក្រនេះ។ សាក្សីឃើញ ផ្ទាល់ភ្នែកបានប្រាប់អោយដឹងថា គាត់បានឃើញឡានមួយបានបុកពីក្រោយគូទឡានតាក់ស៊ីនោះដែល ជាហេតុធ្វើអោយឡានតាក់ស៊ីនិងឡានដទៃទៀតបានបុកគ្នាជាបន្តបន្ទាប់។ មនុស្សម្នាក់នៃពួកគេត្រូវបាន
គេជូនទៅសង្រ្គោះបន្ទាន់ភ្លាមៗ រីឯមនុស្ស ៩នាក់ទៀតត្រូវបានបញ្ជូនទៅតាមក្រោយ។
ប៉ូលីសបានអោយដឹងថា មនុស្ស ៣នាក់នៃពួកគេរងរបួសធ្ងន់។ ដោយ៖ តុលា