ខេត្តបន្ទាយមានជ័យ៖ យ៉ាងណាស់មនុស្សចំនួន៣នាក់ត្រូវបានស្លាប់ ដោយសារលង់ទឹកស្រះនៅកន្លែងផ្សេងគ្នា ក្នុងខេត្តបន្ទាយមានជ័យ។យោងតាមរបាយការណ៏របស់ស្នងការដ្ឋាននគរបាលខេត្តបន្ទាយមានជ័យ បានឲ្យដឹងនៅព្រឹកថ្ងៃទី១៩ ខែកញ្ញា ឆ្នាំ២០១៣នេះថា នៅថ្ងៃទី១៧ ខែកញ្ញា ឆ្នាំ២០១៣ នេះមានមនុស្សស្លាប់រហូតដល់ទៅ៣នាក់ក្នុងរយៈពេលមួយថ្ងៃ។ ករណីទី១- នៅវេលាម៉ោង៤និង១០នាទីល្ងាចថ្ងៃទី១៧ ខែកញ្ញា ឆ្នាំ២០១៣ នៅភូមិចុងគោកឃុំតាឡំស្រុកមង្គលបូរីខេត្តបន្ទាយមានជ័យ មានបុរសចំណាស់ម្នាក់ឈ្មោះ សួ សាន អាយុ៥៥ឆ្នាំ ត្រូវគេប្រទះឃើញសាកសពស្លាប់ ដោយសារលង់ទឹកនៅវាលស្រែខាងជើងភូមិចម្ងាយ១៥០ម៉ែត្រ។ តាមការឲ្យដឹងពីនគរបាលស្រុកមង្គឡបូរីបានឲ្យដឹងថា៖ មុនពេលកើតហេតុបុរសចំណាស់បានដើរទៅដោះមងនៅចំណុចកើតហេតុបន្ទាប់មកក៏មានក្មេងប្រុសម្នាក់បានជិៈទូកទៅមើលមងតាមក្រោយពេលទៅដល់កន្លែងដាក់មងស្រាប់តែឃើញមួកនិងទ្រុងដាក់ត្រីអណ្តែតមិនឃើញមនុស្សមានការសង្ស័យក៏ចែវទូកទៅមើលស្រាប់តែឃើញសពបុរសចំណាស់ស្លាប់ដោយសាច់មងរុំជើងរួចក៏ចែវទូកមកប្រាប់សាច់ញាតិទៅមើលនិងយកសពមកធ្វើបុណ្យតាមប្រពៃណី។ទី២-នៅវេលាម៉ោង២និង៤០នាទីថ្ងៃទី១៧ដដែលមានបុរសម្នាក់ឈ្មោះ ហយ ហឿនអាយុ៣០ឆ្នាំនៅភូមិសូភី ឃុំសូភី ស្រុកអូរជ្រៅ ខេត្តបន្ទាយមានជ័យ បានស្លាប់ដោយសារលង់ទីកស្រះនៅខាងក្រោយប៉ុស្តិ៍នគរបាលរដ្ឋបាលសូភីចម្ងាយ៥០ម៉ែត្រ។
តាមការឲ្យដឹងពីលោកនាយប៉ុស្ត៏នគរបាលរដ្ឋបាលសូភីបានឲ្យដឹង នៅព្រឹកថ្ងៃទី១៩នេះថា ជនរងគ្រោះជាមនុស្សកើតជម្ងឺស្កន់ជាន់។ នៅថ្ងៃកើតហេតុជនរងគ្រោះបានចុះទៅក្នុងទឹកស្រះដើម្បីបេះព្រលឹតយកមកស្លហូបចៃដន្យជម្ងឺស្កន់រើឡើងវិញ គ្មាននរណាដឹងក៏លង់ទឹកស្លាប់តែម្តងសពត្រូវបានប្រគល់ជូនក្រុមគ្រួសារយកចាត់ចែងធ្វើបុណ្យតាមប្រពៃណី។ មួយករណីទៀតនៅភូមិតាវងឃុំពន្លៃស្រុកភ្នំស្រុកទី៣- នៅវេលាម៉ោង៧យប់នាថ្ងៃដដែល មានគេបានប្រទះឃើញសពបុរសចំណាស់ម្នាក់បានលង់ទឹកប្រឡាយស្លាប់ចម្ងាយពីភូមិ៥០០ម៉ែត្រ។បុរសចំណាស់នោះឈ្មោះ ស៊ុត ញ៉ាញ់ អាយុ៦០ឆ្នាំ នៅភូមិកើតហេតុខាងលើមុនពេលកើតហេតុជនរងគ្រោះស្រវឹងស្រាហើយចុះដើរទៅងូតទឹកប្រឡាយតែម្នាក់ឯងក៏លង់ទឹកស្លាប់តែម្តងសពជនរងគ្រោះ ត្រូវបានប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណីហើយផងដែរ៕ ដោយ៖ អភិរក្ស