រាជធានីភ្នំពេញ៖ បើយោងតាមរបាយការណ៍អគ្គស្នងការនគរបាលជាតិ កាលពីថ្ងៃទី១៨ ខែកញ្ញា ឆ្នាំ២០១៣ មានគ្រោះថ្នាក់ចរាចរណ៍ ដែលបានកើតឡើងនៅទូទាំងប្រទេសចំនួន៩លើក (យប់ ០៥លើក), ដែលមានមនុស្សស្លាប់ ម្នាក់និង២០នាក់ទៀតរងរបួសធ្ងន់ស្រាល។គ្រោះថ្នាក់ចរាចរណ៍ បានបង្កឲ្យខូចខាតយានយន្តសរុប១៥គ្រឿង ក្នុងនោះម៉ូតូ១១គ្រឿង , រថយន្តធុនតូច៣គ្រឿង, យានផ្សេងៗចំនួន១គ្រឿង និងថ្មើរជើងម្នាក់ផងដែរ។ ប្រភពខាងលើបានឲ្យដឹងបន្តទៀតថា មូលហេតុដែលបណ្តាលឲ្យមានគ្រោះថ្នាក់កើតឡើង គឺមកពីល្បឿន៧លើក, មិនគោរពសិទ្ធិ១លើក, ប្រើងភ្លើងហ្វាខុស ១លើក, ក្នុងនោះជិះម៉ូតូគ្រោះថ្នាក់មិនពាក់មួក ៩នាក់ (យប់៦នាក់)។
.jpg)
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី១៨ ខែកញ្ញា ឆ្នាំ២០១៣នេះ មានចំនួន ៣០៩គ្រឿង គឺរថយន្តទេសចរណ៍ ១៦គ្រឿង, រថយន្តដឹកអ្នកដំណើរធុនតូច ៧៩គ្រឿង , រថយន្តដឹកអ្នកដំណើរធុនធំ៥គ្រឿង , រថយន្តដឹកទំនិញធុនតូច ១៣៥គ្រឿង និង រថយន្តដឹកទំនិញធុនធំ៧៤គ្រឿង ។រថយន្តទាំងអស់ខាងលើបានបង់ប្រាក់ពិន័យរួចរាល់ នៅអធិការដ្ឋាននគរបាលស្រុក ១៩គ្រឿង, ស្នងការដ្ឋាននគរបាល ខេត្ត-ក្រុង២៩០គ្រឿង ។ ដោយ៖ អភិរក្ស