ភ្នំពេញ:មន្ត្រីជាន់ខ្ពស់រដ្ឋាភិបាលបានអះអាងថា ការរៀបចំបញ្ជីគណៈរដ្ឋមន្ត្រីសម្រាប់អា​ណត្តិទី៥នេះ មិនទាន់​​ចេញជាផ្លូវការទេហើយលោកក៏មិនបានដឹងថា មានការបង្ហោះ​ បញ្ជីឈ្មោះក្រៅផ្លូវការ​នេះតាម​បណ្តាយ​ទំនាក់​​ទំនងសង្គមFacebookដែរ ។​ ​

ឯកឧត្តម ជាម យៀប ប្រធានគណៈកម្មាធិការហិរញ្ញវត្ថុ ធនាគារ និងសវនកម្មនៃរដ្ឋសភាបានប្រាប់ទូរទស្សន៍​​ហង្ស មាសនៅថ្ងៃទី​១៨​ខែ​កញ្ញា​ថា បញ្ជីឈ្មោះគណៈរដ្ឋមន្ត្រីអាណត្តិថ្មីនេះ មិនទាន់បានរៀបចំនៅឡើយទេ​។​​​​​​​ ​​ឯកឧត្តម បញ្ជាក់ថា ឯកឧត្តមមិនបានដឹងពីការបង្ហោះ​បញ្ជីឈ្មោះគណៈរដ្ឋមន្ត្រី​ថ្មីតាមបណ្តាយ​ទំនាក់ទំនង​​​​សង្គម​​​​Facebookនោះដែរ។ការអះអាងរបស់ មន្ត្រីរដ្ឋាភិបាលនេះធ្វើឡើង បន្ទាប់ពីបណ្តាយទំ​នាក់ទំនងស​ង្គ​ម​​​​​Facebook​​​​​និងគេហទំព័រក្នុងស្រុកចុះផ្សាយថា មានការបែកធ្លាយបញ្ជីឈ្មោះគណៈរដ្ឋថ្មីសម្រាប់អាណត្តិទី៥​។​​យោងតាមបញ្ជីក្រៅផ្លូវការ ស្ដីពីការ តែងតាំងឧបនាយករដ្ឋមន្ដ្រី ទេសរដ្ឋមន្ដ្រី រដ្ឋមន្ដ្រី និងរដ្ឋលេខាធិការ នៅ​​​​តាម​ស្ថាប័ន រដ្ឋ បានបង្ហាញអោយឃើញថា មានការផ្លាស់ប្ដូរ រដ្ឋមន្ដ្រីមួយចំនួន ខណៈដែលរដ្ឋលេខាធិការ ​ក៏​​​ត្រូវបានតែងតាំងបន្ថែមនៅតាមក្រសួង ទាំ​ង​នោះផងដែរ ។យោងតាមបញ្ជី ឈ្មោះទាំងនេះ ឧបនាយក រដ្ឋ​មន្ដ្រី​ ​មានចំនួន៩រូប ដូចអាណត្ដិទី៤ ដែរ រួមមានឯកឧត្តម ស ខេង ឯកឧត្តមសុខ អាន ឯកឧត្តមទៀ បាញ់ ឯក​ឧត្តម​​​គាត ឈន់ ឯកឧត្តម ហោ ណាំហុង លោកជំទាវ មែន សំអន ឯកឧត្តម ប៊ិន ឈិន ឯកឧត្តមយឹម ឆៃលីនិង​ឯក​​​​ឧត្តម កែ គឹមយ៉ាន ។ ដោយឡែកទេសរដ្ឋមន្ដ្រី ទទួល បន្ទុកបេសកកម្មពិសេស មានចំនួន១១រូប រួមមាន ឯក​​​ឧត្តម ញឹម វណ្ណដា ឯកឧត្តម ឃុន ហាំង ឯកឧត្តម លី ធុជ ឯកឧត្តម ច័ន្ទ សារុន ឯកឧត្តម ឱម យ៉ិនទៀង ឯក​​​ឧត្តម​ អៀង ម៉ូលី ឯកឧត្តម វ៉ា គឹម ហុង ឯកឧត្តម យឹម ណុលឡា ឯកឧត្តម សេរី កុសល ឯកឧត្តម ហ៊ឹម ឆែម​និង​​​​ឯកឧត្តម  ជិន ប៊ុនសៀន។យ៉ាងណាក៏ដោយ នេះគ្រាន់តែជាបញ្ជីឈ្មោះនៃការតែងតាំងក្រៅផ្លូវការប៉ុណ្ណោះ​​​ស​​ម្រាប់​ អាណត្ដិទី​៥ ​៕ ដោយៈគង់ រតនា​ ​