ភ្នំពេញ៖ រាជរដ្ឋាភិបាលកម្ពុជា គ្រោងនឹងប្រើប្រាស់ប្រព័ន្ធគ្រប់គ្រងហិរញ្ញវត្ថុសាធារណៈ​តាម​ប្រព័ន្ធ​ព័ត៌មាន​វិទ្យា នៅឆ្នាំ២០១៥ខាងមុខនេះ ដើម្បីធានាការគ្រប់គ្រងប្រកបដោយ​គុណភាព តម្លាភាព ស្របតាមស្តងដា​អន្តរជាតិ។

        ថ្លែងក្នុងពិធីបើកវគ្គបណ្តុះបណ្តាលស្តីការបង្កើនការយល់ដឹងសម្រាប់ ការគ្រប់គ្រង​ហិរញ្ញ​វត្ថុ តាមប្រពន្ធ័​ព័ត៌មានវិទ្យានៅព្រឹកថ្ងៃទី១១ខែកញ្ញានេះ លោកញឹម ខេមរ៉ាអគ្គលេខាធិការង ក្រសួងសេដ្ឋកិច្ច និងហិរញ្ញវត្ថុ​បាន​លើកឡើងថា នៅ​ឆ្នាំ​២០១៥ ខាងមុខ​នេះ រាជរដ្ឋាភិបាល​នឹង​មាន​លទ្ធភាពដាក់ឲ្យប្រើ​ប្រាស់​​ប្រព័ន្ធព័ត៌មាន​វិទ្យា ដើម្បីធ្វើ​ការ​គ្រប់គ្រង​ហិរញ្ញវត្ថុ​របស់​រដ្ឋ ដែលជាប្រពន្ធ័ដ៏មានសារៈសំខាន់បំផុតក្នុងការ​អនុវត្តថវិកាជាតិ​ប្រកប​ដោយតម្លាភាព។កិច្ចខិតខំ​ប្រឹង​ប្រែងដើម្បី​ដាក់​ឲ្យ​ប្រើ​ប្រាស់​​​ប្រព័ន្ធព័ត៌មាន​វិទ្យា​នេះ គឺ​ស្ថិត​នៅក្នុង​កម្មវិធី​កែរ​ទម្រង់​​ហិរញ្ញវត្ថុសាធារណៈ​ដំណាក់​កាលទី១របស់រាជ​រដ្ឋាភិបាល ដើម្បី​ឲ្យ​មាន​ការ​​សន្សំ​សំចៃ  តម្លាភាព​បំបាត់​​អំពើ​ពុករលួយក្នុង​ការងារ​ប្រើប្រាស់​​ថវិការបស់រដ្ឋ។

លោកញឹម ខេមរ៉ា បញ្ជាក់ថារាជរដ្ឋាភិបាល​បាន​រៀបចំអស់​រយៈ​ពេល​៦​ឆ្នាំមកហើយដើម្បី​ឆ្ពោះ​ទៅ​​ប្រើ​​ប្រាស់​ប្រព័​ព័ត៌​មាន​​វិទ្យានេះ ខណៈដែលប្រទេសមួយចំនួននៅលើពិភពលោក​ដែលបានប្រើប្រាស់ប្រពន្ធ័​នេះទទួល​បានជោគជ័យនិងមានប្រសិទ្ធភាពក្នុងការគ្រប់គ្រង​ហិរញ្ញវត្ថុសាធារណៈនេះ។ភាពជោគជ័យនៃ​កំណែរទម្រងើ​នេះ អាស្រ័យទៅលើការចូលរួមខិតខំប្រឹងប្រែង និងការតាំងចិត្តប្រកបដោយឆន្ទៈខ្ពស់របស់ភាគីពាក់ព័ន្ទទាំង​អស់ ។ ក្រៅពីនេះក្រសួងសាម៉ី​នឹង​បំពាក់បំប៉នសមត្ថភាពចំនេះដឹងបន្ថែមដល់បណ្តាភាគីពាក់ព័ន្ធ ដើម្បីធានា​ឲ្យ​បាននូវអន្តរ​កាល​មួយដ៏រលូន និងទទួលបានជោគជ័យអតិប្បរមាក្នុងការអនុវត្តប្រព័ន្ធដ៏មានសារៈ​សំខាន់​នេះ។លោកសូហាចូស៊ី(SOHA CHOSY) ទីប្រឹក្សាគំរោងហិរញ្ញវត្ថុសាធារណៈនៃ អង្គការមូល និធិរូបីយវត្ថុ​អន្តរ​ជាតិ​IMF ប្រចាំតំបន់អាស៊ីខាងត្បូង និងអាស៊ីអាគ្នេយ៍មានប្រសាសន៍ថា នេះជាតំរូវការដ៏ចំបាច់របស់រាជរដ្ឋាភិ បាលកម្ពុជាក្នុងការអនុវត្តកិច្ចការនេះសំដៅធានាការ រៀបចំរបាយការណ៍ហិរញ្ញវត្ថុនានាបានប្រព្រឹត្តទៅ​ប្រកប​ដោយ​គុណភាព ដើម្បីបង្ហាញជូន រដ្ឋភា អង្គការសង្គមស៊ីវិលម្ចាស់ជំនួយនិងសាធារណៈជន ផ្សេងទៀតបាន​ដឹង។​

សូមបញ្ជាក់ថាការគ្រប់គ្រងហិរញ្ញវត្ថុតាមប្រពន្ធ័ព័ត៌មានវិទ្យានេះនឹងដាក់ឲ្យអនុវត្តនៅនាយកដ្ឋានគន្លឹះៗចំនួន​៧របស់ក្រសួងសេដ្ឋកិច្ចនិងហិរញ្ញវត្ថុក្នុងនោះមាននាយកដ្ឋានថវិកានាយកដ្ឋានហិរញ្ញ​កិច្ចនាយកដ្ឋាន​ហិរញ្ញ​វត្ថុ​មូល​​​ដ្ឋាននាយកដ្ឋានវិនិយោគនិងសហប្រតិបត្តិ​ការ​អន្តរជាតិនាយកដ្ឋានសវនកម្មផ្ទៃក្នុងអគារធិការ​និងអគ្គ​នា​យក​ដ្ឋានរតនាគារ​។​ដោយ​ឡែក​ រតនាគាររាជធានី\ខេត្តនឹងដាក់ឲ្យដំណើរការនៅដើមឆ្នាំ២០១៦ខាង​មុខនេះ៕

ដោយ ៖ សស្អាត