ប្រទេសប៉ាគីស្ថាន៖ កាលពីពេលថ្មីនេះ ក្រុមអ្នកចាក់់វ៉ាក់សាំងជំងឺទន់សរសៃយ៉ាងហោចណាស់ ១១នាក់គឺត្រួវបាន ជនមិនស្គាល់មុខមួយក្រុមបំផ្ទុះគ្រាប់បែកសំលាប់នៅភាគពាយព្យនៃប្រទេសប៉ាគីស្ថាន។ មន្រ្តីប៉ូលីសបានអះអាងថា ហេតុការណ៍បំផ្ទុះគ្រាប់បែកខាងលើនេះគឺបានផ្ទុះឡើងនៅត្រង់ចំណុចផ្លួវមួយកន្លែងនៃខេត្ត Khyber Pakhtunkhwa ស្ថិតនៅក្បែរព្រំប្រទល់ប្រទេសអាហ្កានីស្ថាន។ ប្រភពព័ត៌មានដំបូងបំផុតបានអោយដឹងថា បុគ្គលិកចាក់វ៉ាក់សាំងជំងឺ ទន់សរសៃខាងលើនេះគឺត្រួវបានគេវាយប្រហារដោយគ្រាប់បែកចំនួន ២គ្រាប់។ មន្រ្តីប៉ូលីសបានមានប្រសាសន៍បន្ត
ទៀតថា អ្នករងរបួសផ្សេងទៀតនៅក្នុងហេតុការណ៍បំផ្ទុះគ្រាប់បែកខាងលើនេះគឺត្រួវបានបញ្ជូនទៅមន្ទីរពេទ្យភ្លាមៗ។ សូមបញ្ជាក់ថា រហូតមកដល់ពេលនេះ មន្រ្តីប៉ូលីសគឺមិនទាន់បានដឹងនៅឡើយទេ ថានរណានៅពីក្រោយរឿងខាង
លើនេះ ក៏ប៉ុន្តែមន្រ្តីប៉ូលីសម្នាក់បានមានប្រសាសន៍ថា ពួកសកម្មប្រយុទ្ធតាលីបង់គឺតែងតែធ្វើការវាយប្រហារជារឿយ
មកលើបុគ្គលិកចាក់វ៉ាក់សាំងជំងឺទន់សរសៃ។ យោងតាមអង្គការសុខភាពពិភពលោកបានអោយដឹងថា តាំងតែពីខែ
ធ្នូ ឆ្នាំ២០១២ រហូតមកដល់ពេលនេះ បុគ្គលិកចាក់វ៉ាក់សាំងជំងឺទន់សរសៃចំនួន ៤០នាក់គឺត្រួវបានគេសំលាប់៕
ដោយ៖ តុលា