ភ្នំពេញ ៖​ មហាបាតុកម្មដែលប្រជាជនទូទាំងប្រទេសមានការព្រួយបារម្មណ៍យ៉ាងខ្លាំងបន្ទាប់ពីការ​បោះឆ្នោត​​ត្រូវ​​​​បាន​​​​បញ្ចប់កាលពីថ្ងៃទី២៨កក្កដាកន្លងមកនោះ។នៅព្រឹកនេះមហាបាតុកម្ម​បានចាប់​ផ្តើមហើយនិង​បាន​​ដំណើរ​​​​​​​ទៅ​ប្រកបដោយអហិង្សារលូនគ្មានបាតុភាពអ្វីគួរឲ្យកត់សម្គាល់នោះទេ។នៅព្រឹក​នេះដែរគេឃើញមហា​ជនឬបាតុករបាននាំគ្នាមកជួបជុំគ្នាតាំងពីម៉ោង៧ព្រឹកមកម្ល៉េះរហូត​ដល់ម៉ោង៩​ទើបលោកសមរង្សី​ប្រធាន​គណ​បក្សសង្រ្គោះជាតិឬជាមេបាតុករបានប្រកាស​ដំណើរការមហាបាតុកម្មដែលបានដាក់ឈ្មោះថា​ជាមហាបាតុកម្ម​អហិង្សា​ឬជាការស្មឹងស្មាតសមាធិបួងសួងសុំ​កុំឲ្យមានអំពើហិង្សានិងសុំឲ្យមានសន្តិភាព​ឬហៅម៉្យាងទៀតថា​ជា​ការទាមទារឲ្យមាន​ការបង្កើតគណៈកម្មការឯករាជមួយដើម្បីដោះស្រាយបញ្ហានៅក្រោយការបោះ​ឆ្នោតជ្រើស​តាំង​តំណាង​និតិការទី៥ឆ្នាំ២០១៣នៅកម្ពុជា។

នៅក្នុងមហាបាតុកម្មនេះគេសង្កេតឃើញមានការចូលរួមពីព្រះសង្ឃតិចតួចដែរក្រៅពីនោះមានប្រជាពលរដ្ឋ​កម្មករកម្មការនីរោងចក្រនិងអង្គការសង្គមស៊ីវិលមួយចំនួននៅក្នុងប្រទេសកម្ពុជា។ហើយ​មហាបាតុកម្មនេះត្រូវ​បានរំសាយជាបណ្តើៗបន្ទាប់សន្ទរកថាលោកកឹមសុខាអនុប្រធាន​គណបក្សសង្រ្គោះជាតិត្រូវបាន​បញ្ចប់នៅ​វេលា​​​​​​​ម៉ោងប្រហែលជា១០ព្រឹក។

ដោយឡែកលំនៅឋានប្រជាពលរដ្ឋកន្លែងលក់ដូរជាច្រើននៅជុំវិញបរិវេណទីលានប្រជាធិបតេយ្យដែលជា​កន្លែង​ ប្រារពមហាបាតុកម្មនោះត្រូវបានបិទទ្វារ។ជាមួយគ្នានេះគេឃើញធនាគារមួយចំនួននៅតាមបណ្តោយ​មហា​​វិថីសហព័ន្ធរ៉ូស៊ីក្បែរៗនោះក៏បានបិទទ្វារជា​បណ្តោះអាសន្នដែរនាព្រឹកនេះ។

មហាជនភាគច្រើនបានសម្តែងនូវការសប្បាយចិត្តចំពោះមហាបាតុកម្មដែលបានកើតឡើងនិងមាន​អ្នកចូលរួម​ប្រមាណជាជាង២ម៉ឺននាក់នោះបានប្រព្រឹត្តិទៅដោយរលូននិងគ្មានអំពើហិង្សាកើតឡើង។ពួកគាត់បាន​បង្ហាញ​ពីទស្សនថាប្រទេសកម្ពុជាបានអនុវត្តយ៉ាងត្រឹមត្រូវនូវលទ្ធិប្រជាធិបតេយ្យ​ដ៏ពេញលេញមួយ​ដែលមិននឹកស្មាន​ដល់​​​​​​​​និងបានបង្ហាញពីជំហរយល់ដឹងយ៉ាងល្អប្រសើររបស់ប្រជា​ជាតិមួយដែលមានវប្បធម៌អរិយធម៌​ជំនឿ​សាសនា​​​​​​​​​​​និង​​មាន​​ច្បាប់​ក្រម​កំពូលរបស់ខ្លួនយ៉ាងពិត​ប្រាកដពិសេសមើលឃើញពីឆន្ទៈជាតិនិយម៕

ដោយ ៖ សស្អាត