ភ្នំពេញ:ក្រសួងសុខាភិបាលអំពាវនាវអោយប្រជាពលរដ្ឋបង្កើនការប្រុងប្រយ័ត្នចំពោះជម្ងឺផ្តាសាយបក្សីអំឡុង​​​ពេលបុណ្យភ្ជុំបិណ្ឌ ព្រោះក្នុងឱកាសនេះពុទ្ធសាសនិកជនទាំងអ​ស់​ធ្វើ​ចង្ហាន់ទៅវត្ត ឬម្ហូបសម្រាប់ពិ សារតែង​​​​យក​សាច់​សត្វបក្សីមកធ្វើជាម្ហូបអាហារ ។​​​

អនុប្រធាននាយកដ្ឋានប្រយុទ្ធនិងជម្ងឺឆ្លងនៃក្រសួងសុខាភិបាល លោក វេជ្ជបណ្ឌិ​ត​ លី សុវណ្ណ បានមាន​​ប្រ​​​​​
សា​​​ស​​ន៍​​ថា ឆ្នាំនេះមានជម្ងឺផ្តាសាយបក្សីមានច្រើនប្រភេ​ទណាស់ បើប្រៀបធៀបឆ្នាំមុនៗមក ។​ 

ស​ម្រាប់​ឆ្នាំ​​​​២​០១៣នេះ លោកវេជ្ជបណ្ឌិតបា​​​ន​​បញ្ជាក់ថា ចាប់ពីខែមករា ដល់ខែកញ្ញានេះ មានករណីជម្ងឺផ្តា​​សាយបក្សី​​​​​រហូតដល់២០ករណី។ដូច្នេះ តាមរយៈការបង្ហាញតួលេខ​ដ៏ខ្ពស់នេះលោក​សូមរម្លឹកដល់​ប្រជាពល​​រដ្ឋត្រូវដឹង​​​​ថា ជម្ងឺដ៏កាចសាហាវនេះដៅតែបន្តរាត​ត្បាតលើហ្វូងបក្សីហើយឆ្លង​មកមនុស្សអាចបណ្តាល​អោយ​​ឈឺស្លាប់​​​​។​នៅពេលថ្មីៗនេះ ក្រសួងសុខាភិបាល​​កម្ពុជា និងអង្គការសុខភាពពិភពលោក​បានចេញផ្សាយសេច​​ក្តី​ប្រកស​​​​​ព័ត៌មានរួមគ្នាថា មានកុមា​រ​ក​ម្ពុជាចំនួន ២នាក់ទៀតហើយដែលបានឆ្លងជំងឺផ្តាសាយបក្សីH5N1។ នេះ​​ការ​រក​​​​​ឃើញករណីថ្មីទី១៩ និងទី២០ ដែលជំងឺផ្ដាសាយបក្សី​​កើតលើកុមារ ។​​​

តាមរយៈសេចក្តីប្រកាសព័ត៌មាននោះ ឯកឧត្តម ម៉ម ប៊ុនហេង រដ្ឋមន្ដ្រី ក្រសួងសុខាភិបាល បានមាន​ប្រ​​សា​​​​សន៍​​ថា ជំងឺផ្ដាសាយបក្សី H5N1 នៅតែបន្ដគំរាមកំហែងដល់សុខភាពប្រជាពលរដ្ឋកម្ពុជា និងកើត​​​​មាន​​​​​​​​​​ច្រើន​​​លើកុមារ ដែលជាអ្នកមាន ភាពងាយរងគ្រោះច្រើន និងមានហានិភ័យខ្ពស់។ខ្ញុំសូមអំពាវនាវ​​​​ដល់​ឪ​ពុកម្ដាយ ​​និងអ្នកថែទាំ កុមារទាំងអស់ ត្រូវថែទាំ កុមារជាពិសេស ដើម្បីធានាថាកុមារមិនលេងជា​​​​មួយ បសុ​បក្សី ឬកន្លែង​ ​មានប្រលាក់ដោយលាមក រោម ឬ កាកសំណល់ បសុបក្សី ។ ឪពុកម្ដាយ និងអ្នក​​​​​ថែ​ទាំ​កុមារទាំង អស់ ត្រូវ​ប្រា​​​កដថា កុមារលាងដៃជាមួយសាប៊ូមុនពេលបរិភោគ និង បន្ទាប់​ពីប៉ះ​ជាមួយ​​​​​​បសុបក្សី។ ដៃអាច​ប្រលាក់ដោយ​​​វីរុស ដែលវីរុសនេះ មិនអាចមើលឃើញ ដោយភ្នែកទទេដឹងទេ។ សាប៊ូ​​​​​​សម្លាប់ វីរុសដែលជាប់នៅដៃ។ ប្រសិន​​​​បើ​ពួកគេ មានដង្ហើមញាប់ ឬពិបាកដកដង្ហើម ត្រូវនាំកុមារទៅរកការ​​​​ ​ព្យាបាលជាបន្ទាន់ នៅគ្រឹះស្ថាន​សុខាភិ​​​​បាល ដែលនៅជិតផ្ទះ របស់លោកអ្នកបំផុត ហើយត្រូវប្រាប់ ម​ន្ដ្រី​​​​​​សុខាភិបាល អំ​​ពី​​ប្រវត្ដិប៉ះពាល់ជាមួយ សត្វ​​​បក្សីឈឺ ឬងាប់ ៕​​ ដោយៈ រតនា​ ​