ភ្នំពេញ៖ ការបើកញ្ចប់សុវត្តិភាព«ក»មួយចំនួនក្នុងខេត្តសៀមរាបបានបើកពិនិត្យនិងផ្ទៀងផ្ទាត់រួចរាល់ហើយនៅព្រឹកថ្ងៃទី៣០ខែសីហាឆ្នាំ២០១៣នេះ ដោយប្រើប្រាស់រយៈពេលប្រហែលជា២ម៉ោងនៅទីស្តីការ គ.ជ.ប ឃើញថា ចំនួន១២ការិយាល័យនេះមិនមានភាពខុសប្រក្រតីដែលធ្វើឲ្យប៉ះពាល់ដល់សម្លេងឆ្នោតគណបក្សនយោបាយធំៗទេក្នុងនោះមានទម្រង់១១០៨ក៏មិនបានប៉ះពាល់អ្វីដែរ។
តំណាងរាស្ត្រគណបក្សប្រជាជនកម្ពុជា លោក ស៊ិក ប៊ុនហុក បានឲ្យដឹងថាតាមការសង្កេត ពិនិត្យផ្ទៀងផ្ទាត់ មណ្ឌលខេត្តសៀមរាបចំនួន១២ការិយាល័យនេះមិនមានភាពខុសប្រក្រតី ដែលប៉ះពាល់ដល់ សម្លេងឆ្នោត គណបក្សនយោបាយធំៗទេក្នុងនោះមានទម្រង់១១០៨ក៏មិនបានប៉ះពាល់អ្វីដែរ។ ជម្រើសរបស់ក្រុមប្រឹក្សាធម្មនុញ្ញមិនអាចធ្វើទៅតាមអ្វី ដែលប្តឹងចង់យកសម្លេង គ្រប់ការិយាល័យ មកធ្វើការ ផ្ទៀងផ្ទាត់បានទេព្រោះពេលវេលាមិនអនុគ្រោះ។ ក្រុមប្រឹក្សាធម្មនុញ្ញចំរាញ់យកតែប៉ុន្មានការិយាល័យក៏គេអាចធ្វើកាសន្និដ្ឋានរួមនៅតាមខេតត្តនិមួយៗបាន។
លោក ស៊ិក ប៊ុនហុកបន្តថាការធ្វើការផ្ទៀងផ្ទាត់ចំនួនបីខេត្តមកពីនេះមិនបានធ្វើឲ្យ ប៉ះពាល់សន្លឹកឆ្នោតទេ ព្រោះ ការបើពិនិត្យផ្ទៀងផ្ទាត់នេះសុទ្ធតែបង្ហាញថាមិនមានការលួចបន្លំពីគណបក្សនយោបាយណាមួយទៅឲ្យគណបក្សនយោបាយណាផ្សេងទេ។
អ្នកតំណាងរូបនេះបានបញ្ញាក់ថាការពិនិត្យផ្ទៀងផ្ទាត់នៅក្នុងការិយាល័យចំនួន១២នៅមណ្ឌល ខេត្ត សៀម រាប នេះបានបង្ហាញគណបក្សប្រជាជនកម្ពុជាមានព្រៀបជាងគណបក្ស សង្គ្រោះជាតិ១១ការិយាល័យ ហើយ គណបក្សសង្គ្រោះជាតិមានព្រៀបលើគណបក្សប្រជាជនកម្ពុជាតែ១ការិយាល័យប៉ុណ្ណោះ។ ទោះបីជាគណបក្សប្រជាជនកម្ពុជាមានព្រៀបច្រើនក្តីនៅគ្រប់ការិយាល័យ ទំាងអស់សុទ្ធតែ មានការចុះ ហត្ថលេខា ពីតំណាងគ ណ: បក្សនយោបាយទាំងអស់ ដែលពេលខ្លះមាន៩នាក់បានចុះហត្ថលេខាហើយទាបបំផុតក៏មាន២នាក់ដែរ។
ទាក់ទងនិងការខុសរវាងទម្រង់មួយចំនួននៅតាមការិយាលមួយចំនួននៅខេត្តចំនួន៣ដែលបានធ្វើការផ្ទៀងផ្ទាត់រួច លោក ស៊ិក ប៊ុនហុកបានឲ្យដឹងថាការសុខនេះដោយសារតែមិនបានស្រង់សឡេងឆ្នោតរបស់គណបក្សនយោបាយតូចៗចូល។ហើយបែរជាយកសម្លេងឆ្នោតនេះទៅដាក់ក្នុងសន្លឹកឆ្នោតមិនបានការទៅវិញដូច្នេះបានធ្វើឲ្យខុស ប៉ុន្តែសម្លេងឆ្នោតរបស់គណបក្សធំៗដែលបានដកចេញពីប្រដាសមិនមានការប្រែប្រូល។
លោក ហ៊ឺ រ៉ុង ប្រធាននាយកដ្ឋានប្រតិបត្តិការគ.ជ.ប.បានឲ្យដឹងថាក្រោយពីការ បើកកញ្ចប់សុវត្ថិភាព«ក»ចំនួន១២ការិយាល័យនៅមណ្ឌលខេត្តសៀមរាប ធ្វើតាមសេចក្តី សម្រេចរបស់ក្រុមប្រឹក្សាធម្មនុញ្ញហើយការពិនិត្យផ្ទៀងផ្ទាត់ទិន្នន័យរបស់គណបក្សនយោបាយមិនមានផ្លាស់ប្តូរដូចលទ្ធផលបណ្តោះអាសន្នដែលគ.ជ.ប.បានផ្សព្វផ្សាយ។
លោកបន្តថាក្រុមប្រឹក្សាធម្មនុញ្ញអនុញ្ញាតឲ្យគ.ជ.ប.រៀបចំផ្ទៀងផ្ទាត់សម្លេង ឆ្នោតដូច្នេះអ្វីដែលគ.ជ.ប.ធ្វើនោះគឺធ្វើទៅតាមក្រុមប្រឹក្សាធម្មនុញ្ញ ហើយគ.ជ.ប.បាន អនុ ញ្ញាតឲ្យរៀបចំសណ្តាប់ធ្នាប់និងនីតិវិធីផ្ទៃក្នុងចំពោះការផ្ទៀងផ្ទាត់។ដូច្នេះគណបក្សនយោបាយមិនបានដឹងថាខ្ញុំជាម្ចាស់ផ្ទះនោះទេ ហើយអ្វីដែលខ្ញុំស្នើសុំនោះ គឺខ្ញុំឲ្យគាត់គោរព តាមនីតិវិធីនិងបទបញ្ជាផ្ទៃក្នុងដែលគាត់បានទទួល។ ប៉ុន្តែគាត់មិនគោរពបែរជាមិនឲ្យ ខ្ញុំមានយោបល់ទៅវិញ។
បើទោះជាការបើកនេះមិនមានភាពមិនប្រក្រតីយ៉ាងនេះក្តី លោក គួយប៊ុនរឿង តំណាងគណបក្សសង្គ្រោះជាតិបានសម្តែងនូវការខកចិត្តចំពោះការបើកកញ្ចប់«ក»នេះ។ដោយលោកលើកឡើងថាចំពោះការបើកកញ្ចប់សុវត្ថិភាព«ក» ដោយសារតែក្រុមប្រឹក្សាធម្មនុញ្ញមិនបានអនុវត្តតាមបំណងប្រាថ្នាករបស់គណបក្សសង្គ្រោះជាតិ ដែលបានដាក់ប្តឹងតវ៉ាទៅក្រុមប្រឹក្សាធម្មនុញ្ញ ។ប៉ុន្តែពេលនេះក្រុមប្រឹក្សាធម្មនុញ្ញសម្រេចឲ្យបានតែ១២ការិយាល័យក្នុងចំណោម២០០ការិយាល័យដែលគណបក្សលោកស្នើសុំឲ្យពិនិត្យ និងរាប់ឡើងវិញនោះ។
ការបើកញ្ចប់សុវត្ថិភាព«ក»ចំនួន១២ការិយាល័យនៅមណ្ឌលខេត្តសៀមរាបឃើញថាមានកញ្ចប់សុវត្ថិភាព«ក»ចំនួន៧ការិយាល័យមិនបានបិទកាវតាម នីតិវិធីរបស់ គ.ជ.ប. ។ ហើយការបើកកញ្ចប់សុវត្ថិភាព«ក»នេះមានការចូលរួមពី សមាជិក ក្រុមប្រឹក្សាធម្មនុញ្ញចំនួនបីរូបមាន សម្តេច ព្រះមហិស្សរា នរោត្តម ចក្រពង្ស់ លោក ពិត តំាងសាន និងលោក ស្រី ចែម វេយ្យរិទ្ធ ។
ក្រោយពីបើកញ្ចប់សុវត្ថិភាព«ក»ទំាង១២ការិយាល័យបានចប់តំណាងសមាជិកក្រុមប្រឹក្សាធម្មនុញ្ញទំាងបីរូបអង្គមិនអនុញ្ញាផ្តល់បទស្ភាសន៍ជាមួយអ្នកសារព័តមានទេដោយលើកឡើងថាមិនមែនតួនាទីជាអ្នកនំាពាក្យក្រុមប្រឹក្សាធម្មនុញ្ញ។
សូមបញ្ជាក់ថានៅថ្ងៃទី៣១ ខែសីហា ឆ្នាំ២០១៣ វេលាម៉ោង ៨និង៣០នាទីព្រឹក ក្រុមប្រឹក្សាធម្មនុញ្ញបើកសវនាការជាសាធារណៈលើប្តឹងតវ៉ាពីសេចក្តីសំរេចលទ្ធផល បណ្តោះអាសន្នរបស់គណៈកម្មាធិការជាតិរៀបចំការបោះឆ្នោតមណ្ឌលខេត្តក្រចេះ របស់គណបក្សសង្គ្រោះជាតិ៕
ដោយ៖ សស្អាត