បាត់ដំបង៖ តាមពាក្យបណ្តឹងរបស់ស្រី្តជាម្តាយក្មេងស្រីរងគ្រោះ កម្លាំងនគរបាលស្រុកកំរៀង បានឃាត់​ខ្លួន​
បុរស​ម្នាក់កាលពីវេលាម៉ោង ៣និង៣០នាទី រសៀលថ្ងៃទី១៤ ខែកក្កដា ឆ្នាំ២០១៣ នៅចំណុចគម្ពោតព្រៃ ក្នុង​
ភូមិដូង ឃុំបឹងរាំង ស្រុកកំរៀង ដោយជាប់ ចោទពីបទរំលោភសេពសន្ថវៈ លើអនីតិជន២នាក់ នាំយមមក
សាក​សួរ រួចកសាងសំណុំរឿង បញ្ជូនខ្លួនជនសង្ស័យ ទៅ ស្នងការខេត្ត កាលពីរសៀលថ្ងៃទី១៥ ខែកក្កដា
ឆ្នាំ២០១៣ ដើម្បីបញ្ជូនបន្ត ទៅតុលាការខេត្ត នៅរសៀលថ្ងៃទី១៥ ខែកក្កដា ឆ្នាំ ២០១៣ ដើម្បីចាត់ការ​បន្ត​
តាមច្បាប់។

នាយរងការិយាល័យ ព្រហ្មទណ្ឌកម្រិតធ្ងន់ នៃស្នងការនគរបាលខេត្ត លោក សេង លុច បានឲ្យដឹងថា ជន​
សង្ស័យ ដែលសមត្ថកិច្ចឃាត់ខ្លួន តាមពាក្យបណ្តឹងម្តាយជនរងគ្រោះមានឈ្មោះ ហែម សុផល ភេទប្រុស
អាយុ ៤៩ឆ្នាំ មុខរបរ កម្មករ មានទីលំនៅភូមិដូង ឃុំបឹងរាំង ស្រុកកំរៀង។ ចំណែកជនរងគ្រោះ មានចំនួន​
២នាក់ ទី១ មានអាយុ ៦ឆ្នាំ ទី២ មានអាយុ ៩ឆ្នាំ រស់នៅភូមិកើតហេតុ ជាមួយគ្នាខាងលើ។

នៅក្នុងរបាយការណ៍សមត្ថកិច្ច ជនរងគ្រោះបាននិយាយថា មុនពេលកើហេតុ ក្មេងៗដូចគ្នាបាននាំគ្នា រត់លេង​
ដីនៅ ជិតកន្លែងកើតហេតុ ហើយជនសង្ស័យ បានហៅក្មេងៗទាំងនោះ ឲ្យជួបនៅកៀនគម្ពោតព្រៃ ហើយបាន​
ចាប់ស្រាតខោ រួចយក ម្រាមដៃស្ទាបអង្អែល រុកប្រដាប់ភេទលេង ចំនួន២ដងម្នាក់ ឯម្នាក់ទៀត បានហៅមកជួប
ចាប់ស្រាតខោ ហើយដេកក្រាបពីលើ រំលោភម្នាក់ម្តងៗ ដោយបានប្រាប់ថា មិនឲ្យនិយាយប្រាប់គេទេ។ ដោយ​
សារតែក្មេងរងគ្រោះ មានការឈឺចាប់បខ្លាំង ទ្រាំមិនបាន ក៏បានស្រែកយំ រួចរត់ទៅប្រាប់ម្តាយឲ្យដឹងរឿង។
ក្រោយ​ពីម្តាយបានដឹងរឿងហើយ ក៏បានទៅប្តឹងមេភូមិ រួចមេ ភូមិរាយការណ៍ ជូនទៅប៉ុស្តិ៍នគរបាលឃុំ ដើម្បី​
ដាក់​ពាក្យបណ្តឹង ឲ្យជួយអន្តរាគមន៍។ បន្ទាប់ពីបាន ទទួលពាក្យបណ្តឹងហើយ សមត្ថកិច្ច
បានចុះធ្វើការឃាត់ខ្លួន នាំយកមកសាកសួរ។

ជនសង្ស័យ មិនបានឆ្លើយសារភាពទេ ដោយបានអះអាងថា ខ្លួនគ្រាន់តែហៅពួកវា មកជិះលើជើងខ្លួន យោល​
ទោង​លេងប៉ុណ្ណោះ ពេលយោលជើងលេងវារកធ្លាក់ ខ្លួនក៏បានយកដៃចាប់ទាញខ្លាចធ្លាក់ ហើយដៃក៏បាន ប៉ះ​
ប្រដាប់ភេទក្មេងទាំងនោះមែន តែត្រង់ថារំលោភនោះគឺខ្លួនមិនបានប្រព្រឹត្តទេ ព្រោះនៅកន្លែងកើហេតុ មាន​
មនុស្សជាច្រើនាក់ នៅទីនោះដែរ ម្យ៉ាងទៀតប្រដាប់ភេទខ្លួនអសមត្ថភាព មិនដំណើរការជាយូរមកហើយ គឺ​
គ្មាន​អារម្មណ៍ណាគិតដល់រឿងនឹងនោះទេ។

លោក សេង លុច បានបញ្ជាក់ថា ទោះជាជនសង្ស័យ បានបដិសេធ មិនព្រមសារភាពក៏ដោយ ផ្អែកលើសាក្សី
និងចម្លើយ ក្មេងស្រីរងគ្រោះ លោកព្រះរាជអាជ្ញា សាលាដំបូងខេត្ត និងលោកស្នងការខេត្ត បានបញ្ជា​ឲ្យការិ​យា​
ល័យ ជំនាញកសាង សំណុំរឿង បញ្ជូនខ្លួនជនសង្ស័យ ទៅតុលាការខេត្ត នៅរសៀលថ្ងៃទី១៦ ខែកក្កដានេះ
ដើម្បី​ចាត់ការតាមច្បាប់៕

ដោយ៖ ស-ស្អាត