ភ្នំពេញ៖ ក្រសួងកសិកម្មរុក្ខាប្រមាញ់និងនេសាទ ជំរុញឲ្យកសិករកែប្រែទំលាប់ពីការចិញ្ចឹមជ្រូកមាន់ទា ជាលក្ខណៈយថាផលទៅជាលក្ខណៈបច្ចេកទេស និងពាណិជ្ជកម្មវិញ ដើម្បីទទួលបានចំនូលខ្ពស់ ហើយអាចប្រកួតប្រជែងជាមួយប្រទេសជិតខាងបាន។
ថ្លែងនៅក្នុងសិក្សាសាលាស្តីពីខ្សែសង្វាគអាជីវកម្មជ្រូកនិងមាន់នៅព្រឹកថ្ងៃទី៤ ខែមីនា លោក កៅ ផលប្រធាននាយកដ្ឋានផលិតកម្ម និងបុសុព្យាបាលនៃក្រសួងកសិកម្មរុក្ខាប្រមាញ់ និងនេសាទ បានមានប្រសាសន៍ថា នេះជាយន្តការមួយរបស់រាជរដ្ឋាភិបាលដើម្បីឲ្យកសិករមានផលចំណេញខ្ពស់ក្នុងគោលដៅកាត់បន្ថយភាពក្រីក្ររបស់ប្រជាពលរដ្ឋ ហើយវាអាចប្រកួតប្រជែងទីផ្សារជាមួយបណ្តាប្រទេសផ្សេងៗក្បែរកម្ពុជាបាន។ ការពង្រឹងយន្តការបន្ថែមនេះបន្ទាប់ពីការស្រាវជ្រាវទៅលើអ្នកចិញ្ចឹមជ្រូក និងមាន់ នៅក្នុង១០ខេត្តជុំវិញបឹងទន្លេសាបបានបង្ហាញថា ការចិញ្ចឹមរបស់ពួកគាត់កុំពុង ជួបឧបសគ្គច្រើនដោយកង្វះបច្ចេកទេសជំនាញ តម្លៃធាតុចូលខ្ពស់ កង្វះទីផ្សារ និងការប្រកួតប្រ ជែងដ៏តានតឹងជាមួយជ្រូកនាំចូលដែលនាំឲ្យការចិញ្ចឹមពុំសូវទទួលបានផលចំណេញ។
លោកប្រធាននាយកដ្ឋានរូបនេះ បានបញ្ជាក់ថា ជាដំណោះស្រាយបន្ទាន់ក្រសួងនឹងពង្រឹងការផ្សព្វផ្សាយដល់ប្រជាកសិករនៅតាមមូលដ្ឋានឲ្យចេះពីបច្ចេកទេសនៃការចិញ្ចឹមទទួលបានទិន្នផលខ្ពស់ ដូចជា៖ ការជ្រើសរើសពូជ, ការថែទាំសុខភាព, និងការផលិតចំណី។ បើមិនដូច្នោះទេកសិករកម្ពុជានឹងជួបផល វិបាកច្រើន ខណៈលំហូទំនិញនឹងសេរីបន្ទាប់ពីអាស៊ានធ្វើសមាហរណកម្មរបស់ខ្លួននៅឆ្នាំ ២០១៥ ខាងមុខ។
លោក ឱម គឹមស៊ា រដ្ឋលេខាធិការក្រសួងកសិកម្ម រុក្ខាប្រមាញ់និងនេសាទមានប្រសាសន៍ថា ការងារផ្សព្វផ្សាយទាំងនេះដើម្បីឲ្យមានប្រសិទ្ធិភាពក្រសួងមិនអាចធ្វើតែឯកឯងបានទេ គឺកំពុងសការជា មួយក្រុមសង្គមស៊ីវិលនិងដៃគូអភិវឌ្ឍនានា ដើម្បីធានាឲ្យព័ត៌មានទាំងនេះបានទៅដល់ប្រជាកសិករ នៅទូទាំងប្រទេស។
លោកបន្តថា ការលើកកម្ពស់វិស័យចិញ្ចឹមសត្វឲ្យកាន់តែរីកចំរើន គឺជាចំនុចអាទិភាពក្នុងយុទ្ធសាស្ត្រចតុកោណរបស់រាជរដ្ឋាភិបាលអណត្តិទី៥នេះ ដើម្បីជំរុញឲ្យប្រជាកសិករកាន់តែទទួលបានចំណូលខ្ពស់ធ្វើឲ្យជីវភាពរស់នៅមានភាពល្អប្រសើរទៅមុខ។
បានបញ្ជាក់ថា របបគំហើញខាងលើនេះ គឺបានឆ្លុះបញ្ចាំងឲ្យឃើញពីអង្គសំខាន់ៗនៅក្នុងផលិតកម្មចិញ្ចឹមជ្រូក និងមាន់ ហើយអាចជួយដល់អ្នកអនុវត្តន៍គម្រោងអាជីវកម្មនេះរិះរកយុទ្ធសាស្ត្រយ៉ាងណាឲ្យអាជីវមិនអាចអនុវត្តបានសព្វជ្រុងជ្រោយ ក្នុងព្រះរាជាណាចក្រកម្ពុជាទាំងមូលដោយកម្មរបស់ខ្លួនកាន់តែទទួលបានចំណេញខ្ពស់ ជាពិសេសទៅទៀតនោះគឺអាចជួយដល់ប្រជាកសិករក្រីក្រឲ្យទទួលបានចំណូលខ្ពស់នៅក្នុងរបរចិញ្ចឹមមាន់ និងជ្រូក។
បើយោងតាមរបាយការណ៍នៅក្នុងឆ្នាំ២០១២កន្លងទៅ កសិករចិញ្ចឹមជ្រូកមានចំនួនជាង២លាន២សែនក្បាល កើនឡើង៥.២១ភាគរយលើសឆ្នាំ២០១១។ ប៉ុន្តែចំនួននេះនៅតែស្ថិតក្នុងកម្រិតទាបដែលតម្រូវឲ្យមានការនាំចូលពីបរទេសបន្ថែមរហូតដល់៣០ភាគរយទៀត ដើម្បីឲ្យឆ្លើយតបទៅនឹងតម្រូវការហូបចុកប្រចាំថ្ងៃរបស់ប្រជាពលរដ្ឋ៕ ដោយ៖ ភីនរ៉ា