ភ្នំពេញ៖ កម្ពុជាបានទទួលរងឥទ្ធិពលសម្ពាធទាបមានភ្លៀង និងខ្យល់ព្យុះចំនួន១៤៧លើក ដោយបានបំផ្លិច​
បំផ្លាញផ្ទះ និងទ្រព្យ​សម្បត្តិរបស់ប្រជាពលរដ្ឋអស់ជាច្រើនពាន់ខ្នង នឹងបានសម្លាប់មនុស្សចំនួន២៨នាក់ និង​
រង​របួសចំនួន​៩៥​នាក់ គិតត្រឹមរយៈពេល៧ខែឆ្នាំ២០១៣។

នាយកខុទ្ទកាល័យគណៈកម្មាធិការជាតិគ្រប់គ្រងគ្រោះមហន្តរាយ លោក កែវ វី បានឲ្យដឹងនៅថ្ងៃទី១៦ ខែ​
សីហា ឆ្នាំ២០១៣នេះថា ក្នុងរយៈពេល៧ខែដើមឆ្នាំ២០១៣នេះ កម្ពុជាបានទទួលរងនូវឥទ្ធិពលខ្យល់​ព្យុះ​
ចំនួន១៤៧លើក ដែលបានបំផ្លិចបំផ្លាញផ្ទះ របស់ប្រជាពលរដ្ឋ អស់ជាច្រើនពាន់ខ្នង ក្នុងនោះផ្ទះដែល​ត្រូវបាន
បំផ្លាញដោយខ្យល់ព្យុះ បោកបក់ឲ្យរលំទាំងស្រុងមានចំនួន១.៥៩៨ខ្នង ហើយផ្ទះដែល របើកដំបូល​ខូចខាត
មធ្យមមានចំនួន៦.១៤៥ខ្នង របើកដំបូលសាលារៀន៤៥អគារ។

លោកបន្តថា ក្នុងគ្រោះថ្នាក់ដែលបង្កឡើង ដោយខ្យល់ព្យុះនេះដែរ បានបណ្តាលឲ្យមនុស្ស ចំនួន២៨នាក់ស្លាប់
បាត់បង់ជីវិត និង៩៥នាក់បាន រងរបួសធ្ងន់ ដោយសារផ្ទះ និងដើមឈើរលំសង្កត់ពីលើ ហើយអ្នកស្លាប់ដោយ
គ្រោះ ធម្មជាតិ រន្ទះបាញ់វិញក្នុងរយៈពេលដូចគ្នានេះ មានចំនួន៩៣នាក់ស្លាប់ រងរបួសចំនួន៧២នាក់ និងងាប់​
គោ ក្របី ៤៦ក្បាលផងដែរ រីឯគ្រោះទឹកជំនន់វិញ អ្នកស្លាប់បានកើនដល់៩នាក់ហើយ។

នៅពេលមានផ្លេកបន្ទោរ ឬផ្គររន្ទះ ត្រូវអនុវត្តដូចវីធីសាស្រ្តមួយចំនួន គឺត្រូវបន្ទន់ខ្លួនដោយបញ្ឈរជង្គង់ទាំង​ពីរ​
ជិតគ្នានិងយកដៃខ្ទប់ត្រចៀក, ត្រូវរត់ចេញពីទឹក ឬស្រែ ,ទៅខាងក្នុងផ្ទះ ឬរត់ចូលផ្ទះ, ត្រូវបន្ទន់ ខ្លួនអោប​ក្បាល​
ជង្គង់ និងបិតត្រចៀក ទាំងសងខាងនៅក្រោមបង្គោលភ្លើង, ត្រូវដកឌុយដោតភ្លើង ឬឌុយទូរស័ព្ទ ដោយទុក
ចំងាយ១ម៉ែត្រពីប្រភព ចរន្តអគ្គិសនី, មិនត្រូវនិយាយទូរស័ព្ទនៅ ពេលឮសំឡេងផ្គរ, មិនត្រូវជិះម៉ូតូ ឬកង់, មិន​
ត្រូវអង្គុយក្នុងតង់ និងមិនត្រូវអង្គុយចំក្រោមដើមឈើ ត្រូវអង្គុយបន្ទន់ខ្លួនដោយរក្សាចំងាយ ៤ម៉ែត្រ ពីមែក
ឈើ។ 

សូមជ្រាបថា ចំពោះគ្រោះធម្មជាតិរន្ទះបាញ់នេះបានធ្វើឲ្យ ប្រជាពលរដ្ឋ មានការព្រួយបារម្ភ និងមានការភ័យ
ខ្លាច ជាខ្លាំង ព្រោះពីមួយឆ្នាំទៅមួយឆ្នាំ ចំនួនមនុស្សគ្រោះថ្នាក់ដោយសារគ្រោះធម្មជាតិរន្ទះបាញ់ នេះមានការ​
កើនឡើង ជាបន្តបន្ទាប់ ហើយមានសភាព កាចសាហាវផងដែរ។ ដើម្បីទប់ស្កាត់បញ្ហាគ្រោះធម្មជាតិ​រន្ទះបាញ់​
នេះ គណៈកម្មាធិការ ជាតិគ្រប់គ្រង គ្រោះមហន្តរាយ បានធ្វើការផ្សព្វផ្សាយអប់រំណែនាំដល់ ប្រជាសពលរដ្ឋឲ្យ​
បាន យល់ដឹងពីវិធីការពារខ្លួននៅពេលដែលមាន ភ្លៀងផ្គររន្ទះ ដូចជាកុំជ្រកក្រោមដើមឈើនៅពេលមានភ្លៀង
កុំធ្វើការ នៅទីវាល បិទទូរសព្ទ័ ឬទូរទស្សន៍ជាដើម។ ប្រជាពលរដ្ឋគួរតែទៅរកកន្លែងដែលមានសុវត្ថិភាព
ដោយ​ត្រូវជ្រកនៅ ក្រោមផ្ទះ គឺជាការប្រសើរព្រោះបើវាមានគ្រោះ ក៏មិនដូចនៅទីវាលដែរ៕

ដោយ៖ ស.ស្អាត