កំពង់ចាម៖ មន្ត្រីខណ្ឌរដ្ឋបាលជលផល និង កម្លាំងចម្រុះខេត្តកំពង់ចាមបានសហការជាមួយអាជ្ញាធរមូលដ្ឋាន
និងសហគមន៍នេសាទ ចុះបង្ក្រាបបទល្មើសនេសាទខុសច្បាប់ដោយរឹបអូសយកឧបករណ៍នេសាទខុសច្បាប់
ជាច្រើន និងធ្វើការបំផ្លាញចោល ព្រមទាំងលែងកូនត្រីចម្រុះជាច្រើនចូលក្នុងបឹងធម្មជាតិវិញផងដែរ។
នាយរងខណ្ឌរដ្ឋបាលជលផល កំពង់ចាម លោក ហ៊ីង សុផានណារិទ្ធ បានប្រាប់ឲ្យដឹង ក្នុងប្រតិបត្តិការបង្ក្រាប
បទល្មើសជលផលនោះថាគិតចាប់តាំងពីថ្ងៃទី៨រហូតថ្ងៃនេះ សមត្ថកិច្ចជលផល បានចុះបង្ក្រាបបទល្មើសក្នុង
ភូមិសាស្ត្រចំនួន៤ស្រុកក្នុងខេត្តកំពង់ចាមរួមមាន៖ ស្រុកកោះសូទិន,ស្រុកជើងព្រៃ,ស្រុកព្រៃឈរ និងស្រុកកង
មាស ។
លោកនាយរងខណ្ឌរដ្ឋបាលបន្តថា លទ្ធផលក្នងប្រតិបត្តការនេះមន្ត្រីជមនាញបានបង្ក្រាបដាយចំនួន៤មាត់
ដែលមានទំហំមាត់ចាប់ពី៨ម៉ែត្រគុណនិង៤ម៉ែត្រទៅ១៣ម៉ែត្របណ្តោយមានប្រវែងពី២០ម៉ែត្រ ទៅ៣២ម៉ែត្រ។
របាំងផ្ជិតព្រែកចំនួន៥កន្លែង ចុះរើព្រួលឬស្សីប្រវែង៩០ម៉ែត្រ របាំងសាច់អួនប្រវែង៤០ម៉ែត្រ លូស្បៃមុងចំនួន
១៥២មាត់ របាំងស្បៃមុងប្រវែង៧៥០០ម៉ែត្រ បង្គោលកូនឈើចំនួន១៤៨ដើម បង្គោលឬស្សីចំនួន១៥២០ដើម
និងចាក់លែងកូនត្រី ចម្រុះចំនួន៦១០គីឡូក្រាម។
ដោយឡែកទាក់ទិនទៅបទល្មើសនេសាទដើមឆ្នាំ២០១៣នេះ លោក គង់ ពុទ្ធារិទ្ធ នាយខណ្ឌរដ្ឋបាលជលផល
កំពង់ចាម បានឲ្យដឹងថា បទល្មើសនេសាទឆ្នាំនេះមានការថយចុះ បើធៀបទៅនឹងរយៈពេលដូចគ្នានៅឆ្នាំ
២០១២កន្លងទៅ។លទ្ធផលបង្ក្រាបគិតពីដើមឆ្នាំរហូតមកដល់ពេលនេះមានចំនួន៨២ករណី ក្នុងនោះលូស្បៃ
មុងមានចំនួន៧៧៦មាត់រួមផ្សំរបាំងស្បៃមុងមានប្រវែង៣២.៨៦០ម៉ែត្រ ដាយសាច់អួនចំនួន១០មាត់អួនស្បៃ
មុងចំនួន១មាត់ របាំងផ្ជិតព្រែកចំនួន៤៤កន្លែង មានប្រវែង៥១០ម៉ែត្រ សៃចំនួន៨០គ្រឿង រ៉ាវចំនួន១៧មាត់
រួមផ្សំរបាំងសាច់នីឡុងប្រវែង៥១០ម៉ែត បង្គោលកូនឈើ និងបង្គោលឬស្សីចំនួន ៥៩៣២ដើម
ចាក់លែងកូនត្រីចម្រុះចំនួន២៥៣០គីឡូក្រាម។
ក្នុងការអនុវត្តការងារបង្រ្កាបខាងលើនេះ លោកនាយខណ្ឌបានលើកឡើងពីផលលំបាក ជាច្រើនរួមទាំងខ្វះ
មន្ត្រីជាដើមដោយមន្ត្រីចាល់មួយចំនួនបានចូលនិវត្តន៍ និងខ្វះមធ្យោបាយសម្រាប់ចុះបង្ក្រាបបទល្មើសផងដែរ
ប៉ុន្តែបើទោះជាយ៉ាងនេះក្តី ក៏ស្ថាប័នរបស់លោក នៅតែពុះពារបំពេញភារកិច្ចបង្ក្រាបបទល្មើសនេសាទបានជា
ហូរហែរ។
លោក គង់ ពុទ្ធារិទ្ធ បានសំណូមពរដល់ប្រជានេសាទទាំងអស់ កុំប្រើប្រាស់ឧបករណ៍ខុសច្បាប់ កុំកាប់ព្រៃលិច
ទឹក និងកុំធ្វើការនេសាទក្នុងរដូវត្រីពងឬកូន(រដូវហាមឃាត់)និង ផ្តល់ព័ត៌មាន ដល់មន្រ្តីជំនាញឬអាជ្ញាធរមូល
ដ្ឋាននៅពេលឃើញឬជួបប្រទះការនេសាទខុសច្បាប់នៅន្លែងណាមួយ រួមគ្នាទប់ស្កាត់ និងឈានទៅលុប
បំបាត់បទល្មើសនេសាទទាំងស្រុង តាមអនុសាសន៍របស់ប្រមុខរាជរដ្ឋាភិបាល៕
ដោយ៖ ស.ស្អាត