ភ្នំពេញ៖ អូស្រ្តាលីបានក្លាយប្រទេសពេញនិយមមួយសម្រាប់សិស្សនិស្សិតកម្ពុជាទៅបន្តការសិក្សាលើគ្រប់
កំរិតចាប់ពីថ្នាក់មធ្យមសិក្សាដល់ថ្នាក់បណ្ឌិតរួមទាំងថ្នាក់សិក្សាកម្រិតបណ្តុះបណ្តាលវិជ្ជាជីវៈនិងជំនាញៗ
ផ្សេងៗទៀតជាច្រើន។
រយៈកាលជាង២០ឆ្នាំមកហើយដែលរដ្ឋាភិបាលអូស្រ្តាលីបានបើកទ្វារចំហរទទួលសិស្សនិស្សិតកម្ពុជាជា
ច្រើនពាន់នាក់បានទៅបន្តការសិក្សានៅប្រទេសនេះតាមរយៈសាកលវិទ្យាល័យនិងស្ថាប័នអប់រំជាង៤០
របស់ប្រទេសអូស្រ្តាលីទាំងការផ្តល់ជាអាហារូបករណ៍និងការសិក្សាបង់ប្រាក់។ ជាក់ស្តែងនៅព្រឹកថ្ងៃទី
២៣ខែកក្កដា ឆ្នាំ២០១៣នេះ សាកលវិទ្យាល័យនិងស្ថាប័នទាំងនោះបានចាត់បញ្ជូនអ្នកតំណាងរបស់ខ្លួន
មកប្រទេសកម្ពុជា(រាជធានីភ្នំពេញ) ដើម្បីបើកពិព័រណ៍អំពីការសិក្សានៅប្រទេសអូស្រ្តាលីរបស់ស្ថាប័នIDP
Education នៅសណ្ឋាគារអាំងទែកុងទីណង់តាល់។
លោកស្រីAlison Burrows ឯកអគ្គរដ្ឋទូតប្រទេសអូស្រ្តាលីប្រចាំព្រះរាជាណាចក្រកម្ពុជាបានលើកឡើងនៅក្នុង
កម្មវិធីពិព័រណ៍នោះថាដើម្បីលើកកម្ពស់សមត្ថភាពការអប់រំសមត្ថភាពភាសារអង់គ្លេសនិងវគ្គបណ្តុះបណ្តាល
ផ្សេងៗនោះជារៀងរាល់ឆ្នាំរដ្ឋាភិបាលអូស្រ្តាលីបានផ្តល់អាហារូបករណ៍ដល់សិស្សនិស្សិតកម្ពុជាចំនួន៤០០
នាក់។ ដោយឡែកIDP Education ក៏បានផ្តល់អាហារូបករណ៍ដល់សិស្សនិស្សិតកម្ពុជាចំនួន៥០នាក់ក្នុងមួយឆ្នាំ
បានទៅបន្តកាតសិក្សានៅទីនោះតាមរយៈអាហារូបករណ៍ថ្នាក់ក្រោមឧត្តម។
លោកស្រីឯកអគ្គរដ្ឋទូតបានចាត់ទុកថាតាមរយៈពិព័រណ៍អំពីការសិក្សានៅប្រទេសអូស្រ្តាលីនេះគឺជាវេទិការដ៏
ប្រសើរមួយសម្រាប់សិស្សានុសិស្សនិងអាណាព្យាបាលបានជួបដោយផ្ទាល់ជាមួយអ្នកតំណាងមកសាកល
វិទ្យាល័យនិងអ្នកផ្តល់សេវាកម្មផ្នែកអប់រំដែលមានកិត្យានុភាពនៅប្រទេសអូស្រ្តាលីពិសេសព័ត៌មានលំអិតនិង
ជម្រើសសម្រាប់ការសិក្សារបស់កូនៗ។លោកស្រីបន្តថាហេតុផលដែលប្រជាជនកម្ពុជាបញ្ជូនកូនចៅទៅរៀន
នៅប្រទេសអូស្រ្តាលីច្រើនទៅៗក្នុងមួយឆ្នាំ២នោះគឺការសិក្សាមានស្តង់ដាកម្រិតអន្តរជាតិជាមួយគ្នានោះរដ្ឋា
ភិបាលបានគិតគូរពីថ្លៃសាលានិងការស្នាក់នៅមានតម្លៃថោកជាងបើប្រៀបធៀបទៅនឹងប្រទេសផ្សេងៗម្យ៉ាង
ទៀតអ្នកទៅរៀននៅទីនោះទទួលបាននូវភាពឯករាជ្យម្ចាស់ការលើខ្លួនឯងដោយចេះបង្កើតថ្មីឆ្នៃប្រឌិតជា
លក្ខណៈជំនាញបច្ចេកទេសតែម្តងនិងមានសិស្សនិស្សិតមកពីបណ្តាប្រទេសជាច្រើនបានមកសិក្សានីទីនោះ។
លោកម៉ៅស្រេងនាយកIDP ប្រចាំប្រទេសកម្ពុជាបានឲ្យដឹងថានេះជាឱកាសពិសេសមួយដែលសិស្សនិស្សិត
កម្ពុជាកំពុងតែពិចារណាអមពីការសិក្សានៅក្រៅប្រទេស។មួយវិញទៀតស្របពេលដែលប្រទេសយើងធ្វើ
សមាហរណកម្មសេដ្ឋកិច្ចអាស៊ានឆ្នាំ២០១៥ជិតចូលមកដល់នោះការទទួលបានការអប់រំកម្រិតស្តង់ដាអន្តរ
ជាតិគឺជាអត្ថប្រយោជន៍មួយដែលមានអនុភាពដល់សិស្សនិស្សិតកម្ពុជាក្នុងការប្រកួតប្រជែងទីផ្សារការងារ
និងធានានូវសមត្ថភាពប្រកួតប្រជែងសម្រាប់អាជីពរបស់ពួកគាត់នាពេលអនាគត។លោកបានបន្តថានៅIDP
Educationនាឆ្នាំកន្លងទៅ(២០១២)មានសិស្សនិស្សិតកម្ពុជាប្រមាណជាង៤០០នាក់បានទៅសិក្សានៅIDP
ហើយក្នុងនោះក៏មានសិស្សនិស្សិតអាហារូបករណ៍ប្រមាណជា៤០ភាគរយផងដែរ។
លោកស្រីខ្វីនត្រាន(Mrs Quinn TRAN នាយកផ្នែកអន្តោប្រវេសន៍និងសញ្ជាតិរបស់ស្ថានទូតអូស្រ្តាលីប្រចាំ
ប្រទេសកម្ពុជាមានប្រសាសន៍ថាស្របពេលដែលមានការរៀបចំរួចជាស្រេចនូវការផ្តល់ទិដ្ឋាការជាមួយនឹង
សាកលវិទ្យាល័យនានានៅប្រទេសអូស្រ្តាលី យើងបានសង្កេតឃើញថាមានសិស្សនិស្សិតកម្ពុជាធ្វើការ
សម្រេចចិត្តទៅសិក្សាកើនឡើងគួឲ្តកត់សម្គាល់។លោកស្រីបន្តថាស្ថានទូតអូស្រ្តាលីមានការរីករាយក្នុងការ
ចូករួមជាមួយIDP ដើម្បីផ្តល់ព័ត៌មានជូនសិស្សនិស្សិត និងអាណាព្យាបាលឲ្យលោកបានយល់កាន់តែច្បាស់
អំពីអត្ថប្រយោជន៍នៃការបន្តកាសិក្សានៅប្រទេសអូស្រ្តាលីនេះ។
សូមបញ្ជាក់ថានៅក្នុងពិព័រណ៍អំពីការសិក្សានោះដែរគេឃើញមានសិស្សនិស្សិតកម្ពុជានិងអាណាព្យាបាលជា
ច្រើននាក់បានចូលរួមសួនាំលំអិតអំពីព័ត៌មានសំខាន់ៗគ្រប់យ៉ាងពីការទៅសិក្សាបន្តនៅប្រទេសអូស្រ្តាលី
នោះ។ IDP Education មានការិយាល័យជាង៨០នៅជាង៣០ប្រទេសជុំវិញពិភពលោកដែលត្រូវបានបង្កើត
ឡើងដោយសាកលវិទ្យាល័យនានានៅក្នុងប្រទេសនេះហើយបានជួយដល់សិស្សនិស្សិតកម្ពុជាឲ្យទៅសិក្សា
តាំងពីឆ្នាំ១៩៩៥មកម៉្លេះ។សព្វថ្ងៃIDP ក៏មានផ្តល់សេវាប្រឹក្សានិងដាក់ពាក់សិក្សានៅសហរដ្ឋអាមេរិក ណូវែល
ហ្សេឡង់ អង់គ្លេស និងកាណាដាដោយឥតគិតថ្លៃថែមទៀតផង៕
ដោយ៖ស.ស្អាត