ភ្នំពេញ៖ ប្រធានគណបក្សហ៊្វុនស៊ិនប៉ិចសម្តេចរាជបុត្រី ព្រះអនុជ នរោត្តមអរុណរស្មីបានសន្យា​ចំពោះប្រជា​ពលរដ្ឋ កម្ពុជាពិសេសសមាជិកសមាជិការរបស់ខ្លួនថានៅពេលគណបក្សហ៊្វុនស៊ិនប៉ិច​ឈ្នះការ​បោះឆ្នោត​អាណត្តិទី៥ ហើយ ព្រះធ្វើជានាយក​រដ្ឋមន្រ្តីស្រ្តីទី១នៅ​កម្ពុជានោះ​​ព្រះអង្គនឹងដឹកនាំ​ប្រទេស​តាមគន្លង​របស់​សង្គ​មរាស្រ្ត​និយម ដែលដឹកនាំដោយសម្តេចព្រះនរោត្តម​សីហនុ។ គឺឈនៅកណ្តាលមិនលំអៀងទៅរកមហា​អំណាច​ណាមួយនោះទេ រក្សានូវកិច្ចសហប្រតិបត្តិការឲ្យបាន​ល្អបំផុតជាមួយបណ្តាប្រទេស​ក្នុងតំបន់​ក៏ដូច​ជានៅលើ​ពិភពលោកនិងមិនប្រកាន់និន្នាការ​នយោបាយដូច​ដែលយើងធ្លាប់បានធ្វើម្តងរួចមកហើយកាល
ពីអាណត្តិទី១​ឆ្នាំ១៩៩៣។

ព្រះអង្គមានសុវនីយ៍ដូច្នេះនៅក្នុងយុទ្ធនាការរកសំឡេងឆ្នោតនៅរាជធានីភ្នំពេញនាថ្ងៃទី៣ខែកក្កដា
ឆ្នាំ២០១៣​នឹងជាថ្ងៃទី៧​​នៃការបើកយុទ្ធ​នាការឃោសនា​រកសំឡេងឆ្នោត​ជ្រើសរើស​តំណាងរាស្រ្ត
អាណត្តិ​ទី៥ដែលនឹង​ប្រព្រឹត្តទៅនាថ្ងៃទី២៨​កក្កដាខាងមុខ​នេះ។ ដោយឡែកនៅ​រាជធានីភ្នំពេញអាណត្តិ
នេះ​ព្រះអង្គរំ​ពឹងថា​នឹងមាន​ការ​គាំទ្រ​ពីប្រជាពលរដ្ឋ​យ៉ាង​ច្រើនកុះ​ករ​ដើម្បីឲ្យព្រះអង្គ​បានបំរើជាតិបំរើប្
រជាពលរដ្ឋពិសេស​បងប្អូនជាស្រ្តី​ថានឹង​គាំទ្រ​ស្រ្តី​ដូចគ្នាឲ្យបានដឹកនាំ​​ប្រទេសព្រោះមាន​តែស្រ្តីទេដែល
ដឹងពីសុខទុកស្រ្តីស្គាល់​ពីការលំបាក​របស់​ស្រ្តី​នៅគ្រប់ពេល​វេលា​ដូចគ្នា។

សម្តេចរាជបុត្រីព្រះ​អនុជបន្ត​ថាក្នុងឋានៈ​ជាឯកអគ្គរាជទូតកម្ពុ​ជាប្រចាំប្រទេសម៉ាឡេស៊ី​ព្រះបានជួយស្រ្តី
កម្ពុជា​ច្រើនណាស់ដែលរងនូវការរំលោ​ភ​បំពានផ្សេងព្រះ​អង្គមានការឈឺ​ចាប់​ជា​ខ្លាំងនៅពេលឃើញ​គេធ្វើ
បាបជន​ជាតិ​ខ្លួនឯងពិសេសស្រ្តី។ដូច្នេះហើយបានជាព្រះអង្គ​សម្រេចព្រះទ័យធ្វើ​ជាប្រធានគណបក្ស​ហ៊្វុន
ស៊ិនប៉ិច និង​ឈឈ្មោះជាបេក្ខភាពនាយករដ្ឋមន្រ្តីរបស់គណបក្សហ៊្វុនស៊ិនប៉ិចដើម្បីមានឱកាសបានបំរើ
ប្រទេសជាតិនិងប្រជា​ពលរដ្ឋរបស់ខ្លួនតាមឱវាទព្រះរាជបណ្តាំរបស់ព្រះបិតាសម្តេចឪសម្តេចតាសម្តេចតាទួត
នៃយើងពេល​ព្រះ​អង្គ​នៅ​មានព្រះជន្មនៅឡើយ។
សម្តេចព្រះអនុជបានអំពាវនាវដល់ប្រជាពលរដ្ឋកម្ពុជាគ្រប់រូបបើស្រលាញ់របបរាជានិយមសូមគាំទ្រគណបក្ស
ហ៊្វុនស៊ិនប៉ិចនិងបោះឆ្នោតឲ្យគណបក្សហ៊្វុនស៊ិនប៉ិចដែលមានលេខរៀង​ទី២និងមានរូបវិមានឯករាជ្យ​នៅក្នុង​
សន្លឹកឆ្នោត។ជាងនេះទៅទៀត​គឺបងប្អូនស្រ្តីត្រូវតែគាំទ្រស្រ្តីដូចគ្នាផ្តល់​ឱកាសឲ្យស្រ្តីបានក្លាយទៅជាមេដឹក​នាំ​ប្រទេសលើកដំបូងនឹងជាប្រវត្តិសាស្រ្តរបស់កម្ពុជាដែលមានស្រ្តីក្លាហានឈឈ្មោះជាបេក្ខភាពនាយករដ្ឋ​មន្រ្តី។
ព្រះអង្គបញ្ជាក់ថាមានឆន្ទៈ​តែបើគ្មានតួនាទីទេនោះក៏គ្មានឱកាសបាន​បំរើប្រទេសជាតិ និងប្រជារាស្រ្ត​របស់​ខ្លួន
តាមព្រះរាជបំណងរបស់សម្តេចឪដែរ។ ចំណែកលោកញឹក ប៊ុនឆៃ អគ្គលេខាធិការគណបក្សហ៊្វុនស៊ិនប៉ិចវិញ
បានលើក​ឡើង​នៅក្នុងឱកាសនោះថា   សារ​សំខាន់របស់គណបក្សហ៊្វុនស៊ិនប៉ិចក្នុងយុទ្ធនាការឃោសនា​រក​
សំឡេងឆ្នោត​នៅពេលនេះគឺមានអទិភាព​ទៅលើការអភិវឌ្ឍន៍សង្គមមួយឲ្យមានភាព​ស្អាត​ស្អំយុត្តិធម៌ដោយមានការ​រួមរួមសាមគ្គីគ្នា​មិនដូចសង្គម​បច្ចុ​ប្បន្នដែលមានភាពអយុត្តិធម៌ប្រកាន់បក្យពួកពណ៌សម្បុរនយោបាយនោះទេ។

លោកញឹកប៊ុនឆៃបានសម្តែងនូវមោទនភាពក្រៃលែងខណៈពេលយុទ្ធនាការរកសំឡេង​ឆ្នោតរយៈពេលប៉ុន្មាន​ថ្ងៃ
នេះមានប្រជាពលរដ្ឋយ៉ាងច្រើនកុះករបានចូលរួមនៅគ្រប់​ខេត្តក្រុង​ពិសេសគឺនៅរាជធានីភ្នំពេញនេះ។យ៉ាង​ណា
ក៏ដោយលោកញឹកប៊ុនឆៃមិនបានសន្យាទេថានឹងរៀបចំ គោលបាយកែប្រែកំណែទម្រង់រដ្ឋបាលតាមរយៈ ការតំឡើង
ប្រាក់ខែដល់មន្រ្តីរាជការឬប្រាក់ឈ្នួលកម្មករកម្មការនីនោះឡើយ។ប៉ុន្តែលោក​បានសន្យាថានឹងដឹក​នាំប្រទេសតាម
របបសង្គមរាស្រ្តនិយមរបស់ព្រះករុណា ព្រះបាទសម្តេចព្រះនរោត្តមសីហនុ។លោកអគ្គលេខាធិការបានបន្តថាប្រសិន
បើមានឱកាសគណបក្សហ៊្វុនស៊ិនប៉ិចនឹងប្រឹងឲ្យ​អស់ពីកម្លាំង​កាយចិត្ត​ដើម្បីដោះស្រាយនូវវិបត្តិទាំងឡាយដែលមាន
សព្វថ្ងៃចំពោះប្ រជាជននៅគ្រប់ខេត្តក្រុងឲ្យបានជ្រះស្រឡះពិសេស​បញ្ជាទំនាស់ដីធ្លីការរំលោភបំពានផ្សេងៗ​បញ្ហាពុក
រលួយដែលកើតចេញពីមន្រ្តី​មានអំណាចនៅតាម​មូល​ដ្ឋានជាដើម។
សូមបញ្ជាក់ផងដែរថានៅថ្ងៃបន្ទាប់គឺថ្ងៃទី០៤ខែកក្កដាឆ្នាំ២០១៣នេះគណបក្សហ៊្វុនស៊ិនប៉ិចនឹងបន្តយុទ្ធនាការឃោសនា
រកសំឡេងឆ្នោតរបស់ខ្លួននៅខេត្តកណ្តាលនិងខេត្តមួយចំនួនទៀតដែលគណបក្សហ៊្វុនស៊ិនប៉ិចរំពឹងថានឹងទទួលបានការ
គាំទ្រពីប្រជាពលរដ្ឋមានអាសនៈនៅក្នុងរដ្ឋសភានាអាណត្តិទី៥ខាងមុខនេះ៕

ដោយ៖សុវណ្ណរ័ត្ន