ប្រទេសចិន៖ កាលពីព្រឹកថ្ងៃពុធនេះ អគ្គីភ័យនៅក្នុងឡានក្រុងមួយគ្រឿងបានឆក់យកជីវិតមនុស្សចំនួន ១០នាក់ និងបានបណ្តាលអោយមនុស្សយ៉ាងហោចណាស់១៧នាក់ផ្សេងទៀតទទួលរងរបួសជាទំងន់។ មន្រ្តីប៉ូលីសបាន
មានប្រសាសន៍ថា ឡានក្រុងមួយគ្រឿងខាងលើនេះគឺបានដឹកអ្នកដំណើរចំនួន ៤៣នាក់។ សូមបញ្ជាក់ផងដែរថា អគ្គីភ័យនៅក្នុងឡានក្រុងមួយគ្រឿងខាងលើនេះគឺបានកើតឡើងនៅក្នុងទីក្រុង Jilin ខេត្ត Jilin ស្ថិតនៅភាគឦ
សាននៃប្រទេសចិន។ រហូតមកដល់ពេលនេះ មន្រ្តីប៉ូលីសគឺមិនទាន់បានដឹងនៅឡើយទេ អំពីមូលហេតុដែលបង្ក
អោយកើតមានអគ្គីភ័យខាងលើនេះ។ មន្រ្តីប៉ូលីសម្នាក់បានលើកឡើងថា កាលពីសប្តាហ៍មុន អគ្គីភ័យនៅក្នុង
ឡានក្រុងមួយគ្រឿងក្នុងខេត្ត Guizhou បានឆក់យកជីវិតមនុស្សចំនួន ៦នាក់និងបានបណ្តាលអោយមនុស្សចំនួន
៣៥ នាក់ផ្សេងទៀតទទួលរងរបួសជាទំងន់។ ភ្នាក់ងារសារព័ត៌មានស៊ិនហួបានអោយដឹងថា ឡានក្រុងដឹកអ្នកដំ
ណើរមួយគ្រឿងខាងលើនេះគឺជាកម្មសិទ្ធិរបស់ក្រុមហ៊ុន Fukang Wood៕ ដោយ៖ តុលា