ភ្នំពេញ៖ មានប្រជាពលរដ្ឋប្រមាណ៦០០នាក់ មកពីគណបក្សហ៊្វុនស៊ិនប៉ិចបានប្រារពពិធីបង្សុកូលរាប់បាតនៅក្នុងបរិវេណគុកទួលស្លែងដែលគេស្គាល់ថាជាមន្ទីរស២១នៅក្នុងរបបកម្ពុជាប្រជាធិបតេយ្យនោះនៅព្រឹក
ថ្ងៃទី២២ខែមិថុនាឆ្នាំ២០១៣នេះដែលដឹកនាំដោយ សម្តេច ព្រះអនុជ នរោត្តម អរុណរស្មី ប្រធានគណបក្ស
និងស្វាមីព្រមទាំងក្រុមគ្រួសារសមាជិកសមាជិកការដូនជីតាជីនិងមានការយាងនិមន្តព្រះសង្ឃជាង១០០អង្គ
បង្សុកូលរាប់បាតឧទ្ទិសនូវមហាកុសលជូនដល់ជនរងគ្រោះដែលបានស្លាប់បាត់បង់ជីវិតនៅក្នុងមន្ទីរស២១
ក៏ដូចជនរងគ្រោះដែលបានស្លាប់នៅទីកន្លែងផ្សេងៗទៀតទូទាំងប្រទេសក្នុងរបបកម្ពុជាប្រជាធិបតេយ្យ ។
មានសុវនីយ៍នៅក្នុងពិធីនោះសម្តេចព្រះអនុជនរោត្តមអរុណរស្មីបានលើកឡើងថាបុណ្យកើតឡើងដោយការ
លះបង់នូវពេលវេលាដ៏មានតម្លៃដោយចិត្តបរិសុទ្ធនិងមានការចូលរូមពីសប្បុរសជនពុទ្ធបរិស័ទព្រះសង្ឃដើ
ម្បីឧទ្ទិសដល់អ្នកដែលបានអនិច្ចកម្មទៅដោយចម្បាំងរាំងជលនាពេលកន្លង និងមួយផ្នែកទៀតបានស្លាប់
បាត់បង់ជីវិតដោយអំពើឃោឃៅធ្វើទុក្ខទារុណកម្មផ្សេងៗ នៃពួកឃាតករអាវខ្មៅប៉ុលពតក្នុងរបបគ្រប់គ្រង
កម្ពុជាប្រជាធិបតេយ្យ។
សម្តេចព្រះអនុជបន្តថា កុសលដែលកើតឡើងនៅថ្ងៃនេះនឹងបានដល់វិញ្ញាណខណ្ឌជនរងគ្រោះទាំងនោះ
ហើយបាននាំអ្នកទាំងអស់នោះទៅកាន់ឋានសួគ៌ឋានសុខនិងសុំឲ្យវិញ្ញាណខណ្ឌអ្នកទាំងនោះងាកក្រោយ
ជួយរុញច្រាននាវាកម្ពុជាឲ្យទទួលបាននូវសុខសន្តិភាពជានិច្ចនិរន្តរ៍ពិសេសកុំឲ្យរបបខ្មៅងងឹតនោះវិលមក
ជាថ្មីម្តងទៀតសម្រាប់ប្រទេសកម្ពុជាគឺឲ្យផុតរលត់បាត់សូន្យសុងតែម្តងទៅ។
ជាមួយគ្នានោះដែរសម្តេចរាជបុត្រីព្រះអនុជក៏សូមឧទ្ទិសមហាកុសលនាថ្ងៃនេះចំពោះព្រះវិញ្ញាណខណ្ឌសម្តេច
ព្រះបរមរតនកោដ្ឋសម្តេចព្រះនរោត្តមសីហនុដែលទ្រង់បានយាងចូលទិវង្គត់កាលពីពេលថ្មីនេះសូមទ្រង់យាង
ទៅកាន់ឋានព្រះបរមសុខ និងតាមថែរក្សាកូនចៅចៅទួតរបស់ព្រះអង្គគ្រប់គ្នា ពិសេសតាមរក្សាព្រះរាជាណា
ចក្រកម្ពុជាជាទីស្រលាញ់របស់ព្រះអង្គឲ្យជៀសផុតពីភ្លើងសង្រ្គាមចាប់តាំងពីពេលនេះតទៅនិងនាំមកនូវសុខ
សន្តិភាពដូចដែលព្រះអង្គធ្លាប់បានធ្វើពេញមួយជីវិតរបស់ព្រះអង្គសម្រាប់កម្ពុជានោះ។
ទន្ទឹមនឹងនោះសម្តេចព្រះអនុជបានរំលឹកផងដែរថាព្រះអង្គបានបាត់បង់មាតាជាទីស្រលាញ់និងរាជវង្សានុវង
ជាច្រើនអង្គនៅក្នុងរបបឃោឃៅនោះដែលរហូតមកដល់ពេលនេះមិនដឹងថាអ្នកទាំងនោះស្លាប់នៅទីកន្លែង
ណានោះទេ។ដូច្នេះហើយព្រះអង្គសូមអំពាវនាវដល់ជនរួមជាតិទាំងអស់ត្រូវតែស្រលាញ់គ្នាចេះសាមគ្គីរួបរួម
គ្នាកសាងការពារនិងអភិវឌ្ឍន៍ប្រទេសយើងឲ្យរីកចំរើនរុងរឿងដូចប្រទេសជឿនលឿនជាច្រើនទៀតនៅក្នុង
តំបន់និងពិភពលោក។
សូមបញ្ជាក់ថានៅក្នុងពិធីបង្សុកូលរាប់បាត្រនោះដែរក៏មានការនិមន្តចូលរួមពីព្រះសង្ឃចិន(ភិក្ខុនីចិន) ប្រមា
ណជា២០អង្គនិងបានរៀបចំពិធីសែព្រេនតាមបែបប្រពៃណីចិនមានដុតផ្ទះវិឡាឡាននិងសម្ភារៈប្រើប្រាស់
ផ្សេងៗជាច្រើនមុខដើម្បីឧទ្ទិសដល់អ្នកដែលស្លាប់បាត់បង់ជីវិតនៅគុកទួលស្លែងនិងនៅទូទាំប្រទេសកម្ពុជា៕
ដោយ៖សុវណ្ណរ័ត្ន