ក្រសួងអប់រំ យុវជន និងកីឡា កាលពីថ្ងៃទី១៦ ខែតុលា ឆ្នាំ២០១៣ បានចេញសេចក្តីជូនដំណឹងមួយ ស្តីពីការជ្រើសរើសនិស្សិតអាហារូបករណ៍ថ្នាក់បណ្ឌិត និង ថ្នាក់ម៉ាស្ទ័រ ដើម្បីទៅសិក្សានៅ The National Graduate Institute for policy Studies (GRIPS) នៃប្រទេសជប៉ុនក្នុងឆ្នាំ២០១៤ខាងមុខនេះ។
យោងតាមលិខិតរបស់ក្រសួងការបរទេស និងសហប្រតិបត្តិការអន្តរជាតិដែលបានចុះកាលពីថ្ងៃទី១៥ ខែសីហា ឆ្នាំ២០១៣ បានឲ្យដឹងថា ក្រសួងអប់រំ យុវជននិងកីឡាបានជូនដំណឹងដល់មន្ត្រី រាជការដែលកំពុងបម្រើការងារនៅតាមក្រសួង-ស្ថាបន័នានាថា សម្រាប់ឆ្នាំ២០១៤ខាងមុខនេះ the national Graduate Institute for policy Studies (GRIPS) ដែលឧបត្ថម្ភដោយក្រសួងអប់រំជប៉ុន និងផ្តល់ អាហារូបករណ៍ដល់មន្ត្រីរាជការកម្ពុជាឲ្យទៅបន្តការសិក្សា ថ្នាក់បណ្ឌិត និងថ្នាក់ម៉ាស្ទ័រលើជំនាញផ្សេង ៗនៅប្រទេសជប៉ុនចាប់ពីខែតុលា ឆ្នាំ២០១៤ ខាងមុខនេះ ដូច្នេះសម្រាប់បុគ្គលិកមន្ត្រីរាជការទាំងអស់ដែលមានបំណងចង់ទទួលបានអាហារូបករណ៍ខាងលើនេះ សូមចូលទៅកាន់គេហទំព័ររបស់GRIPS ដែលមានអាសយដ្ឋាន www.grips.ac.jp/en/pstudents/admissions/ ដើម្បីបំពេញតាមលក្ខខណ្ឌនៃការចូលរួមជាបេក្ខជនទៅតាមមុខជំនាញផ្សេងៗគ្នារបស់សមីជន៕
ដោយ៖ អភិរក្ស