បាត់ដំបង៖ បុរសវ័យចំណាស់ម្នាក់ត្រូវបានសមត្ថកិច្ចចាប់ខ្លួនបញ្ជូនទៅតុលាការក្រោយពី វាយប្រពន្ធរបស់ខ្លួនស្ទើរស្លាប់និងយកឈើរុកប្រដាប់ភេទកាលពីព្រឹកថ្ងៃទី៣ ខែមិថុនា ឆ្នាំ២០១៣ នៅភូមិព្រៃអម្ពរឃុំអណ្ដើកហែប
ស្រុករតនៈមណ្ឌល។
ប្រភពព័ត៌មានពីសមត្ថកិច្ចបានឲ្យដឹងថាជនសង្ស័យឈ្មោះលានផនអាយុ៦១ឆ្នាំត្រូវបានឃាត់ខ្លួនកាលពីព្រឹក
ថ្ងៃទី៥ខែមិថុនាឆ្នាំ២០១៣ក្រោយបង្កហិង្សាបាន២ថ្ងៃទៅលើភរិយារបស់ខ្លួនឈ្មោះសួនសុខុមអាយុ៤៨ឆ្នាំ។
ប្រភពដដែលបញ្ជាក់ថាបុរសរូបនោះមានចរិកឃោឃៅបំផុតវាយប្រពន្ធនិងកាច់ដៃឆ្វេងប្រពន្ធរហូតដល់បាក់
រួចយកឈើររុកប្រដាប់ភេទប្រពន្ធទៀតដោយសារតែការប្រច័ណ្ឌគ្មានហេតុផលហើយនេះមិនមែនជាលើក
ទី១នោះទេ ។
ពលរដ្ឋបានឃើញហេតុការណ៍ជាច្រើបាននិយាយថាពួកគាត់ឃើញបុរសខាងលើជេស្ដីប្រពន្ធគ្មានសំចៃមាត់
មុនពេលអូសដៃប្រពន្ធចេញពីផ្ទះអ្នកជិតខាងទាំងខ្លួនស្រវឹងជោកហើយប្រពន្ធក៏បានព្យាយាមតបតវិញខ្លះៗ
ដែរប៉ុន្តែពេលទៅដល់ផ្ទះនៅតែត្រូវជនខាងលើវាយគ្មានប្រណីដៃនិងកាច់ដៃឆ្វេងគាត់រហូតដល់បាក់។បន្ថែម
លើអំពើរដ៏ថោកទាបនិងព្រៃផ្សៃនេះជនឡប់សតិបានយកឈើរុកប្រដាប់ភេទប្រពន្ធថែមទៀតធ្វើឲ្យគាត់មាន
ការឈឺចាប់យ៉ាងខ្លាំងហើយគ្មានអ្នកណាហ៊ានចេញមុខជួយនោះឡើយ។
នៅចំពោះមុខសមត្ថកិច្ចឈ្មោះ លាន ផន បានសារភាពថាខ្លួនពិតជាបានប្រើអំពើរហិង្សាទាំងកំរោលទៅលើ
ប្រពន្ធមែនហើយថែមទាំងនិយាយថាព្រោះតែខ្លួនសង្ស័យថាប្រពន្ធលួចមានប្រុសថ្មីទើបធ្វើបែបនេះតែគេមិន
បានបញ្ជាក់ប្រាប់ថាជាអ្នកណានោះឡើយ។
លោករស់លឹមសឺនអធិការរងក៏បានបញ្ជក់ដែរថាជនសង្ស័យខាងលើនេះតែងបង្កហិង្សាលើប្រពន្ធញឹកញាប់
និងធ្លាប់វាយប្រពន្ធបាក់ដៃឆ្វេងម្ដងហើយកាលពីពេលកន្លងទៅ។បច្ចុប្បន្នស្ត្រីរងគ្រោះត្រូវបានក្រុមព្រឹក្សាឃុំ
ជួយដឹកយកទៅព្យាបាលនៅមន្ទីរពេទ្យបង្អែកខេត្តភ្លាមៗរីឯជនដៃដល់ត្រូវកម្លាំងជំនាញកសាងសំណុំរឿង
បញ្ជូនទៅតុលាការ៕ដោយ៖ ស.ស្អាត