ភ្នំពេញ៖ សេចក្តីស្នើច្បាប់ស្តីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យមានមួយជំពូកនិងមាន៥មាត្រានឹងត្រូវគណៈកម្មាធិការអចិន្ត្រៃយ៍នៃរដ្ឋសភាយកមក
ប្រជុំពិភាក្សាជាលើកទី២នៅថ្ងៃទី៥ខែ មិថុនា ឆ្នាំ២០១៣ ដើម្បីដាក់ចូលក្នុងការប្រជុំវិសាមញ្ញរដ្ឋសភាពេញ
អង្គដែលគ្រោងនឹងធ្វើនៅថ្ងៃទី៧ ខែមិថុនា ខាងមុខនេះ។
សេចក្តីស្នើច្បាប់នេះត្រូវបានគណៈកម្មាធិការអចិន្ត្រៃយ៍នៃរដ្ឋសភាបានប្រជុំពិភាក្សាម្តងរួចមកហើយកាល
ពីថ្ងៃទី៣១ខែឧសភាឆ្នាំ២០១៣ក្រោមអធិបតីភាពសម្តេចហេងសំរិនប្រធានរដ្ឋសភា។
ប្រធានគណៈកម្មាធិការកិច្ចការបរទេសសហប្រតិបត្តិការអន្តរជាតិឃោសនាការ និងព័ត៌មាននិងជាសមា
ជិកគណៈកម្មាធិការអចិន្ត្រៃយ៍នៃរដ្ឋសភាលោកឈាងវុនបានឲ្យដឹងនៅព្រឹកថ្ងៃទី០៣ខែមិថុនាថា បន្ទាប់
ពីកិច្ចប្រជុំគណៈកម្មាធិការអចិន្ត្រៃយ៍កន្លងទៅកាលពីសប្តាហ៍មុនគឺបានប្រគល់ភារកិច្ចនៃការរៀបចំខ្លឹម
សារនៃសេចក្តីស្នើច្បាប់នេះឲ្យទៅគណៈកម្មាការនីតិកម្មនៃរដ្ឋសភាដើម្បីរៀបចំជូនគណៈកម្មាធិការអចិ
ន្ត្រៃយ៍សម្រេច។បើសិនជាគណៈកម្មាធិការអចិន្ត្រៃយ៍សម្រេច នឹងដាក់ចូលក្នុងសភាពេញអង្គជាវិសាម
ញ្ញនៅថ្ងៃសុក្រទី០៧ខែមិថុនាឆ្នាំ២០១៣។
សេចក្តីស្នើច្បាប់ថ្មីនោះបានកំណត់ដាក់ទោសលើជនណាដែលមិនទទួលស្គាល់របបខ្មែរក្រហមថាមាន
ការធ្វើទារុណកម្មនិងការសម្លាប់មនុស្សជិត២លាននាក់ដោយត្រូវផ្តន្ទាទោសដាក់ពន្ធនាគារពី៦ខែទៅ២
ឆ្នាំនិងពិន័យជាប្រាក់ពី១លានរៀលទៅ៤លានរៀល៕ដោយសស្អាត