ភ្នំពេញៈ ក្រុមអ្នកប្រឆំាងនឹងមេរោគអេសដ៍ចាប់ផ្តើមប្រមូលព័ត៌មាននៃតម្រូវជាក់ស្តែង ក្នុងការអនុវត្ត វិធីសាស្រ្តសូន្យបីឲ្យមានប្រសិទ្ធិភាពខ្ពស់សម្រាប់ឆ្នាំ២០២០ខាងមុខ គឺគ្មាការចំលងថ្មី គ្មានការរើសអើង និងគ្មានមរណភាពទាក់ទងនឹងអេដស៏។ ដោយថ្លែងនៅក្នុងវគ្គបណ្តុះបណ្តាលការប្រយុទ្ធប្រឆាំងមេរោគអេសដ៏ និងជំងឺអេសដ៏នៅព្រឹកថ្ងៃទី៣១ ខែ មីនា ឆ្នាំ២០១៤នេះ លោកវេជ្ជបណ្ឌិត មាន ឈីវវុន ប្រធានមជ្ឍមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគនៃក្រសួងសុខាភិបាលមានប្រសាសន៍ថា ឆ្នាំ២០១៤នេះ ជាឆ្នាំគន្លឹះដ៏សំខាន់ ក្នុងការជំរុញឲ្យបានខ្លំាងក្លានៃការអនុវត្តយុទ្ធវិធីសូន្យបី ដើម្បីឈានទៅសម្រេចបានតាមការប្តេជ្ញារបស់ខ្លួននៅឆ្នាំ២០២០ខាងមុខ។
លោកប្រធានមជ្ឈមណ្ឌលជាតិបញ្ជាក់ថា ដើម្បីសម្រេចបំណងតាម ការគ្រោងទុកនេះមជ្ឍមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ បានចាប់ផ្តើមប្រ មូលទិន្និន័យដែលអនុវត្តកន្លងដោយសហការជាមួយដៃគូអន្តរជាតិនានា ដើម្បីជាមូលដ្ឋានវាយតម្លៃ សំដៅធានាដល់ការឆ្លើយតបប្រកបដោយប្រសិទ្ធខ្ពស់ក្នុងការប្រយុទ្ធប្រឆាំងការរីករាលដាល់នៃមេ រោគអេសដ៏ និងជំងឺអេសដ៏នេះ។ លោកបន្ថែមថា ទិន្នន័យដែលត្រូវប្រមូលនេះ គឺផ្តោតសំខាន់នៅ តាមសុ្រក ក្រុងគោដៅនានារបស់មជ្ឈមណ្ឌលទៅលើសកម្មភាពក្នុងការបង្កា អប់រំទប់ស្កាត់ ការផ្តល់ សេវាថែទាំព្យាបាល និងសេវាផ្សេងៗទៀត ដើម្បីឈានទៅលុបបំបាត់នូវការឆ្លងថ្មីនៃមេរោគអេសដ៏ នៅកម្ពុជា។
.jpg)
លោកស្រី មីស្យែល ឡែនឡឺរី តំណាងអង្គការ UNSID ប្រចាំកម្ពុជាមានប្រសាសន៍ថា នេះជាយន្តការ ដ៏ល្អរបស់រាជរដ្ឋាភិបាលកម្ពុជាក្នុងការប្តេជ្ញាចិត្តប្រយុទ្ធប្រឆំាងមេរោគអេសដ៏នេះ បើទោះបីជាអត្រាប្រេវ៉ាឡង់នៃការឆ្លងបានថយចុះជាលំដាប់ក៏ដោយ។ លោកស្រីបន្ថែមថា ការប្រមូលព័ត៌មានថ្មីៗនេះ ពិតជាត្រូវការដ៏ចាំបាច់ ព្រោះវាជាលទ្ធផលនៃការប្រៀបធៀបពីវឌ្ឍនភាពសម្រាប់ការអនុវត្តទៅតាម គោលការណ៍ប្រតិបត្តិថ្មីៗនៅក្នុងកម្មវិធីបង្កាថែទាំងនិងការព្យាបាល សម្រាប់១ឆ្នាំម្តង ឬ២ឆ្នាំម្តង។ បើយោងតាមរបាយការណ៍នៅឆ្នាំ២០១៣ ប្រជាពលរដ្ឋទូទៅមានអត្រាឆ្លងត្រឹម ០.៦ភាគរយ ក្នុងនោះក្រុមដែល មានអត្រាឆ្លងខ្ពស់ជាងគេ គឺក្រុមបុរសស្រាលាញ់បុរសដែលរួមភេទតាមរន្ឋគូថមានអត្រាឆ្លង២.១% ក្រុមអ្នកបំរើសេវាកំសាន្ត(រកស៊ីផ្លូវភេទ) មានអត្រាឆ្លង១៣.៩% និងក្រុមប្រើថ្នាំញៀនដោយការប្រើម្ជុរសារ៉ាងចាក់បន្តគ្នាមានអត្រាឆ្លង២៤% ។
សូមបញ្ជាក់ផងដែរថា នៅត្រឹមឆ្នាំ២០១៥ខាងមុខនេះតាមការប្តេជ្ញារបស់កម្ពុជា នឹងកាត់បន្ថយការឆ្លងមេរោគអេដស៏តាមរយៈការចាក់សឺរ៉ាំងឲ្យបាន៥០% លុបបំបាត់ទាំស្រុងការឆ្លងពីម្តាយទៅកូន នឹងកាត់បន្ថយការឆ្លងតាមរយៈការរួមភេទឲ្យបាន៥០ភាគរយ ព្រមទាំងលុបបំបាត់ការឆ្លងទាំងស្រុងនៅឆ្នាំ២០២០៕
ដោយៈ ភីនរ៉ា