ភ្នំពេញ៖ ស្ថានទូតនៃប្រទេសស៊ុយអែត បានរួមសហការជាមួយវិទ្យាស្ថានតស៊ូមតិ និងគោលនយោបាយ
និង មជ្ឈមណ្ឌលព័ត៌មានដើម្បីប្រព័ន្ធផ្សព្វផ្សាយឯករាជ្យ អង្គការយូណេស្កូ បានរៀបចំសន្និសីទថ្នាក់ជាតិមួយ
ស្តីអំពីសិទិ្ធទទួលបានព័ត៌មាននៅកម្ពុជា ចាប់ពីថ្ងៃទី៣០-៣១ ខែឧសភា ឆ្នាំ២០១៣ នៅសណ្ឋាគារកាំបូឌី
យ៉ាណា។
សន្និសីទនេះមានគោលបំណងបង្កើតអោយមានការពិភាក្សារវាងក្រសួងពាក់ព័ន្ធសង្គមស៊ីវិល និងដៃគូអភិវឌ្ឍ
ន៍ផ្តោតទៅលើបញ្ហានិងការប្រឈមនានា និងរៀនសូត្រពីអ្នកជំនាញក្នុងតំបន់និងអន្តរជាតិសំដៅអោយមាន
ការអនុម័តច្បាប់ស្តីពីសិទិ្ធទទួលបានព័ត៌មាននៅកម្ពុជាមួយដែលមានកំរិតស្តង់ដាអន្តរជាតិ។
ថ្លែងក្នុងកិច្ចបើកអង្គសន្និសីទថ្នាក់ជាតិពីនោះ តំណាងយូណេស្កូប្រចាំប្រទេសកម្ពុជាលោកស្រី Anne Lemaistre
បានលើកឡើងថា សិទ្ធិទទួលបានព័ត៌មានឬសេរីភាពទទួលបានព័ត៌មានអាចត្រូវ បានគេឲ្យនិយមន័យថាសិទ្ធិ
ក្នុងការទទួលបានព័ត៌មានដែលស្ថិតនៅក្នុងដៃរបស់ស្ថាប័នសាធារណៈ។ សិទ្ធិនេះគឺ ជាផ្នែកមួយដ៏សំខាន់នៃ
សិទ្ធិជាមូលដ្ឋានលើការមានសេរីភាពបញ្ចេញមតិយោបល់ ដែលត្រូវបានទទួលស្គាល់ដោយ មហាសន្និបាត
សហប្រជាជាតិ ។
លោកស្រីបានបន្តថា លទិ្ធប្រជាធិបតេយ្យពឹងអាស្រ័យលើប្រជាពលរដ្ឋដែលដឹងឮគ្រប់គ្រាន់ ដែលមានលទ្ធភាពទទួលបាននូវព័ត៌មានប្រកបដោយគុណភាព ហើយអនុញ្ញាតឲ្យពួកគេចូលរួមក្នុងកិច្ចការសាធារណៈ។ ព័ត៌មាន ផ្តល់ភាពអង់អាចដល់ប្រជាពលរដ្ឋ និងអាចឲ្យពួកគេគ្រប់គ្រងលើការសម្រេចចិត្តនានា ដែលមានផលប៉ះពាល់លើ ជីវភាពរស់នៅ។ ម៉្យាងវិញទៀត អង្គការយូណេស្កូជំរុញឲ្យមានការតាក់តែងច្បាប់ ដោយមានការចូលរួម តាមរយៈការជជែកវែកញែកដែលមានមូលដ្ឋានលើព័ត៌មានត្រឹមត្រូវ នៅក្នុងការកំណត់
ពីសិទ្ធិទទួលបានព័ត៌មាន។
យើងនឹងលើកទឹកចិត្តឲ្យរាជរដ្ឋាភិបាលធ្វើការធានាយ៉ាងណាឲ្យប្រជាពរលដ្ឋខ្មែរអាចប្រើប្រាស់សិទ្ធិដឹងឮ រប
ស់ពួកគាត់ ហើយយូណេស្កូបានត្រៀមខ្លួនជាស្រេច ដើម្បីជួយដល់ការងារមួយនេះ ។
លោកស្រី Anne Hoglund ឯកអគ្គរដ្ឋទូតស៊ុយអែតប្រចាំប្រទេសកម្ពុជាបានឲ្យដឹងថា នៅក្នុងប្រទេសរបស់លោក
ស្រី សេរីភាពក្នុងការបញ្ចេញមតិយោបល់ និងសិទ្ធិទទួលបានព័ត៌មានបានទទួលការគាំទ្រយ៉ាងខ្លាំងក្លាពីរដ្ឋ
ធម្មនុញ្ញចាប់តាំងពីឆ្នាំ១៧៦៦មកម្ល៉េះ។ យើងចាត់ទុកសិទ្ធិទាំងនេះថាជាកត្តាដែលផ្តល់លទ្ធភាពឲ្យមានការសម្រេចបាននូវសិទ្ធិមនុស្សដទៃទៀត និងការសម្រេចនូវគោលការណ៍សំខាន់ៗដូចជា តម្លាភាព និងគណនេ
យ្យភាពជាដើម។ សិទ្ធិទទួលបាននូវព័ត៌មាន និងភាពបើកចំហគឺជាផ្នែកសំខាន់ៗនៃលទ្ធិប្រជាធិបតេយ្យនិង
អភិបាលកិច្ចល្អ។
លោកស្រីបន្តទៀតថា ប្រទេសកម្ពុជាមានសក្តានុពលយ៉ាងធំធេង ក្នុងការបោះជំហានទៅមុខ ដើម្បីផ្តល់នូវការការពារ និងលើកកម្ពស់សិទ្ធិសេរីភាពក្នុងការទទួលបានព័ត៌មាន។ លើសពីនេះ កម្ពុជាមានប្រព័ន្ធផ្សព្វ
ផ្សាយ និងសង្គមស៊ីវិលចម្រុះ និងរស់វើកផងដែរ។ សិទ្ធិដែលទទួលបានព័ត៌មានជាប្រចាំនោះ គឺទូរស័ព្ទដៃ
ទំនើប វិទ្យុ ទូរទស្សន៍ ប្រព័ន្ធអ៊ីនធឺណេតកាសែត ទស្សនាវដ្តី ឯកសារស្រាវជ្រាវមួយចំនួនដទៃទៀត ទាំងនេះ
ហើយជាឧបករណ៍សម្រាប់ទទួលព័ត៌មានដោយសេរី និងឯករាជ្យរបស់ប្រជាពលរដ្ឋ។
ចំណែករដ្ឋលេខាធិការក្រសួងព័ត៌មានលោក ថាច់ ផែន បានថ្លែងថា ច្បាប់នេះមិនចេញជារូបរាងនៅឡើយ៖
នៅឆ្នាំ២០០៤ រាជរដ្ឋាភិបាលកម្ពុជា បានទទួលស្គាល់ពីតំរូវការ នៃច្បាប់ស្តីពីសិទ្ធិទទួលបានព័ត៌មាននៅកម្ពុជា
ដើម្បីជុំរុញអោយមានតម្លាភាព និងគណនេយ្យភាពកាន់តែប្រសើរនៅក្នុងរាជរដ្ឋាភិបាលរបស់ខ្លួន។ ព្រមជាមួយគ្នានោះ រាជរដ្ឋាភិបាលកម្ពុជា និងដៃគូអភិវឌ្ឍន៍ សន្យានឹងបង្កើតក្របខ័ណ្ឌគោនយោបាយ ស្តីពីសិទិ្ធ
ទទួលបានព័ត៌មាន។ ការពង្រាងនៃ ក្របខ័ណ្ខគោលនយោបាយស្តីពីសិទិ្ធទទួលបានព័ត៌មាននៃកម្ពុជា ត្រូវ
បានបញ្ចប់នៅ ក្រោមការដឹកនាំរបស់ ក្រសួងទំនាក់ទំនងជាមួយរដ្ឋសភា ព្រឹទ្ធសភានិងអធិការកិច្ច ក៏ប៉ុន្តែ
រហូតមកទល់ពេលនេះ ពង្រាងក្របខ័ណ្ខគោលនយោបាយនេះមិនទាន់ទទួលបានការអនុម័ត ដោយគណៈ
រដ្ឋមន្ត្រីនៅឡើយទេ។
អ្នកសារព័ត៌មានទាំងអស់នឹងត្រូវបានអញ្ជើញមកចូលរួមក្នុងសន្និសីទសារព័ត៌មាននៅវេលាម៉ោង៣:៣០នាទី
រសៀលថ្ងៃទី៣១ ខែឧសភា ឆ្នាំ២០១៣ បន្ទាប់ការបិទសន្និសីទថ្នាក់ជាតិ។ វាគ្មិនដ៏សំខាន់នៅក្នុងសន្និសីទថ្នាក់ជាតិនេះ មានលោកស្រី Anne Lemaistre តំណាងយូណេស្កូនៅកម្ពុជា (UNESCO) លោក ប៉ា ងួនទៀងនា
យកប្រតិបត្តិនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយ ឯករាជ្យ (CCIM) និងលោក ណេប ស៊ីនថៃ វិទ្យាស្ថានតស៊ូមតិ និងគោលនយោបាយ (API)៕ដោយ៖សំអាត