លោកស្រី ផាក គុនហ៊ី ប្រធានាធិបតីកូរ៉េខាងត្បូង បាននិយាយថាប្រទេសរបស់លោកស្រីទើបតែផលិតបានឧទ្ធម្ភាគចក្រយោធាថ្មីដោយខ្លួនឯងបន្ទាប់ពីកូរ៉េខាងជើងចេះតែបន្តការគំរាមកំហែងបង្កជម្លោះនិងបាញ់បង្ហោះ
មីស៊ីលចម្ងាយជិតព្រមទាំងបានច្រានចោលនូវសំណើរបស់កូរ៉េខាងត្បូងដែលចង់ចរចាជាមួយទៀតផង ។
លោកស្រីបានថ្លែងបែបនេះក្នុងពិធីបង្ហាញ ឧទ្ធម្ភាគចក្រយោធាថ្មីផលិតក្នុងស្រុកមានឈ្មោះថា Surion ដែល
មានតម្លៃច្រើនជាង១ពាន់លានដុល្លារអាមរិកកាលពីម្សិលមិញ។ក្នុងពិធីនោះលោកស្រីផាកគុនហ៊ីក្នុងសម្លៀក
បំពាក់ជាយោធានិងបានជិះលើឧទ្ធម្ភាគចក្រSurion ទៀតផង។
បន្ទប់បើកឧទ្ធម្ភាគចក្រប្រភេទនេះមានបំពាក់ដោយអេក្រង់ត្រួតពិនិត្យចំនួន៤ដែលបង្ហាញពីអាកាសចរនិង
តំបន់នៅជុំវិញហើយវាអាចបន្តការហោះហើរបានរយៈពេល២ម៉ោងនិង៣០នាទីនិងផ្ទុកបានទាហានបំពាក់
ដោយអាវុធគ្រប់ដៃចំនួន៩នាក់។
ជាមួយគ្នាប្រទេសកូរ៉េខាងត្បូងបានបង្ហាញថាខ្លួនគ្រោង នឹងដាក់ពង្រាយឧទ្ធម្ភាគចក្រ Surion ចំនួន២០០
គ្រឿងក្នុងរយៈពេល១០ឆ្នាំទៀត៕
ដោយ៖សស្អាត